Roma 15 - Ashiri Aeuitaknup Iyohaichish Yona 1897

15 Ik.

¹ Tumashnu wa okai utara anak ne yaikota yainupetnere shomoki no, turu-sakbe koro katchakbe sei kunip ne.

² Aashte gusu, pirikap otta pishno aota an guru nupetnere yanro.

³ Inambe gusu ne yakun, Kiristo ne yakka yaikota yainupetnere shomoki nisa; koroka, anuye wa an korachi :— E kosakayokara utara ki sakayo en kashita aare nisa ruwe ne.

⁴ Nep ne yakka etoko wano anuye okaibe anak ne obitta un epakashnu gusu chieshinnuye nisa ruwe ne; chi utara anak ne yaiyupupu ambe gusu hemhem, Kamui nuyere itak gusu hetuku omaoma ambe gusu hemhem chipachipa kuni gusu ne na.

⁵ Echi utara anak ne shine ikinne shine paroho ani chikoro Utarapa ne Yesu Kiristo koro Michi ne Kamui koiramye kuni ne, yaiyupupu ambe newa omaoma ambe koro Kamui anak,

⁶ Kiristo Yesu nei no echi utara shine keutum ani utashpa uorun yaikoshiramshuiba kuni gusu akoramkon na.

⁷ Tambe gusu, Kamui ramuayere kuni gusu Kiristo ne yakka echi shopki korachi, echi utara ne yakka utashpa uweshopki yan.

⁸ Inambe gusu ne yakun, ene ku ye-hi :— Kamui son-i gusu Kiristo anak ne Okarituye-buri gusu aeyaisbieiwangerep ne akara,

⁹ ekashi otta aye eitakamkire ambe ashtere hemhem ki, samata, Oya un utara anak ne Kamui rampoken gusu Shinuma koiramye hemhem ki kuni gusu ne na; tambe anak ne ene ene korachi anuye wa an na, Tambe gusu, Oya un utara tumugeta kuani e koyaiiraige ash na, E reihei otta shinotcha ku ki kusu ne.

¹⁰ Orowa, shui Shinuma ene itak-hi :— Oya un echi utara, Shinuma koro utara tura no nupetne yan.

¹¹ Orowa, shui :— Obitta no okai Oya un echi utara, Utarapa koiramye yan; Obitta no okai moshiri uirup Shinuma koiramye yanro.

¹² Orowa, shui, Isaya ene itak-hi :— Yessai orowa no shinrit an, Oya un utara epungine kuni guru hetuku kusu ne; Oya un utara Shinuma gusu chipachipa ki kusu ne na, sekoro itak.

¹³ Echi utara Ashkanne Ramat kiroro ani poron no echi chipachipa kuni ne echi eishokoro wa chipachipa ambe sange Kamui anak ne itomo irenga newa nupetne irenga ani echi shiktere kuni akoramkon na.

¹⁴ Orowa, ku iriwak utara, echi utara yaikota pirikap ani aeshik, obitta no okai eramushbe ani aeshik, aine, utashpa uepakashnu eashkai kuni ku eishokon ruwe ne na.

¹⁵ Koroka, pon no ka naa rametok kon no echi utara gusu ku nuye, aige, shui echi eshkarunde ruwe ne,

¹⁶ Kamui orowa no a en kore irenga gusu, kuani Oya un utara gusu an Kiristo Yesu koro yaishieiwangere guru ku ne; nei ambe anak ne Oya un utara ayange-hi Ashkanne Ramat ani Aashkannere wa Kamui nupetnerep ne kuni ne Kamui pirika shongo gusu ku yaishieiwangere ruwe ne na.

¹⁷ Tambe gusu, Kamui gusu an okaibe ankushkerai Yesu Kiristo gusu ku yaioomonnure ruwe ne.

¹⁸ Kuani anak ne, itak otta, ikip otta, shirosh newa iyokunnurep kiroro ani,

¹⁹ Ashkanne Ramat kiroro ani, Oya un utara aitaknure kuni gusu Kiristo en kari ikichi ambe moshima ku ye niukesh ruwe ne; Yerusarem wano shikapneka no Iririkom orun pakno poka, uweoman no Kiristo koro pirika orushpe eupaskuma ku ki nisa ruwe ne;

²⁰ ruwe un, moshima guru aande asamaha kata shomo ku iki kuni ne, otta Kiristo orushpe naa shomo anure ushiketa, nei pirika shongo eupaskuma kuni otupekari ku ki nisa ruwe ne;

²¹ koroka, ene chieshinnuye wa an korachi ne :— En gusu an orushpe shomo anure utara anak ne en nukara kusu ne, Orowa, shomo nu utara anak ne eraman kusu ne na.

²² Tambe gusu ka kuani echi orun arapa kuni kanna-kanna shinnaatush nisa ruwe ne:

²³ koroka tane, tan moshiri ta okai kuni ushi isam gusu, samata, tap inne paha uturuta echi orun arapa kuni ku eyaikatekara gusu,

²⁴ hembara ne yakka Spania orun ku oman chiki (inambe gusu ne yakun, payekai ita echi nukara kuni ku chipachipa ash, samata, hoshiki no echi tura no an wa pon no ka echi gusu ku eramushinne chiki, echi orowa no a en payekaire kuni ku chipachipa ruwe ne),

²⁵ — koroka tane, Ashkanne utara gusu yaishieiwangere kuni ne Yerusarem orun ku arapa ruwe ne.

²⁶ Inambe gusu ne yakun, Makedonia newa Akaya un utara anak ne pirika irenga sange wa, Yerusarem kotan ta an ashkanne utara tumta okai otek-sak utara gusu eurep koropare kuni kan nisa,

²⁷ ruwe un, tambe anak nei utara pirika irenga ne; aige, nei utara ashosere utara ne ruwe ne. Inambe gusu ne yakun, Oya un utara anak ne tura no nei utara koro kuni ramat gusu an okaibe akore utara ne akan nisa yakun, itasa netobake gusu an okaibe shinuma utara gusu ka eiwangere kuni utara ne ruwe ne na.

²⁸ Tambe gusu, nei okaibe ku ki okere hine tapan ibehe nei utara orun han aomare kuni aeramushinne chiki, echi utara koro kotan akush wa Spania orun ku arapa kusu ne.

²⁹ Orowa, echi orun ku ek chiki, Kiristo shinnunuke ambe ani aeshik wa ek kusu ne sekoro ku eraman.

³⁰ Orowa, iriwak utara, kuani Yudea kotan ta okai itakkashi utara orowa no aohaitare kuni hene, gusu Yerusarem otta a en eiwangerep anak ne ashkanne utara nupetnere kuni hene,

³¹ Kamui irenga ankushkeraipo nupetne no echi otta ku ek wa echi tura no shini kuni hene gusu,

³² chikoro Utarapa ne Yesu Kiristo gusu hemhem, Ramat omap ambe gusu hemhem, echi utara inonno-itak ki wa en gusu Kamui otta en tura kiroro yupu wa ki kuni echi onishnishi ash na.

³³ Orowa, itomo irenga koro Kamui obitta no okai echi utara tura no an kuni akoramkon na. Amen.