Roma 1 - Ashiri Aeuitaknup Iyohaichish Yona 1897

1 Ik.

¹ Apostoro ne kuni gusu anishuk, Kamui pirika shongo gusu shinnai no aande, Yesu Kiristo koro usshuine guru ne Pauros:

² Etoko wano koro uweingara utara ani ashkanne kambi kata nei pirika shongo an wa koro Poho gusu Shinuma eitakamkire nisa:

³ nei Poho kam gusu Dabid sanikire ne akara, rai-i orowa no hetopo-a-shiknure-hi gusu,

⁴ mondum koro Kamui Poho ne ani aesanniyo;

⁵ Chikoro Utarapa ne Yesu Kiristo ne; Shinuma ani irenga newa Apostoro ne kuni mondum a un koropare nisa, tambe anak shinuma kon reihei rengap gusu obitta no okai moshiri uirup tumugeta eishokor-i oma itaknu ambe akire kuni ambe ne:

⁶ echi utara ne yakka nei utara tumugeta okai hine Yesu Kiristo koro ahotuyepakara utara echi ne:

⁷ Roma kotan ta obitta no okai Kamui orowa no aomap an utara, ashkanne utara ne kuni gusu akonishuk utara otta: echi utara otta chikoro Michi ne Kamui newa Utarapa ne Yesu Kiristo orowa no irenga newa itomo an na.

⁸ Hoshiki no anak obitta no okai echi utara gusu Yesu Kiristo ani ku koro Kamui orun ku koyaiiraige na; echi koro eishokor-i moshirʼebitta assuru-a-ashte wa an ruwe ne gusu ne na.

⁹ Aige, koro Poho gusu an pirika shongo oshiketa, keutum ani otta ku yaishieiwangere Kamui anak ne, shiokere shomoki no echi eshkarun ruwe ne sekoro en gusu ikokanu wa an ruwe ne; hembara ne yakka inonno-itak ku ki wa,

¹⁰ nekon a ka, tane an aine, Kamui rengaine echi orun a en arapare kuni gusu ku koramkoro.

¹¹ Inambe gusu ne yakun, echi utara aashtere gusu, nepka ramat oma eikrap echi kore ash kuni ne, kuani echi nukara kuni ku eyaikatekara ruwe ne;

¹² nei ambe anak ne echi tura no ku an wa echi korobe ne yakka ku korobe ne yakka uko-iki eishokor-i ani tura no aomaoma kuni gusu an ap ne ruwe ne.

¹³ Orowa, iriwak utara, moshima okai oya uirup utara tumugeta an nei no echi tumugeta ne yakka ibehe ku koro kuni ne, kanna-kanna echi orun ku arapa kuni ku esanniyo a-hi echi onnere shomoki ambe ku kopan (koroka tane pakno shinnetush nisa ruwe ne na).

¹⁴ Kuani Herenes un utara gusu ne yakka, Oya un utara gusu ne yakka, wayashnu utara gusu ne yakka, wayasap utara gusu ne yakka,

¹⁵ shose koro gusu ku ne ruwe ne. Tambe gusu, shiarikiki no echi utara otta, Roma kotan ta okai utara otta poka pirika shongo eupaskuma ki kuni ku shipini wa an ruwe ne na.

¹⁶ Kuani anak ne pirika shongo gusu shomo yainikoroshma ruwe ne: inambe gusu ne yakun, nei ambe anak ne hoshiki no Yudea un guru gusu ne yakka, Herenes un guru gusu ne yakka, orowa, pishno pishno okai eishokoro guru gusu ne yakka kashiobiuki kuni gusu an Kamui kiroro ne ruwe ne gusu ne na.

¹⁷ Nei oshiketa eishokor-i wano eishokor-i pakno Kamui oupeka-hi aekambakte wa an ruwe ne: ene chieshinnuye wa an korachi ne :— Koroka, oupeka utara anak ne eishokor-i atte gusu ishu kusu ne gusu ne na.

¹⁸ Oupeka sak wa sonep shirikonumba wa okai utara koro obitta no okai Kamui koatcha ambe newa oupeka sak-i gusu, Kamui irushka-hi kando orowa no aekambak wa an;

¹⁹ inambe gusu ne yakun, Kamui gusu aonnere kuni eashkaibe anak ne nei utara oshiketa anukara wa an; Kamui anak nei utara otta nukare nisa ruwe ne gusu ne na.

²⁰ Inambe gusu ne yakun, moshiri akara orowa no an Shinuma koro anukara eaikapbe anak ne irammakaka anukara wa okai, akara wa an okaibe gusu aeramu ambe ne ruwe ne gusu ne na; Shinuma koro otusashuishiri pakno an kiroro newa Kamui-oibe ne; tambe gusu, ne i utara gusu yayapapu ki eashkai gusu an ushike ka isam ruwe ne:

²¹ nei utara anak ne Kamui eraman hine Kamui otta aki kuni korachi shomo kooripak, shomo koyaiiraige nisa; koroka, raka sak no an ramepakari ki, aige, koro ramu-isam sambe akunnere nisa ruwe ne.

²² Wayashnu utara ne sekoro yaikota gusu ye wa, oibe-sakbe ne, aige, munin eaikap Kamui koro nupeki itasare wa munin kuni ainu hene,

²³ chikap hene, ine chikiri koro chikoikip hene, honoyanoya wa payep hene koro nokaha un katuhu ne kan nisa ruwe ne na.

²⁴ Tambe gusu, Kamui anak ne nei utara koro keutum ta okai kon rusuibe gusu ichakkere ambe otta ekoshi nisa, kon netobake uwetashpa akoatcha kuni gusu ne na:

²⁵ nei utara anak ne koro shunge ani Kamui sonep itasare hene, okaibe kara Kamui shirine akarabe koongami hene ki, otta yaishieiwangere hene ki nisa ruwe ne gusu ne na; Shinuma anak ne otusashuishiri pakno anunukep ne ruwe ne. Amen.

²⁶ Tapan ikkewehe an gusu Kamui anak ne akoatcha ambe ki rusui keutum otta nei utara ekoshi nisa: inambe gusu ne yakun, koro matne utara anak ne gusu aki kuni an buri itasare hine aki kuni shomo ne an buri koro:

²⁷ orowa shui, okkai utara ne yakka, matnep gusu ki kuni buri ande wa uorun wen-buri ki rusui sambe paraparasere nisa, okkai anak okkai orun shomo yaikatanu ambe kara, aige, yaikota oshiketa koro ohaita buri gusu an pummaha uina nisa ruwe ne na.

²⁸ Orowa, nei utara anak ne koro keutum ta Kamui ramepakari poka kopan nisa ruwe ne gusu, aki kuni

²⁹ shomo ne ambe nei utara iki kuni ne aemaka kuni keutum otta Kamui ekoshi nisa: obitta no okai oupeka sak-i, wen-buri, yaikoshipuinere ambe newa wenbe ani aeshikte wa okai; eyaitunnap, keuk, upaore,

³⁰ kokandama newa wen-katcham ani shikno wa okai;

³¹ pinu no itak utara, ohaigekara utara, Kamui etunne, shomo yaikatanu, pakesara, yaiyomonnure, wenbe oshkep, eshikop itakkashi, ramu-sakbe, ukoramkorobe otereke, omap ki keutum sak, ramu-nishte utara ne ruwe ne:

³² nei utara anak ne nei no okaibe ikichi utara araige kuni gusu an utara ne sekorʼan Kamui esanniyop eraman, aige, nei ambe ki patek shomo ne, koroka, moshima okai ikichi utara otta ramuoshma ruwe ne na.