Roma 5 - Ashiri Aeuitaknup Iyohaichish Yona 1897

5 Ik.

¹ Tambe gusu, eishokor-i ankushkerai aoupekare wa okai gusu,

² Kamui epeka no Yesu Kiristo korʼirenga gusu itomo chi koro shiriki; Shinuma, gusu, eishokor-i ankushkerai, otta roshki wa okai irenga orun karange no arakire kuni ambe a un koropare nisa; orowa, Kamui nupeki gusu chipachipa ki wa yaiyomonnure chi ki ruwe ne.

³ Nei ambe gusu patek shomo ne, koroka, chi ki eramchuptekbe gusu ne yakka yaiyomonnure ash ruwe ne: inambe gusu ne yakun, aeramchuptekbe anak ne yaiyupupu ambe monraigere;

⁴ orowa, yaiyupupu ambe anak ne auwande-hi hetukure; auwande ambe anak ne chipachipa kuni ambe atte ruwe ne sekoro chi eraman: orowa, chipachipa ambe anak ne yainikoroshmare shomoki ruwe ne;

⁵ inambe gusu ne yakun, Kamui omap-hi anak ne chikoro keutum ta a un koropare Ashkanne Ramat ani aohetu nisa ruwe ne.

⁶ Chi utara katchak wa okai rapoketa, pakihi epa chiki, Kiristo anak ne Kamui kooripak shomoki utara gusu rai nisa ruwe ne gusu ne na.

⁷ Aine-aine hokamba no oupeka guru shirine nen ka rai guru an nangoro, yakne, pirikap gusu nen ka rametok koro wa rai guru an na.

⁸ Koroka, chi utara anak ne katpak koro utara ne wa okai rapoketa Kiristo un gusu rai nisa ruwe ne a ambe ani Kamui un epeka no sange omap ambe ashte nisa ruwe ne.

⁹ Tambe gusu, naa eetasa no, Shinuma koro kem otta aoupekare wa okai gusu, Shinuma ankushkeraipo irushka-hi orowa no aohaitare ash kusu ne na.

¹⁰ Inambe gusu ne yakun, epokba utara chi ne a rapoketa, koro Poho rai ambe ankushkerai Kamui eramuriten yak anak ne, tane mashkin, aeramuriten wa okai gusu Shinuma koro inotu otta kashiobiuki kusu ne na;

¹¹ nei ambe patek shomo ne, koroka, gusu chi utara aeramuritenka chikoro Utarapa ne Yesu Kiristo ankushkerai Kamui orun chi yaiyomonnure ash ruwe ne.

¹² Tambe gusu, shine ainu ankushkerai katpak anak ne moshirʼotta ahun, orowa, katpak ankushkerai rai ambe ahun korachi; rai ambe anak ne obitta no okai utara koturuse, utara obitta katpak kon ruwe ne gusu ne na :—

¹³ Tuitak pakno katpak moshiri ta an: koroka, tuitak isam ita anak ne katpak shomo kashiaomare ruwe ne.

¹⁴ Yakka, Adam wano Mose pakno rai ambe anak ne esapane ki nisa ruwe ne, ek kusu ne guru koro nokaha ne Adam ki ohaitap nei no katpak shomo ki utara ne yakka esapane ruwe ne. Koroka, nei ohaita ambe korachi eikrap ne yakka an shomo ne.

¹⁵ Inambe gusu ne yakun, shinen ki ohaita ambe ankushkerai inne utara rai nisa ruwe ne a chiki, naa naa Kamui irenga newa nei korarape shine ainu ne Yesu Kiristo ankushkerai inne utara gusu nuye an no an na.

¹⁶ Orowa, shinen katpak ki gusu nei korarape an shomo ne. Inambe gusu ne yakun, akoipishi wa akokatpakte kuni aesanniyo ambe anak ne shinen orowa no an, koroka, nei eikrap anak ne aesanniyo gusu inne ohaitap orowa no an ruwe ne.

¹⁷ Nei shinen ki ohaitap rengap gusu rai-ambe anak ne shinen ankushkerai esapane chiki naa naa nuye an no nei irenga newa aoupekare oma korarape akore utara anak ne nei shinen gusu, Yesu Kiristo gusu, shiknu wa esapane ruwe ne na.

¹⁸ Tambe gusu, shine ohaitap ankushkerai obitta no okai utara akokatpakte korachi, tambe nei no shine aoupekarep ankushkerai obitta no okai utara ashiknure gusu aoupekare ruwe ne.

¹⁹ Inambe gusu ne yakun, shine ainu itakkashi ambe gusu inne utara akokatpakte nei no, tap korachi Shinen itaknu ambe gusu nei inne utara aoupekare kusu ne na.

²⁰ Orowa, ohaitap shipiraspa gusu tuitak anak ne ahun nisa ruwe ne; koroka, katpak shipiraspa ushiketa, irenga anak ne naa nuye an no shipiraspa nisa ruwe ne:

²¹ nei ambe anak, rai otta katpak anak ne esapane ki nisa ruwe ne a korachi, tambe nei no chikoro Utarapa ne Yesu Kiristo rengap gusu irenga anak ne aoupekarep ankushkerai otusashuishiri pakno an inotu otta esapane kuni gusu an na.