Mattaios 13 - Ashiri Aeuitaknup Iyohaichish Yona 1897

13 Ik.

¹ Nei toho ta Yesu chisei soine hine atui samta a nisa ruwe ne, awa, poro inne utara uwekarapa gusu,

² Shinuma chip orun ahun wa a nisa ruwe ne; uwekarapa utara anak ne atui samata roshki wa okai nisa ruwe ne na.

³ Awa, itak-maukushte-itak ani Shinuma usausa okaibe nei utara otta ye, aige, ene itak-hi :—

⁴ Ingarʼan, Piyehe etoita shine ainu oman wa piyehe etoita; etoita orota ru paruru ta hachiri ambe an,

⁵ aige, chikap reu wa nei ambe e nisa ruwe ne: orowa, shuma-ush kapan no toi an ushiketa hachiri ambe an,

⁶ awa, toitoi ahak gusu nani hetukba: aige, chup ri chiki shukus-chire; samata, shinrit isambe ne gusu shumumge wa isam nisa ruwe ne.

⁷ Orowa, moshimap anak ne ai-ush ni an ushiketa hachiri; awa, ai-ush ni hetukba wa nei ambe ateye nisa ruwe ne;

⁸ shui, moshima ambe anak ne toitoi pirika ushike ta hachiri wa hetukba, aine, ashikne hotne pakno hene, re hotne pakno hene, wanbe ikashima hotne pakno hene shipiraspa nisa ruwe ne na.

⁹ Kisara koro guru, nu yan.

¹⁰ Orowa, koikara utara araki wa Shinuma orota ene ye-hi :— Hemanda gusu itak-maukushte-itak ani nei utara otta E itak ya?

¹¹ Shinuma ese wa orota ene hawe oka-hi :— Kando moshirʼotta anuinap eramʼan-hi anak ne echi otta akore wa an, koroka, nei utara otta shomo akore ruwe ne.

¹² Inambe gusu ne yakun, nen ne yakka koro guru otta akore wa nuye an no shinuma koro kusu ne; koroka, nen ne yakka koro shomoki gurʼanak ne, koro wa an ambe ne yakka auk kusu ne gusu ne na.

¹³ Nei utara ingara wa nukara shomoki, inu wa nu ka shomoki, shui, ramepakari shomoki wa okai gusu tambe gusu itak-maukushte-itak ani Ku ye ruwe ne.

¹⁴ Inu wa echi nu, koroka, oara erampeutek; Ingara wa echi nukara, koroka, ramepakari ka shomoki: Tan utara anak ne shikihi ani shomo nukara, Kisara ani shomo nu,

¹⁵ Keutum ani shomo eramʼan kuni, Aige, Ku iwangere gusu shomo hosari kuni ne Tan utara koro sambe nishte ne, Koro kisara ashpa ne, Shikihi shikkamuktek ne; sekoro uweingara guru Isaya koro uweingarape tan utara gusu auweomare ruwe ne na.

¹⁶ Koroka, echi koro shikihi anak ne nukara gusu, echi koro kisara nu gusu anunuke ne.

¹⁷ Inambe gusu ne yakun, son no echi otta Ku ye, inne uweingara utara hene, inne oupeka utara ne yakka echi nukarabe nukan rusui a koroka, shomo nukara; echi nu ambe nu rusui a koroka, nu ka shomoki nisa ruwe ne.

¹⁸ Tambe gusu piyehe etoita guru gusu an itak-maukushte-itak nu yan.

¹⁹ Nen ne yakka nei moshiri gusu an orushpe nu wa erampeutek chiki anak ne, wenbe ek wa nei guru keutum oshiketa aetoitap ehekem wa uk ruwe ne. Tambe anak ru paruru ta aetoita guru ne ruwe ne.

²⁰ Orowa, shuma-ush ushiketa aetoita gurʼanak ne, tambe anak itak nu,

²¹ orowa, nani yaikopuntek hine kon ruwe ne; yakka koro keutum ta shinrit isamma gusu, irukai-tomta yaishiporore; aige, nei itak gusu aeramchuptekbe hene aepokbap hene hetuku yakun, nani epetchiu ruwe ne.

²² Orowa, ai-ush ni an ushiketa aetoita gurʼanak ne, tambe anak nei itak nu; orowa, kanna moshiri gusu an nishomap ambe hene, aeoteknu ambe gusu an kokandama ambe hene gusu, nei itak ateye, aige, ibehe shomo hetukure gunʼne.

