Mattaios 15 - Ashiri Aeuitaknup Iyohaichish Yona 1897

15 Ik.

¹ Orowa, Yerusarem kotan wano Parisee un utara hemhem kambi-nuye utara hemhem Yesu orota araki wa ene itak-hi :—

² Hemanda gusu E koro koikara utara anak ne ekashi oina ohaita ruwe he an? Inambe gusu ne yakun, ibe etokota shomo tekehe furaye ruwe ne gusu ne na, sekoro itak.

³ Shinuma ese wa ene itak-hi :— Hemanda gusu echi utara ne yakka yaikota koro oina gusu Kamui ikashpaotte ohaita ruwe he an?

⁴ Inambe gusu ne yakun, e koro onaha e koro unuhu kooripak yan; orowa, koro ona koro unu ohaigekara guru anak ne son no poka rai kusu ne,

⁵ ari an itak ani Kamui itak. Koroka, nen ne yakka — Ani eani epirikare kuni gusu an ambe anak ne ayange okere ari an itak ani koro ona koro unu otta ye guru anak ne;

⁶ shinuma anak koro onaha kooripak shomoki kusu ne ruwe ne. Echi utara anak ne koro oina gusu Kamui itak isamka ruwe ne.

⁷ Kankapkapeka echi utara, Isaya anak ne irammakaka

⁸ echi epeka no uweingara wa ene ye-hi :— Tan utara anak ne patoi ani en kooripak;

⁹ Koroka, keutum anak ne En orowa no ukattuima no okai ruwe ne. Koroka, Ainu kara epakashi epakashnu gusu, Raka isam no en koongami ruwe ne,

¹⁰ Orowa, Shinuma topaha utara shihekote hotuyekara wa orota ene itak-hi :—

¹¹ Nu wa eramu yan: Paroho orota ahunbe anak ne ainu turu-ushtep shomo ne; koroka, paroho orowa no oashinbe anak ne tambe ainu turu-ushte ruwe ne.

¹² Orowa, koikara utara araki wa ene itak-hi :— Parisee un utara tap itak nu ita irushka ruwe ne, sekoro Aokai eramu an ya?

¹³ Koroka, Shinuma ese wa ene itak-hi :— Nep aetoitap ne yakka kando otta an Ku goro Michi orowa no aetoita shomoki yak anak ne arishpa kusu ne na.

¹⁴ Nei utara moshima okai yan; shiknak ru-epakashnu utara ne ruwe ne. Orowa, shiknak guru anak ne shiknak guru ru epakashnu chiki, tun kane shui oro-oshima kusu ne.

¹⁵ Orowa, Petros anak ne Shinuma otta ese wa ene itak-hi :— Tan itak-maukushte-itak un gusu pita wa en kore, ari itak.

¹⁶ Shinuma ene ye-hi :— Tane ne yakka naa echi utara poka erampeutek ruwe he an?

¹⁷ Nep ne yakka paroho otta ahunbe anak ne honi oshiketa ran wa rera otta aoashinge ruwe ne, sekorʼambe echi erampeutek ya?

¹⁸ Koroka, paro orowa no hetukup anak ne keutum orowa no ek ruwe ne; nei okaibe anak ainu turu-ushtep ne.

¹⁹ Inambe gusu ne yakun, wen yainu-hi hene, keukbe hene, omoinu ambe hene, hoiyop hene, ikka ambe hene, shunge paweteshu ki ambe hene, sakayokara ambe hene, ainu keutum wano hetuku ruwe ne gusu ne na:

²⁰ tan okaibe anak ne ainu turu-ushte okaibe ne ruwe ne; koroka, tekehe furaye shomoki no ibe katu anak ne ainu turu-ushte shomoki ruwe ne na.

²¹ Orowa Yesu nei i wano paye wa Turos newa Sidon kotan pishkanikepeka orun arapa nisa ruwe ne.

