Roma 12 - Ashiri Aeuitaknup Iyohaichish Yona 1897

12 Ik.

¹ Tambe gusu, iriwak utara, echi kon netobake ishu, ashkanne, Kamui nupetnere ayange kunip echi yange kuni ne, Kamui rampoken ankushkerai echi onishnishi ash ruwe ne, tambe anak ne echi ki kuni gusu an ongami kunip ne ruwe ne gusu ne na.

² Orowa, tane okai pakihi nei no iteki echi yaikara yan, koroka, nei pirika, aenupetne an, aeramushinne an Kamui keutum uwande wa eraman kuni ne, echi koro keutum ashinno akar-i ani oya kat ne yai akara wa okai yan.

³ Inambe gusu ne yakun, a en koropare irenga an gusu, echi tumugeta okai pishno an ainu otta ku ye-hi, yai-esanniyo kuni kunip kasu no iteki eikaunu no yai-esanniyo yan, Kamui anak ne pishno an ainu otta eishokor-i eimek wa kore nei no yairamatte wa esanniyo yan.

⁴ Inambe gusu ne yakun, chikon netobake otta inne no okai awehe an a yakka nei awehe obitta ki kuni ikip anak shomo ukorachi an ambe nei no,

⁵ chi utara ne yakka inne utara ne, koroka, Kiristo otta shine netobake chi ne, orowa, pishno pishno uweutashpa an awehe chi ne ruwe ne na.

⁶ Orowa, a un koropare irenga nei no utashpa uweshinnai no an eikrap chi koro wa okai gusu, uweingara chiki, koro eishokor-i an a-i nei no aki yanro;

⁷ yaishieiwangere kuni ambe ne chiki, yaishieiwangere yanro; epakashnu kuni ambe ne chiki,

⁸ epakashnu yan; onishnishi kuni ambe ne chiki, onishnishi yan; eungeraitep kore kuni ambe ne chiki, eikaun no koropare yan; epungine kuni ambe ne chiki, yuptek no epungine yan; rampoken sange kuni ambe ne chiki, yaikopuntek no ki yan.

⁹ Kankapkapeka shomoki no omap yan.

¹⁰ Wenbe etunne wa pirikap otta ko-an. Iriwak utara ko-omap wa uwe-eramuhaugere yan; aainukoro wa uwe-eoripak yan;

¹¹ monraige otta iteki etoranne yan; keutum nuwashnu wa Utarapa otta yaishieiwangere yan;

¹² chipachipa wa nupetne; aeramchuptek ita yaiyupupu;

¹³ ramma ramuosshi pakno inonno-itak; ashkanne utara eishiramne-i gusu koropare; ikateomare ambe ki yan.

¹⁴ Echi epokba utara nunuke yan; nunuke wa iteki iyoitakushi yan.

¹⁵ Nupetne okai utara tura no nupetne yan; chish wa okai utara tura no chish yan.

¹⁶ Uweutashpa chishineramkore yan. Iteki ri okaibe yainu yan, koroka, ra un okaibe ani yaiaturare yan.

¹⁷ Yaikota gusu iteki yaiko-wayashnu ne. Wenbe gusu inan guru otta ne yakka iteki wenbe eumomtasa yan. Obitta no okai utara tek-samata aeoripakbe kunip esanniyo yan.

¹⁸ Aeashkai chiki, ramuosshi pakno, obitta no okai utara gusu itomo irenga koro yan.

¹⁹ Omap an utara, yaikota gusu iteki ikemnu yan, koroka, irushka kuni an ushike kara yan; inambe gusu ne yakun, — Ikemnu ki kuni ambe anak ne en otta an ruwe ne, Kuani yaiattasa Ku ki kusu ne na, ari an itak ani Utarapa ye, sekorʼambe chieshinnuye wa an ruwe ne gusu ne na.

²⁰ Koroka, e epokba guru ibe rusui chiki, ibere yan: iku rusui chiki, ikure yan: inambe gusu ne yakun, nei no e ki chiki nei guru koro sapaha kashiketa abe o usat aeikiri-kara kusu ne gusu ne na.

²¹ Wenbe ani iteki aannokara, koroka, pirikap ani wenbe annokara yan.