Piripoi 4 - Ashiri Aeuitaknup Iyohaichish Yona 1897

4 Ik.

¹ Tambe gusu, aomap an, aeyaikatekara an, ku nupetne arabe, ku sapa-umbe ne iriwak utara, tap korachi akoro omap an utara Utarapa otta roshki yan.

² Utarapa otta shine keutum koro kuni ne Euodia ku onishnishi, Sintike ne yakka ku onishnishi ruwe ne.

³ Ruwe ne wa, en tura son no monraige ki guru aokai ne yakka ku onishnishi ruwe ne, tan shiwentep utara ikashiu yan, inambe gusu ne yakun, nei utara anak ne Kurementos ne yakka, orowa moshima okai kon reihei inotu un kambi-sosh kata anuye wa an en tura monraige utara poka pirika shongo otta monraige nisa ruwe ne gusu ne na.

⁴ Ramma Utarapa enupetne yan: shui, nupetne yan, ani ku ye.

⁵ Echi kon rotcha keutum obitta no okai utara otta nukare yan.

⁶ Utarapa ehange no an. Nep ne yakka gusu iteki nishomap yan; koroka, nep ne yakka gusu iyaiiraige wa inonno-itak ani, koramkor-i ani echi eishiramnep Kamui nure yan.

⁷ Orowa, obitta no okai eraman kuni mondum akkari kara Kamui itomo irenga, Kiristo Yesu gusu echi yainu-hi hemhem echi keutura hemhem epungine kusu ne na.

⁸ Orokeseta, iriwak utara, nep ne yakka son no arabe, nep ne yakka aeoripak kuni arabe, nep ne yakka oupeka arabe, nep ne yakka turu-sak ambe, nep ne yakka aomap kuni ambe, nep ne yakka pirika assuru koro ambe; nep ka buri pirika ushike an chiki, nep ka ramye kuni ushike an chiki, tap okaibe esanniyo yan.

⁹ Echi utara anak ne eyaihannokkara hene ki, akore hene ki, nu hene ki, en otta nukara hene ki okaibe, tap okaibe kara yan; orowa, itomo koro Kamui echi tura an kusu ne na.

¹⁰ Koroka, tane an aine echi utara anak ne shui en eshkarun gusu, Utarapa otta shi no ku nupetne ruwe ne; nei ambe gusu echi utara anak ne eshkarun poka echi ki nisa, koroka, kara kusu ne i isam ruwe ne na.

¹¹ Kuani nepka eikohaye gusu ku ye shomoki; inambe gusu ne yakun, nekon a i an a yakka nei ambe gusu aeramushinne kuni ku eyaihannokkara okere.

¹² Yaishiwennere ambe hene, nuye an no koro ambe hene, ku eraman: nep ne yakka gusu, obitta no okaibe gusu, akironnu ambe hene sambe-chinoiba ambe hene, nuye an no koro ambe hene, eikohaye ambe hene,

¹³ ku eyaihannokkara nisa ruwe ne. En tumashnure Kamui oshiketa kuani nep ne yakka ki eashkai ruwe ne.

¹⁴ Yakka echi utara anak ne ku ki aeramuchuptekbe gusu en tura no echi ki-hi anak pirika ruwe ne.

¹⁵ Orowa, Piripoi un echi utara, pirika shongo eatpakeheta, kuani Makedonia kotan orowa no ku hopumba ita anak ne, echi utara moshima, kore hene ki akore hene ki orushpe gusu, en tura no ki karisia isam, sekoro, echi utara yaikota echi eraman;

¹⁶ Tessaronike otta poka kuani aeishiramnep an gusu kanna-kanna en otta echi teshkara nisa ruwe ne gusu ne na.

¹⁷ Aikrap ku hunara gusu shomo ne; koroka, echi utara gusu nuye an no hetuku ibehe ku hunara gusu ne ruwe tapan na.

¹⁸ Koroka, nep ne yakka ku koro wa nuye an no ku an; Epaproditos koro wa ek echi orowa no okai shisak hura pirikap, uk kuni ayangep, Kamui nupetnere okaibe, ku uk okere gusu kuani kironnu wa an ruwe ne.

¹⁹ Orowa, ku goro Kamui anak ne Kiristo Yesu oshiketa nupeki otta okai koro oteknu ambe an a-i korachi obitta no an echi eishiramne ambe uweomare kusu ne na.

²⁰ Tane shashuishiri wano shashuishiri pakno chikoro Kamui ne Michi orota arakuru an na. Amen.

²¹ Kiristo Yesu otta ashkanne guru pishno rangarap yan. En tura no okai iriwak utara anak ne echi otta rangarap ki.

²² Obitta no okai Ashkanne utara echi otta rangarap an, Kaisaros chisei un utara anak ne makangane nei no ki na.

²³ Utarapa ne Yesu Kiristo korʼirenga echi kon ramat tura an kuni akoramkon na.