Piripoi 2 - Ashiri Aeuitaknup Iyohaichish Yona 1897

2 Ik.

¹ Tambe gusu, Kiristo otta aomaoma ambe an, omap-i gusu keutura ratchire ambe an, Ramat gusu ukopoyege ambe an, kuroma newa rampokiwen wa akore ambe an chiki, echi utara shine yainu-hi ki,

² shine omap ambe kishima, Shine keutum koro, shineatki no ramuoshma wa en nupetnere wa en eramushinnere yan;

³ nep ne yakka echi ki ita anak ne sakayo newa yaiomonnure gusu iteki ki yan, koroka, keutum yaieoripakka wa moshima okai utara anak ne yaikota kasu no pirikap ne sekoro pishno pishno esanniyo yan;

⁴ pishno echi utara anak ne iteki yaikota korobe otta ingara yan, koroka, echi pishno moshima an guru korobe ne yakka nukara yan.

⁵ Kiristo Yesu koro keutum ta tap esanniyo korachi echi utara ne yakka esanniyo yan;

⁶ Shinuma anak ne Kamui kat nep koro an, awa, Kamui tura ueripak an ambe anak aoshkoro kash pa kunip ne sekoro esanniyo shomoki nisa ruwe ne,

⁷ koroka, Shinuma anak ne yaikota yaiohare hine ausshiune guru kat nep koro uk, awa, ainu nokaha korachi ne nisa ruwe ne;

⁸ orowa, koro katuhu anak ne ainu nei no an ap anukarape ne gusu, Shinuma yaieoripakka wa rai pakno itaknu ki, ruwe un, utasa chikuni otta araige pakno itaknu ki nisa ruwe ne na.

⁹ Tambe gusu ka Kamui anak ne shi no Shinuma pasere wa kando otta hene, moshiri kata hene, moshiri choropoketa hene obitta no okai reihei kasu no assuru an reihei koropare nisa ruwe ne;

¹⁰ Yesu ari an reihei otta obitta no okai kokkasap anak ne komo hemhem ki,

¹¹ samata, obitta no okai parumbe anak ne Michi ne Kamui nupeki gusu Yesu Kiristo anak Utarapa ne sekoro eyaipushi kuni hemhem ki ruwe ne gusu ne na.

¹² Tambe gusu, ku omap an utara, echi utara anak ne ramma kane itaknu ki wa ouse ku an rapoketa korachi shomo ne no, koroka, naa kasu no ku isam ita ne yakka ishitoma wa tusushke hine kashiaobiuki kuni gusu ki yan;

¹³ inambe gusu ne yakun, Kamui anak ne koro pirika irenga rengaine gusu echi onnaigeta iki wa echi keutum attere hemhem ki, echi monraigere hemhem ki ruwe ne gusu ne na.

¹⁴ Echi utara chikokatpak sak newa pekashnu hine wen wa oheuge ainu ikiri tumta turusak no an Kamui poho utara echi ne, aige, nei utara tumuge un moshirʼotta echi okai wa inotu oma itak eukoturire tombe korachi anukara kuni ne,

¹⁵ oromam newa upaore shomoki no nep ne yakka kara yan:

¹⁶ kuani raka sak no shomo ku hoyupu, raka sak no shomo ku monraige wa, Kiristo koro toho ta kuani yaiomonnure ushike an kuni ne nei no ki yan.

¹⁷ Ruwe un, echi koro eishokor-i gusu an ayangep newa yaishieiwangere ambe gusu a en enomi chiki, ku nupetne, obitta no okai echi utara tura ramu-ritetke ruwe ne:

¹⁸ nei no korachi echi utara ne yakka nupetne hine en tura no ramu-ritetke yan.

¹⁹ Koroka kuani echi orushpe ku nu wa aomaoma kuni gusu, nahun Utarapa ne Yesu irenga gusu echi orota Timoteos ku omande kunibe koro yainu ruwe ne na.

²⁰ Inambe gusu ne yakun, son no newa shinuma korachi echi gusu an orushpe kashiramu kusu ne a guru isam ruwe ne.

²¹ Obitta no okai utara anak yaikota korobe hunara, Yesu Kiristo korobe shomo hunara ruwe ne gusu ne na.

²² Koroka, Shinuma anak ne nekon a auwande-i an a ainu ne ya sekoro echi eraman, poho koro michi ikashui korachi, shinuma pirika shongo assuru ashte-hi gusu en ikashui nisa ruwe ne na.

²³ Tambe gusu, en gusu nekon a akara ya ku eraman chiki, nani echi otta shinuma ku omande kunibe koro yainu ruwe ne:

²⁴ koroka, kuani yaikota tewa no tunashi no echi orun ku oman kuni Utarapa gusu ku chipachipa ruwe ne.

²⁵ Koroka, ku iriwak ne guru, tura no monraige, tura no tumikoro guru ne, echi orowa no aette wa ku eishiramnep gusu yaishieiwangere an Epaproditus echi orota nekon a ka aomande kunip ne sekoro ku esanniyo nisa ruwe ne;

²⁶ inambe gusu ne yakun, shinuma anak ne tashum ki ruwe ne sekoro echi nu a gusu, nei guru shi no yairamkoiki wa echi enishomap nisa ruwe ne gusu ne na;

²⁷ son no poka shinuma rai ehange pakno tashum ki: koroka, Kamui anak ne shinuma ko-erampokiwen wa kore nisa ruwe ne; orowa, shui, Shinuma patek shomo ne, koroka, kuani anak yairamkoiki wa naa yairamkoiki kashpa shomo ku ki kuni ne, en poka ko-erampokiwen wa kore nisa ruwe ne na.

²⁸ Tambe gusu echi utara kanna-shui shinuma nukara chiki, yaikopuntek, samata, kuani ne yakka naa isaika no yairamkoiki kuni ne yaikikip no echi orun ku omande nisa ruwe ne na.

²⁹ Tambe gusu, Utarapa oshiketa shinuma uk wa nupetne yan; samata, nei no okai ainu ko-oripak yan:

³⁰ inambe gusu ne yakun, shinuma anak Kiristo koro moni gusu rai ehange nisa ruwe ne, echi utara en gusu yaishieiwangere kunip aeikohayep epakte gusu koro inotu aeyaikikip no aisamka ange shiri iki nisa ruwe ne gusu ne na.