Roma 9 - Ashiri Aeuitaknup Iyohaichish Yona 1897

9 Ik.

¹ Ku sambe ta ramma shomo okere tun un wa

² poron no oknatara ruwe ne sekoro Kiristo oshiketa sonep ku ye wa shomo ku shunge ruwe ne, ku keutum ne yakka Ashkanne Ramat gusu en tura paweteshu ki ruwe ne na.

³ Inambe gusu ne yakun, kam gusu ku apaha utara ne ku iriwak utara shirine kuani yaikota Kiristo orowa no aiyoitakushi kuni ku koramkoro eashkai shiriki:

⁴ nei utara anak ne Israeru un utara ne aahupkara kuni poho utara ne, nei nupeki hemhem, aeuitaknup hemhem koro, otta tuitak ne yakka, yaishieiwange ambe ne yakka, aeitakamkirep ne yakka akoropare ruwe ne; ekashi koro utara ne,

⁵ kam gusu Kiristo anak ne nei utara orowa no an, Shinuma anak obitta no okaibe kashita otusashuishiri pak no an shinnunuke Kamui ne ruwe ne. Amen.

⁶ Koroka, Kamui itak aisamka okere noine an ambe shomo ne. Inambe gusu ne yakun, Israeru

⁷ orowa no san utara anak ne obitta Israeru un utara shomo ne: shui, Abraham koro santek ne gusu, obitta poho shomo ne: koroka, Isaak gusu e santek areikore kusu ne na.

⁸ Tan ikkeu anak ene ani ne :— Kam gusu an utara anak ne Kamui poho shomo ne; koroka, eitakamkire gusu an poho utara anak ne santek ne aesanniyo ruwe ne.

⁹ Inambe gusu ne yakun, tambe anak eitakamkire itak ne, — Tane an pakihi aesanniyo wa Ku ek, orowa no Sarah anak ne okkai poho koro kusu ne.

¹⁰ Tambe patek shomo ne; koroka, Kebekka ne yakka Shinen gusu, chikoro michi Isaak gusu konkoro-aige,

¹¹ nei okaibe naa shomo shiko, shui, naa shomo pirikap hene wenbe hene ki etokota, anumge an-i korachi

¹² Kamui esanniyop ash kuni ne, iki ikip gusu shomo ne, koroka, nishuk guru gusu ne ruwe ne, — nei shiwentep otta ene aye nisa, Kiyanne guru anak ne poniune guru otta yaishieiwangere kusu ne na, ari itak.

¹³ Shui, chieshinnuye wa an korachi ne, Yakob ku omap, koroka, Esau ku etunne nisa ruwe ne.

¹⁴ Yakun, nekon a chi ye kusu ne ya? Kamui tura oupeka-sak-i an a?

¹⁵ Ara shomo. Inambe gusu ne yakun, Shinuma Mose otta ene itak-hi :— Ku erampokiwen wa kore rusui guru gusu Ku erampokiwen wa kore kusu ne, orowa, chishildraine wa kore rusui guru gusu, Ku chishildraine wa kore kusu ne na.

¹⁶ Tambe gusu, esanniyo kuni yainu guru gusu an ambe shomo ne, hoyupu guru gusu shomo ne, koroka, erampokiwen wa kore Kamui gusu an ap ne ruwe ne.

¹⁷ Inambe gusu ne yakun, Parao otta Kamui Kambi ene itak-hi :— Ku koro kiroro e nukare ash hemhem ki, moshiri kata Ku reihei assuru aashte kuni gusu hemhem aki kuni ne tap ambe gusu Kuani e hopunire ash nisa ruwe ne.

¹⁸ Tambe gusu Shinuma erampokiwen wa sange rusui utara gusu erampokiwen wa kore, orowa, nishtere rusui guru nishtere ruwe ne na.

¹⁹ Yakun, hemanda gusu Shinuma oromam ya? Shinuma koro ukoramkor-i, shisamchashnure guru inan guru ne ya? ani an itak ani aoka en otta ye kusu ne.

²⁰ Iteki, koroka, Kamui orun tasa itak ye aokai anak ne nen ne ruwe? Katu akorep anak ne nei katuhu kore guru otta — Hemanda gusu tap nei no en kara ya,

²¹ ari an itak ani ye kusu ne ya? Shui, sei-shintoko kara guru anak ne rengaine nei toi gusu, nei shinep ne an epunipushbe ani aainukorobe ne kara

²² hene ki akoatchap ne kara hene ki kuni kiroro shomo kon ruwe he an? Yakun, Kamui anak ne koro kinrakarape nukare hemhem ki, koro kiroro ashte hemhem ki kuni irenga koro wa aisamka kuni gusu an aekinrakarape poron no eramushiporore yak hemanda ruwe?

²³ Shui, etoko wano nupeki gusu etokooiki erampokiwen wa akore utara kata, —

²⁴ Ouse Yudea an utara wano patek shomo ne, koroka, Oya un utara wano ne yakka Shinuma nishuk utara, chi utara kata yakka koro nupeki oma oteknu ambe eramande kuni gusu ne chiki, nekon a?

²⁵ Hosea kata ene ye-hi korachi :— Etokota Ku uirup shomo ne utara ani Ku uirup ne kuni Ku ye kusu ne; Orowa, shomo aomap an guru ani aomapbe ne kuni Ku ye kusu ne na.

²⁶ Orowa, otta Echi utara anak ne ku goro uirup shomo ne ari an itak ani aye ushiketa okai utara anak ne, Nei ushiketa okai utara anak ishu Kamui koro poho utara ani areikore kusu ne na.

²⁷ Orowa, Israeru un utara gusu Isaya ene hawe ashiri :— Israeru poho utara pishki-hi anak ne atui ota korachi ne a yakka kashiaobiuki kuni utara nei pon sereke ne ruwe ne kusu ne na;

²⁸ inambe gusu ne yakun, Utarapa anak ne moshiri kata korʼitak nei no ki hine, nei i taknere wa okere kusu ne na.

²⁹ Shui, etokota Isaya ye korachi ne :— Sabaot koro Utarapa anak ne un gusu santek ande shomoki chiki, Sodom kotan korachi ne, orowa, Gomorra kotan nei no akan na.

³⁰ Yakun, hemanda chi ye kusu ne ya? Oupekap shomo keseamba Oya un utara anak ne, oupeka ambe, eishokor-i gusu an nei oupeka ambe, kon nisa ruwe ne sekoro chi ye kusu ne ya?

³¹ Koroka, Israeru anak ne oupekap gusu an tuitak keseamba hine nei tuitak shomo koshiripa nisa ruwe ne.

³² Hemanda gusu? eishokor-i ani shomo ne wa, iki ikip nei no an wa ani okai nisa ruwe ne gusu ne na. Nei utara anak ne nei ureepetchiure kuni shuma otta epetchiu nisa ruwe ne;

³³ ene chieshinnuye wa an korachi ne, Ingarʼan, Zion otta ureepetchiure kuni shuma, epetchiure kuni watara Ku ande kusu ne: Orowa, nei ambe eishokoro gurʼanak ue shomo ayainikoroshmare kusu ue ua.