Roma 7 - Ashiri Aeuitaknup Iyohaichish Yona 1897

7 Ik.

¹ Iriwak utara (tuitak eraman utara otta ku ye), ainu anak ne moshiri kohoppa pakno tuitak ani aenishpane wa an sekoro echi erampeutek ya?

² Hoku koro shiwentep anak ne koro hoku shiknu wa an rapoketa shinuma tuitak ani atupe wa an; koroka, nei hoku rai chiki, koro hoku tuitak orowa no ahonnere ruwe ne.

³ Tambe gusu, koro hoku shiknu wa an rapoketa nei shiwentep anak ne moshima ainu otta akore chiki, omoinu koro shiwentep ani aye kusu ne; koroka, koro hoku rai wa isam okaketa, moshima ainu otta akore yakka, omoinu koro guru shomo ne, nei tuitak otta ahonnere ruwe ne gusu ne na.

⁴ Tambe gusu, ku iriwak utara, Kiristo kon netobake ankushkerai echi utara ne yakka tuitak epeka no rai utara ne akara; nei ambe anak ne moshimap otta rai orowa no hetopo-a-shiknure guru otta akore wa Kamui gusu ibehe hetukure kuni gusu an ap ne.

⁵ Inambe gusu ne yakun, kam otta echi okai rapoketa, tuitak ankushkeraipo chikoro katpak oma ayairamshitnere ambe anak ne chikoro awehe tumta monraige wa rai gusu an ibehe hetukure kuni iki nisa ruwe ne.

⁶ Koroka, tane anak nei tuitak orowa no chi utara ahonnere wa okai, teeda ani atupe ambe orun rai nisa ruwe ne gusu ne na; tambe gusu, chi utara auak ne ausshiune wa ashin no ramat otta iki, nei fushko ikiri otta shomo iki ruwe ne na.

⁷ Yakun, hemanda chi ye kusu ne ya? Tuitak anak ne katpak ne ruwe he an? Ara shomo. Yakka, tuitak ankushkerai shomo ne yakun, katpak ku erampeutek ruwe ne: Iteki yaikoshipuinere yan, ari an itak ani nei tuitak ye a shomoki yak anak ne ibeporore ambe ku erampeutek:

⁸ koroka, katpak anak ne nep ika an gusu, ikashpaotte ankushkerai en onnaigeta usa okai yaikoshipuinere ambe kire nisa ruwe ne; inambe gusu ne yakun, tuitak oyapi ne chiki, katpak rai ruwe ne.

⁹ Orowa, teeda tuitak oyapi ku shiknu nisa: koroka, ikashpaotte ek chiki katpak shui shiknu wa kuani rai nisa;

¹⁰ orowa, shiknure kuni ikashpaotte anak ne, tambe anak raige kuni ambe ne sekoro ku nukan nisa ruwe ne:

¹¹ inambe gusu ne yakun, katpak anak ne, nep ika an gusu, nei ikashpaotte ankushkerai en kokandama,

¹² orowa, ani en raige nisa ruwe ne gusu ne na. Tambe gusu, nei tuitak anak ne ashkannep ne, orowa, nei ikashpaotte anak ne ashkannep, oupekap, pirikap ne ruwe ne.

¹³ Yakun, pirikap anak en gusu rai ambe ne nisa ruwe he an? Ara shomo. Koroka, katpak anak ne katpak ne aesanniyo kuni gusu, nei pirikap ankushkerai rai ambe iki ruwe ne — nei ambe anak ikashpaotte ankushkerai katpak naa kasu no akokat-pakbe ne akara kuni gusu ne na.

¹⁴ Inambe gusu ne yakun, nei tuitak anak ne ramat unbe ne sekoro chi eraman; koroka, kuani anak ne kam unbe ne,

¹⁵ katpak ckoropoketa aehokbe ku ne ruwe ne. Ku iki ambe ku erampeutek: shomo ku ki rusuibe, nei ambe ku kara; koroka, ku etunne ambe, nei ambe ku ki ruwe ne gusu ne na.

¹⁶ Koroka, shomo ku ki rusuibe, nei ambe ku ki yak ne, tuitak pirikap ne sekoro ku ramuoshma ruwe ne.

¹⁷ Tambe gusu nei ambe kara guru anak ne kuani shomo ne, koroka, en onnaigeta oshiroma katpak iki ambe ne ruwe ne.

¹⁸ Inambe gusu ne yakun, en onnaigeta, ku kam onnaigeta, shine pirikap poka shomo oshiroma ruwe ne sekoro ku eraman: ki rusui keutum ku koro, koroka, pirikap ki kuni ambe anak isam ruwe ne gusu ne na.

¹⁹ Inambe gusu ne yakun, ku ki rusui pirikap shomo ku kara; koroka, ku ki kopan wenbe, nei ambe ku kan ruwe ne gusu ne na.

²⁰ Koroka, shomo ku ki rusuibe, nei ambe ku ki yak ne, nei ambe ki guru anak ne kuani shomo ne, koroka en onnaigeta oshiroma katpak iki ambe ne ruwe ne.

²¹ Tambe gusu, pirikap ki rusui guru ku ne en otta wenbe an ruwe ne sekorʼan tuitak ku nukara.

²² Onnaige un ainu esanniyo chiki, Kamui tuitak ku enupetne ruwe ne:

²³ koroka, ku goro awehe onnaigeta moshima an tuitak ku nukara, nei tuitak anak ne ku keutum ta kotumi koro wa ku goro awehe ta okai katpak tuitak otta en tekepashte korʼan ruwe ne.

²⁴ Aa, eyaisambepokash guru ku ne humi! tan rai kuni netobake orowa no en ohaitare guru nen ne ruwe he an?

²⁵ Chikoro Utarapa ne Yesu Kiristo ankushkerai gusu, Kamui koyaiiraige na. Tambe gusu, kuani yaikota koro keutum ani Kamui tuitak otta yaiusshiunere ruwe ne; koroka, kam ani katpak tuitak otta ne ruwe ne.