²² Awa, shine Kanaan moshirʼun shiwentep nei samake ta an kotan wano ek wa hawe ashte hine ene itak-hi :—

²³ Aa Dabid Poho ne Utarapa, en erampokiwen wa en kore, ku matne po anak ne yupke no nitne kamui shikatkari wa an na, sekoro itak. Koroka, Yesu anak ne shine itak ani ka ese shomoki ruwe ne. Orowa, koikara utara araki wa Shinuma koramkoro hine ene itak-hi :— Tan shiwentep un oshi hawe ashte gusu oyake un omande wa un kore, ani itak nisa ruwe ne.

²⁴ Koroka, Shinuma ese wa ene itak-hi :— Kuani anak ne ouse Israeru chisei un ru turainu hitsuji otta patek a en omandep ne, sekoro itak.

²⁵ Koroka, nei a shiwentep ek wa Yesu ko-ongami hine ene itak-hi :—

²⁶ Utarapa en kaobiuki wa en kore, ari itak. Shinuma ese wa ene itak-hi :— Poho utara gusu an aep uk wa seta otta koropare-i anak ne pirikap shomo ne ruwe ne,

²⁷ sekoro itak nisa ruwe ne. Koroka, shiwentep ese wa ene itak-hi :— Ruwe un, Utarapa, yakka seta anak ne kon nishpa set choropoke un rapapse aep uibe e ruwe ne,

²⁸ sekoro itak, orowa, Yesu nei guru orota ese wa ene itak-hi :— Aa shiwentep, e koro eishokor-i anak ne porobe ne ruwe; eani e kon rusui korachi aki kusu ne, sekoro itak. Orowa, neita nani koro matne-po aiwangere nisa ruwe ne na.

²⁹ Orowa, Yesu nei kotan ekohopi wa Gariraya atui samake un ek nisa ruwe ne; awa, nupuri hemesu wa a nisa ruwe ne.

³⁰ Orowa, orota poro topaha utara, hera utara hene, shiknak utara bene, shomo itak utara hene, yaiewen utara hene, naa moshima utara hene, inne no tura wa araki hine Shinuma chikiri samaketa are nisa ruwe ne; aige, Shinuma iwangere nisa ruwe ne:

³¹ awa, topaha utara anak ne nei shomo-itak utara itak hawe hemhem, yaiewen guru aiwangere wa okai katu hemhem, hera utara apkash katu hemhem, shiknak utara ingara katu hemhem nukara chiki Israeru un utara koro Kamui ko-iramye nisa ruwe ne na.

³² Orowa, Yesu anak ne koikara utara shihekote hotuyekara wa orota ene itak-hi :— Topaha utara tane rere-ko shomo ibe no En tura no okai gusu, Ku erampokiwen wa kore ruwe ne: orowa, ikineipeka ru hontomo ta ika sambe eshingi kuni ne, shomo ibere no Ku payere niukesh ruwe ne, sekoro itak.

³³ Orowa, Shinuma otta koikara utara ene itak-hi :— Ani tap okai poro topaha utara kironnure kuni pakno an pan-tak tap korachi an nepka isam ushi ta hunak wa koro ya, ari itak.

³⁴ Orota Yesu ene itak-hi :— Pantak hempakbe echi koro ya? Orota, Arawanbe an, orowa, cheppo anak pon no ka an ruwe ne, ari itak.

³⁵ Orowa, topaha utara shiri kata rok kuni Shinuma kashpaotte, aige, nei arawan pantak newa nei chep uina;

³⁶ aine, yaiiraige ki wa meshpa, orowa koikara utara kore, awa, koikara utara anak ne topaha utara orota koropare nisa ruwe ne.

³⁷ Nei utara obitta ibe wa akironnure: orowa, ameshpa wa ikashima ike arawan saranip pakno umomare nisa ruwe ne.

³⁸ Ibe ainu anak ne poho utara newa shiwentep utara moshima, shi sen nin ne ainu ne ruwe ne.

³⁹ Orowa, nei topaha utara payere, aige, chip otta ahun hine Magadan kotan koshirepa nisa ruwe ne na.