Titus 1 - Ashiri Aeuitaknup Iyohaichish Yona 1897

1 Ik.

¹ Kamui koro usshiune guru ne, samata, Kamui koro anumge wa okai utara atte eishokor-i newa Kamui kooripak ambe nepkoro an sonep eramu ambe nei no an wa Yesu Kiristo koro Apostoro ne Pauros

² ku ne anak ne shunge eaikap Kamui otusashuishiri wano an pakihi etokota eitakamkire otusashuishiri pakno an inotu echipachipa hine obitta no okai utara koro eishokor-i gusu ku poho ne Titus eun kambi ku omande na:

³ koroka, Shinuma anak ne koro pakihi ta nei shongo ani koro itak sarare, aige, chikoro un kashiobiukip ne Kamui kashpaotte nei no nei ambe a en shikkashimare nisa ruwe ne;

⁴ Michi ne Kamui newa chikoro Utarapa ne Kiristo Yesu orowa no irenga newa itomo an kuni akoramkon na.

⁵ Tambe gusu, Krete kotan ta e ande ash nisa ruwe ne, eikohaye okaibe e shitchashnure hene ki, ku e kashpaotte ash korachi, pishno an machiya oshiketa ekashi atte hene e ki kuni ne e ande nisa;

⁶ nenka wen-buri sak, shine mat koro, rurisama eyanasapbe shomo ne, itakkashi shomo ne okai eishokor-i atte poho koro yakun.

⁷ Inambe gusu ne yakun, episkopos anak ne Kamui korobe ashikkashimare guru korachi wen-buri sak no okai kunip ne; yaikota koro keutum eikaunu shomoki, shomo nukoshne, shomo iku sakayo ki, ainu koiki shomoki, aetunne kuni ani eyaiepirikare ambe kon rusui shomoki;

⁸ koroka, ikateomare ki, pirikap koomap, yaikatanu wa an, oupeka, ashkanne keutum koro, yaishikkashima kunip ne; orowa, shinuma

⁹ anak ne nei nisashnu an epakashi gusu onishnishi eashkai hemhem ki, eutastasa utara oitaksakka eashkai hemhem ki kuni ne, nei epakashi kopakeat no an sone an itak shikkashima kuni guru ne ruwe ne na.

¹⁰ Inambe gusu ne yakun, inne no okai itakkashi utara, raka-sak itak sange wa kokandama ki utara okai, makangane okarituye-buri oma utara nei no okai,

¹¹ aige, nei utara koro paro aseshke kunip ne; nei utara anak ne ramne an chisei hokushte utara ne wa aetunne kuni ani eyaiepirikare ambe gusu shomo epakashnu kunip epakashnu ruwe ne.

¹² Nei utara tumuge un shinen, nei utara yaikota koro shine uweingara guru ene itak-hi :— Krete kotan un utara anak ne ramma shunge utara ne, wen chikoikip, toranne ibekashpa utara ne ruwe ne, ari itak.

¹³ Tan paweteshu ambe anak ne son no ambe ne. Tambe gusu shiyuppa no nei utara pakashnu yan; aige, nei utara eishokor-i gusu nisashnu no okai wa Yudea un utara koro

¹⁴ uwepekere newa sonep wano ohaitare kuni ainu ki ikashpaotte newa iteki ekottanu yan.

¹⁵ Turu-sak guru otta obitta no okaibe anak turu-sak ruwe ne: koroka, turu-ush wa eumbipka utara otta nep ne yakka shomo turu-sak ruwe ne; aige, koro sambe ne yakka keutum ne yakka turu-ushbe ne ruwe ne na.

¹⁶ Nei utara anak ne Kamui eamkiri ari itak; koroka, aetunnep ne, itakkashi utara ne, nep pirika ikip gusu ne yakka aemakbap ne wa gusu koro iki ikip ani Shinuma eshikeshke utara ne ruwe ne.