Roma 13 - Ashiri Aeuitaknup Iyohaichish Yona 1897

13 Ik.

¹ Obitta no okai utara pase mondum koro guru koitaknu yanro: Kamui orowa no an mondum moshima mondum isam ruwe ne gusu ne na; orowa, okaibe anak ne Kamui attep ne ruwe ne gusu ne na.

² Tambe gusu, mondum koro guru koitakkashi gurʼanak ne Kamui attep eshishi ruwe ne: nei ambe shisamchashnure utara anak ne yaikota gusu akoipishi kusu ne.

³ Esapane utara anak ne pirikap ishitomarep shomo ne, koroka, wenbe ishitomarep ne ruwe ne. Orowa, aokai auak ne shomo mondum koro guru koishitoma kuni kon rusui ya? yak anak ne, pirikap kara yan, yakun nei ambe gusu echi ramuaye kusu ne:

⁴ nei ambe anak ne eani pirikare gusu an Kamui uitek guru ne ruwe ne gusu ne na. Koroka, wenbe e ki yak anak ne, ishitoma yan, shinuma raka isam no rangetam koro shomoki: Kamui uitekbe ne, wenbe ki gusu hetuku irushka-i sange wa panakte ki guru ne ruwe ne gusu ne na.

⁵ Tambe gusu, echi utara anak ne koitaknu ki kusu ne ap ne, ouse irushka-i an gusu shomo ne, koroka, koro

⁶ keutum gusu ne yakka itaknu kusu ne ap Tambe gusu echi utara yaku ne yakka sange ruwe ne; nei utara anak ne tap ambe gusu ramma Kamui mongo ki uitek utara ne ruwe ne gusu ne na.

⁷ Nen ne yakka akore kunip sange yan: yaku akore kuni utara otta yaku koropare; zei akore kuni utara otta zei sange: koishitoma kuni utara ko-ishitoina; ko-oripak kuni utara ko-oripak yan.

⁸ Utashpa uweomap moshima nen ne yakka gusu iteki shose koro yan; moshima guru omap ainu anak ne tuitak uweomare nisa ruwe ne gusu ne na.

⁹ Inambe gusu ne yakun, Iteki omoinu, Iteki keuk, Iteki ikka, Iteki yaikoshipuinere, orowa, nei moshima ikashpaotte an yakun, Yaiomap korachi aota un guru omap yan, sekorʼan tan itak oshiketa oina ruwe ne.

¹⁰ Omap-ambe anak ne aota un guru otta shomo wenbe ki: tambe gusu, omap-ambe anak tuitak uweomare ambe ne ruwe ne na.

¹¹ Orowa, tambe shui, paha onnere yan, tane anak mokoro orowa no shi no mosh gusu an pakihi ne ruwe ne; chi utara anak ne eishokoro eatpake kasu no tane anak un kashiobiuki-hi ehange no an ruwe ne gusu ne na.

¹² Kunne-to naanihungo aokere, tokap-to tane an kushki: tambe gusu, kurokok buri shirairaye wa pekere hayokbe yaimire anro.

¹³ Tokap an to korachi oupeka no apkash anro; iku-sakayo newa ihoshki ambe otta hene, omoinu newa ramupekere otta hene, upaore newa eyaitunnap otta hene iteki apkash anro.

¹⁴ Koroka, Utarapa ne Yesu Kiristo yaimire wa kam gusu an kon rusuibe gusu iteki etokooiki yan.