Roma 10 - Ashiri Aeuitaknup Iyohaichish Yona 1897

10 Ik.

¹ Iriwak utara, nei utara gusu keutum ta ku kon rusuibe newa Kamui orun eikoramkorobe anak, nei utara kashiaobiuki kuni gusu an ambe ne ruwe ne.

² Inambe gusu ne yakun, nei utara Kamui gusu keutum opopmau kara shiriki ruwe ne sekoro paweteshu ku ki,

³ koroka, eramush korachi an ap shomo ne. Kamui oupeka ambe eramushkare wa yaikota korope ashte kuni hunara hine Kamui oupeka-i gusu yaikota yaiitaknure shomoki nisa ruwe ne gusu ne na.

⁴ Inambe gusu ne yakun, obitta no okai eishokoro utara aoupekare kuni gusu Kiristo anak ne tuitak aeramushinnep ne ruwe ne na.

⁵ Inambe gusu ne yakun, Mose ene nuye ruwe ne :— Tuitak gusu an oupeka-hi iki gurʼanak ne nei ambe ani shiknu kusu ne.

⁶ Koroka, eishokor-i gusu an oupeka-hi anak ne ene itak-hi :— Kando orun rikin kusu ne guru hunna ruwe he an? (nei ambe anak ne Kiristo range kuni gusu ne) ari an itak ani iteki keutum ta ye yan:

⁷ shui, asam-saki ran kusu ne guru hunna ruwe he an? (nei ambe anak rai-i orowa no Kiristo yange kuni gusu nep) iteki ye yan.

⁸ Koroka, hemanda aye ya? Nei itak anak ne e samaketa an, e koro paroho ta an, e koro keutum ta an: nei ambe anak chi utara eupaskuma eishokor-i an itak ne ruwe ne na:

⁹ Yesu anak ne Utarapa ne sekoro paroho ani e pushpusu chiki, samata, Kamui anak ne Shinuma rai-i orowa no hetopo-shiknure sekoro keutum ta eishokoro yakne,

¹⁰ eani kashi-a-obiuki kusu ne; inambe gusu ne yakun, aoupekare ambe gusu ainu anak ne keutum ani eishokoro; orowa, kashi-a-obiuki gusu paroho ani pushpusu wa ye ruwe ne gusu ne na.

¹¹ Nen ne yakka Shinuma eishokoro guru anak ne shomo ayainikoroshmare kusu ne ari an itak ani Kamui Kambi ye ruwe ne gusu ne na.

¹² Yudea un guru newa Herenes un guru gusu uwechutko no an ambe isama: inambe gusu ne yakun, nei ukorachi an ambe anak ne obitta no okai utara gusu shine Utarapa ne, aige, otta ko-nishuk guru gusu oteknu ruwe ne gusu ne na:

¹³ orowa, inan guru ne yakka Utarapa reihei ko-nishuk chiki kashi-a-obiuki kusu ne.

¹⁴ Yakun, nekon a iki wa shomo eishokorobe otta nei utara ko-nishuk kusu ne ya? Samata, nekon a iki wa gusu shomo anu ambe eishokoro kusu ne ya? Shui, eupaskuma ki guru isam chiki nekon a iki wa nu eashkai ya?

¹⁵ Orowa, shomo aeteshkara chiki, nekon a iki wa eupaskuma ki kusu ne ya? Anuye wa an ambe korachi poka ne :— Pirika okaibe gusu an pirika shongo koro wa araki utara koro chikiri nep iramasure humi!

¹⁶ Koroka, nei utara obitta anak ne pirika shongo otta shomo inu. Awa, Isaya ene itak-hi :— Utarapa, chikoro shongo eishokoro guru nen ne ruwe he an? sekoro itak.

¹⁷ Tambe gusu, eishokor-i anak ne nu gusu an ambe ne, nu ambe anak Kiristo koro itak gusu an ambe ne ruwe ne.

¹⁸ Koroka, ku ye; nei utara shomo nu nisa ruwe he an? Ruwe un, son no poka, Nei utara ki hawe moshirʼebitta orota aun, Koro itak moshiripa pakno moshirigesh pakno oman nisa ruwe ne na.

¹⁹ Koroka, ku ye, Israeru un utara anak ne shomo eraman nisa ruwe he an? Hoshiki no Mose ene itak-hi :— Kuani, moshiri uirup shomo ne a ambe ani echi eyaitunnapte ash kusu ne, Ramu-sak moshiri uirup ani Kuani echi irushkare ash kusu ne na, sekoro itak.

²⁰ Orowa, Isaya shi no rametok koro wa ene itak-hi :— Shomo En hunara utara orowa no a en pa nisa ruwe ne; En gusu uwepekennu shomoki utara otta a en nukan nisa ruwe ne na, sekoro itak.

²¹ Koroka, Israeru un utara otta ene itak-hi :— Ramne to ta eumbipka newa eutastasa utara otta teke ku tempirasasa nisa ruwe ne, sekoro itak.