Titus 3 - Ashiri Aeuitaknup Iyohaichish Yona 1897

3 Ik.

¹ Nei utara anak ne esapane utara newa mondum koro utara kotpoketa yairapokekara wa koitaknu kuni ye yan, samata, nep pirika ikip gusu ne yakka yaietokooikire,

² iteki nen ne yakka ohaigekara, iteki ukoiki, rotcha keutum koro, obitta no okai utara epeka ramu-hauge no okai kuni ye yan.

³ Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

⁴ Koroka, un kashiobiukip ne Kamui ramu-hauge ambe newa ainu epeka no an omap ambe hetuku an chiki,

⁵ yaikota chi iki oupeka an ikip ankushkerai shomo ne, koroka, kanna-shikore furaye ambe newa Ashkanne Ramat ashin no kara ambe ankushkerai hetukup ne,

⁶ Shinuma anak ne chikoro un kashiobiukip ne Yesu Kiristo ankushkerai nuye an no nei ambe un kashita echikiki nisa ruwe ne;

⁷ tambe anak ne chi utara Shinuma koro irenga gusu aoupekare wa otusashuishiri pakno an inotu echipachipa ambe an korachi eikeshkoro utara ne akara kuni gusu an ambe ne ruwe ne.

⁸ Nei itak ambe sonep ne, orowa, tap okaibe gusu anak, Kamui eishokoro okere utara anak ne esanniyo hine pirika moni iki kuni ne, yupke no e ye kuni ku kon rusui ruwe ne. Tapan okaibe anak ne ainu utara gusu pirika newa pirikare ambe ne: koroka,

⁹ ramu-isam upa-hunara ambe hene, ainu ekashi ikiri hene, upaore ambe hene, ukoiki ambe hene, tuitak gusu upaukoiki ambe hene eshishi yan; nei okaibe anak ne pirikare ambe shomo ne wa raka-sakbe ne ruwe ne gusu ne na.

¹⁰ Kamui orushpe ohoge yainu gurʼanak ne ara-shui tu-shui epakashnu okake eshishi yan;

¹¹ nei no an guru oheuge wa chikokatpak an hine aeyaiesanniyo okere ruwe ne ari eraman yan.

¹² Artemas hene Tikikos hene e orun ku arapare chiki, Nikaporis kotan ta en otta e ek kuni irammakaka iki yan: nei kotan ta ku mata-riya kuni ku esanniyo okere ruwe ne gusu ne na.

¹³ Nep eikohayep isam kuni ne ipawetenge pita guru ne Zenas newa Aporros irammakaka ette yan.

¹⁴ Koro kuni eishiramne ambe chikoro utara ne yakka uina kuni ne pirika moni iki ambe eyaihannokara kara yak pirika, iteki ibehe sak kuni gusu ne na.

¹⁵ En tura no obitta no okai utara anak ne e orun ekap na. Eishokor-i oshiketa un omap utara ekap wa en kore. Irenga obitta no okai echi utara tura no an kuni ku koramkon na.