Mattaios 8 - Ashiri Aeuitaknup Iyohaichish Yona 1897

8 Ik.

¹ Shinuma nupuri orowa no ran chiki inne utara nei osh paye nisa ruwe ne na.

² Orowa, munin tashum ki guru shinen Yesu orota ek wa ongami hine ene itak-hi :— Utarapa, Aokai eramuoshma yakun, ku kon netobake ashkannere eashkai ruwe ne sekoro itak.

³ Orowa Yesu tekehe tun wa nei guru tomoshma hine ene itak-hi :— Ku ramuoshma na, e ashkannere ash na — sekoro itak: orowa, munin tashum anak ne nani isam nisa ruwe ne na.

⁴ Orowa, nei guru otta Yesu ene ye-hi :— Nen ne yakka otta iteki tan orushpe nure; Kamui kora kenru esapane guru otta oman wa yainukare, samata, paweteshu ne gusu Mose kashpaotte ayangep yange yan, sekoro Yesu itak nisa ruwe ne na.

⁵ Orowa, Shinuma Kapernaum kotan ta shirepa chi-ki, ashikne hotne tumi-koro utara esapane guru ko-ramkoro wa Shinuma otta ek hine ene itak-hi :—

⁶ Utarapa, Ku uni ta shine heikachi tusushke tashum shi no yupke hike ki wa hotke wa an, ani itak.

⁷ Orota Shinuma ene ye-hi :—

⁸ Ku ek wa iwangere kusu ne — sekoro itak. Utarapa, ku kotʼchisei kitai choropoketa ahun-i shi no ku oripak an, ouse itak ye wa en kore, yakun, ku goro heikachi aiwangere kusu ne.

⁹ Kuani ne yakka nrondum korope ku ne ruwe ne, en tutanu tumi-koro utara okai: shinen otta, oman ani ku itak chiki, oman; shui ek ani moshima guru otta ku ye koro, ek: orowa, ku usshiune guru otta tambe kara yan sekoro ku ye yakun, kan ruwe ne gusu ne na — sekoro nei tumi-koro utara esapane guru ye ruwe ne.

¹⁰ Orowa, Yesu tan itak nu chiki iyokunnure, aige, osh araki utara otta ene itak-hi :— Son no echi otta Ku ye, Israeru un utara tumugeta ne yakka naa shomo tap korachi an poro eishokor-i Ku nukara eramushkare.

¹¹ Orowa echi otta Ku ye, chupka wano hene chuppok wano hene inne utara araki wa Abraham hemhem Isaak hemhem Yakob hemhem tura shine ikinne Kando moshirʼotta rok ruwe ne;

¹² koroka, moshiri poho utara anak ne iyotta kunne ushike orun aokeuba kusu ne, nei ushiketa chish ambe newa niyorokara ambe an ruwe ne kusu ne na.

¹³ Orowa, nei sapane guru otta Yesu ene itak-hi :— Oman, eani eishokor-i an nei no eani gusu aki ruwe ne, ani itak. Orowa, nei pakihi wano nei a tashum ki heikachi iwange no an ruwe ne na.

¹⁴ Orowa, Yesu anak ne Petros koro chisei ta ahun chiki, koro shuito-habo seisekmau tashum ki wa hotke wa an shiri nukara.

¹⁵ Orowa, Shinuma nei shiwentep koro tekehe tomooshma, aige, seisekmau tashum kohoppa; orowa, shinuma hopuni wa otta yaishieiwangere nisa ruwe ne.

¹⁶ Orowa shiri-onuman an koro, utara anak ne nitne kamui shikatkari utara poron no tura wa araki: aine, itak ani Shinuma nitne kamui soyumbare, orowa, tashum ki utara obitta iwangere nisa ruwe ne na:

¹⁷ tambe anak ne, — Nei guru yaikota chikoro katchakbe uina hemhem ki; chikoro tashum sei hemhem ki ruwe ne — sekorʼan uweingara guru Isaya ye itak ambe auweomare kuni gusu an ambe ne ruwe ne na.

¹⁸ Yesu yai shirokari ta inne utara okai ruwe nukara chiki ikush un paye kuni kashpaotte nisa ruwe ne na.

¹⁹ Orowa, shine kambi-nuye guru ek wa Shinuma otta ene itak-hi :— Epakashnu guru, neun E oman yakka ku itura kusu ne, ari itak.

²⁰ Yesu nei guru otta ene itak-hi :— Chironnup anak ne shui koro, rik peka oman chikap anak ne reushi ushi an, koroka, Ainu Poho anak ne sapa eninui ushike ka sak ruwe ne.

²¹ Orowa, moshima an Shinuma koikara guru naa shinen ek wa ene itak-hi :— Utarapa, kuani hoshiki no oman wa ku michi iyurui otta ku omare kuni ramuoshma wa en kore, ani itak.

²² Koroka, Yesu nei guru otta ene itak-hi :— En osh ek yan; rai guru anak ne koro rai guru iyurui otta omarere yan, sekoro itak.

²³ Orowa Shinuma chip o, awa, koikara utara ne

²⁴ yakka tura no o ruwe ne. Orowa, ingarʼan, atui noshiketa rui mau shiroshma wa chip maanihungo akamure pakno riri poro ruwe ne:

²⁵ koroka, Shinuma anak ne mokoro wa an ruwe ne. Koikara utara shinuma otta araki wa mososo hine ene itak-hi :— Utarapa, un kashiobiuki wa un kore, tane aisamka ange shiriki na, sekoro itak.

²⁶ Nei utara otta Shinuma ene itak-hi :— Eishokor-i aahak utara hemanda gusu echi ishitoma ya? sekoro itak. Orowa, Shinuma hopuni wa rera newa atui kopao; orowa, eashka ratchi neto an na.

²⁷ Orowa, nei utara iyokunnure wa ene itak-hi :— Tan guru nekon a an guru ne ruwe he an? Atui ne yakka rera ne yakka koro itak nu, sekoro itak.

²⁸ Orowa, atui kushketa an Gadara moshiri orun Shinuma arapa chiki, tushiri orowa no araki shi no niwen nitne kamui shikatkari utara tun etunangara, moshima guru nei ru kari apkash eaikap pakno ne ruwe ne.

²⁹ Orowa ingarʼan, nei utara hawe sange wa ene itak-hi :— Kamui Poho Yesu, un otta nep irenga an a? Naa etoko an aine teda ek wa un panakte shiri ruwe he an? sekoro itak.

³⁰ Hangeko no an ushiketa ibe wa okai buta poron no an, awa, nitne kamui Shinuma otta ene itak-hi :—

³¹ Aokai un oashinge yakun, buta tumu un ahup ash kuni ramuoshma wa un kore, sekorʼan itak ani koramkon nisa ruwe ne.

³² Paye yan, sekoro Shinuma itak; orowa, nitne kamui soyunba wa buta tumugeta ahup, aige, buta obitta raune ushike orowa rap wa atui otta ahup hine esumba wa rai nisa ruwe ne na.

³³ Orowa no, buta reshpa utara anak ne machiya ko-kira wa paye, aige, tan orushpe newa nitne kamui shikatkari utara orushpe ye nisa ruwe ne.

³⁴ Orowa, Yesu etunangara kuni gusu machiya koro utara obitta araki; awa, Shinuma nukara chiki, nei kotan orowa no paye kuni koramkon nisa ruwe ne na.