Piripoi 1 - Ashiri Aeuitaknup Iyohaichish Yona 1897

1 Ik.

¹ Kiristo Yesu koro usshiune utara ne Pauros newa Timoteos anak ne Piripoi kotan ta okai ashkanne utara episkopos newa deakonos tura orota kambi omande na:

² chikoro Michi ne Kamui newa Utarapa ne Yesu Kiristo orowa no irenga newa itomo echi gusu an an na.

³ Atpake an toho wano tane pakno pirika shongo otta echi utara en tura no ko-okai gusu,

⁴ ramma echi eshkarun wa ku goro Kamui otta yaiiraige ku ki;

⁵ orowa, ramma obitta no okai echi utara gusu pishno pishno an ku ki inonno-itak yaikopuntek wa ku ki na;

⁶ echi oshiketa pirika ikip heashire Kamui anak ne Yesu-Kiristo koro toho pakno nei ambe eramushinnere kusu ne a ambe,

⁷ tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

⁸ Yesu Kiristo koro keutura ta obitta no okai echi utara gusu ku yaikatekara ambe Kamui paweteshu ruwe ne.

⁹ Orowa, tambe gusu inonno-itak ku ki: echi ki omap ambe anak ne naa naa eramu ambe otta hene,

¹⁰ obitta no okai ramepakari otta hene aporore wa iyotta pirika okaibe echi esanniyo kuni ne ruwe ne;

¹¹ samata, Kamui aramye kuni an, otta nupeki atte kuni an Yesu Kiristo gusu hetuku oupeka oma ibehe ani aeshik wa Kiristo koro toho pakno echi turu-sak wa shomo ureepetchiure kuni an ambe ne ruwe ne.

¹² Tambe, iriwak utara, echi onnere kuni ku kon rusui, en gusu hetuku orushpe anak ne makangane pirika shongo assuru ashte gusu an ap ne;

¹³ Kiristo gusu ku tupep anak ne esapane guru epungine obitta no okai tumikoro utara otta hemhem, obitta no okai moshima utara otta hemhem anukarape pakno an ap ne; orowa,

¹⁴ shui, Utarapa gusu an iriwak utara poro sereke anak ne ku goro tupep gusu rametokkoro wa naa kiroro yupu hine ishitoma shomoki no Kamui itak ye ruwe ne.

¹⁵ Eyairamikashure newa upaore gusu poka Kiristo eupaskuma ki utara okai: shui, pirika irenga an gusu ki utara ka okai:

¹⁶ eatteketa okai utara anak ne kuani pirika shongo kikikara gusu aashte guru ne sekoro eraman gusu,

¹⁷ omap ki wa upaskuma ki ruwe ne: shui, eatteketa okai utara anak ne kuani atupetupe an-hi kashita en eramuchuptekka rusui gusu, son no keutum koro shomoki no sakayo an gusu Kiristo orushpe assuru ashte ruwe ne na.

¹⁸ Yakun, nekon a an he ne ya? ouse nekon a ka, shunge ani hene ya, son no ambe ani hene ya, Kiristo anak ne assuru aashte ruwe ne; tambe gusu, ku nupetne ruwe ne, ruwe un, tambe gusu ku nupetne kusu ne.

¹⁹ Inambe gusu ne yakun, tap okaibe anak ne echi koro ki koramkorobe newa Yesu Kiristo kon Ramat ikashui ambe an gusu en kashiobiuki kusu ne na,

²⁰ sekoro ku eraman; kuani ara kon rusui wa chipachipa ambe anak ne ene ani ne, nep ne yakka gusu shomo a en yainikoroshmare koroka, ramma korachi tane poka, ku shiknu yakka, ku rai yakka, Kiristo anak ne ku netobake otta pasere kuni ambe ne ruwe tapan na.

²¹ Kuani gusu shiknu ambe anak ne Kiristo ne, rai ambe anak ne yaiepirikare ambe ne ruwe ne gusu ne na.

²² Koroka, kam otta shiknu ambe anak ne, — tambe anak ku monraige gusu an hetuku ibehe ne chiki, yakun, hemanda ku numge kusu ne ya, sekoro ku erampeutek ruwe ne.

²³ Koroka, tan tup gusu ku utumashire ruwe ne, ku oman wa Kiristo tura no ku an rusui; tambe anak kasu no pirika ruwe ne:

²⁴ yakka, kam otta ku an-i anak ne echi utara gusu naa an kunip ne ruwe tapan na.

²⁵ Orowa, tap korachi ku eishokoro gusu, ku an wa riya sekoro ku eraman, ruwe ne wa echi utara eishokoro ki wa naa nupetne no okai kuni ne obitta no okai echi tura no ku an wa ku riya kusu ne;

²⁶ tambe anak ne shui kuani echi tura no ku an hine ku rengap gusu Kiristo Yesu oshiketa naa kasu no echi ramuritetke wa okai kuni gusu ne na.

²⁷ Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

²⁸ orowa, echi ipokba utara gusu okai nep orushpe an yakka iteki ishitoma no okai yan: nei ambe anak ne, nei utara gusu an aisamka kuni anukara shiroshi ne, koroka, echi utara gusu Kamui orowa no an kashiobiuki-hi gusu an ap ne ruwe tapan na;

²⁹ inambe gusu ne yakun, Kiristo ankushkerai echi utara anak ne ouse Shinuma eishokoro patek shomo ne, koroka, Shinuma rengap gusu ayairamshitnere kuni-hi ne yakka echi otta akore ruwe ne:

³⁰ shui, teeda en oshiketa echi nukara, orowa shui, tane an en otta an sekoro anu yairamkoiki ambe echi utara kon ruwe ne na.