²³ Orowa toitoi pirika ushiketa aetoita gurʼanak ne, tambe anak nei itak nu wa eramʼan; orowa, son no poka shinuma ibe o, ashikne hotne pakno hene, re hotne pakno hene, wanbe ikashima hotne pakno hene hetukure guru ne ruwe ne, ari itak.

²⁴ Shinuma naa shine itak-maukushte-itak nei utara otta sange wa ene ye-hi :— Kando moshiri anak ne kot toi otta pirika piyehe etoita guru akoherayere ruwe ne;

²⁵ koroka, utara mokon rapoketa epokba guru shinen ek wa mungi tumugeta zizania mun etoita wa oman ruwe ne.

²⁶ Awa, nei raha hetukba wa ibehe ashippa koro anak ne zizania mun ne yakka anukan nisa ruwe ne.

²⁷ Orowa, toi koro guru orota ausshiune utara araki wa ene itak-hi :— Nishpa, e kot toi otta pirika piyehe e toita shomo ki ya? aige, hemanda gusu zizania mun hetukba ruwe he an? sekoro itak.

²⁸ Toi kon nishpa ene hawe an-hi :— Tambe anak ne en epokba guru ki ikip ne ruwe ne, sekoro itak. Orowa, orota uitek utara ene ye-hi :— Tap ne ne hawe ne yakun, paye ash wa nei a zizania mun uwekarire yak pirika ya? sekoro itak.

²⁹ Shomo, nei ambe echi rishpa yak anak ne mungi ne yakka tura no akorishpa nangon na.

³⁰ Anange paha pakno tup ne kane iteki ekottanu yan: aotuye ita, otuye utara orota ene ku ye kusu ne-hi :— Echi paye wa hoshiki no nei zizania mun uina wa uhuika kuni ne muye ne kara: koroka mungi anak ne ku puhu otta omare yan, sekoro ku itak kusu ne.

³¹ Naa shine itak-maukushte-itak Shinuma nei utara otta sange wa ene ye-hi :— Kando moshiri anak ne shine karashi piyehe koheraye ruwe ne; an ainu nei ambe uk wa kot toi otta etoita:

³² awa, nei piyehe anak son no poka moshima okaibe kasu no pokashnu nokanbe ne; a koroka, hetuku koro anak ne moshima okai haru kasu no poro, aige, rik peka kush chikap araki wa nei tekehe kata reushi ruwe ne.

³³ Naa shine itak-maukushte-itak ani nei utara otta Shinuma ye nisa ruwe ne; Kando moshiri anak ne shiwentep orowa auk wa koho re chomba oshiketa anuina, nei okaibe obitta shipushkere pan-dane koheraye ruwe ne, ani itak.

³⁴ Tan orushpe obitta Yesu itak-maukushte-itak ani nei inne topaha utara otta ye wa nure nisa ruwe ne, aige, itak-maukushte-itak isam no nep ne yakka utara otta ye shomoki:

³⁵ tambe anak, Itak-maukushte-itak gusu ku paroho ku maka kusu ne, Moshiri heashi-i wano anuina wa an orushpe Ku ye kusu ne, sekoro uweingara guru ye itak auweomare kuni gusu an ap ne ruwe ne na.

³⁶ Orowa, Shinuma nei inne topaha utara ekohopi wa chisei orun ahun: awa, koro koikara utara otta araki hine ene itak-hi :— Toi otta aetoita zizania mun gusu an itak-maukushte-itak pita wa un kore, ari itak.

³⁷ Orota Shinuma ese wa ene itak-hi :— pirika piyehe etoita gurʼanak ne Ainu poho ne ruwe ne: toi anak ne moshiri ne;

³⁸ pirika piyehe anak ne moshirʼun gunʼne; zizania mun anak ne nitnep koro poho ne; nei

³⁹ ambe etoita epokba gurʼanak ne nitne kamui ne ruwe ne: anange pa anak ne moshiri shiokere-i ne; otuye utara anak ne Kamui hauturʼun utara ne ruwe ne na.

⁴⁰ Tambe gusu, zizania mun anak ne auwekarire wa abe ani auhuika korachi, moshiri aokere-i ta ne yakka nei no an kusu ne.

⁴¹ Ainu Poho anak ne koro uitek utara payere wa koro moshiri orowa no nep ne yakka

⁴² epetchiurep hene wenbe ki utara hene etayere wa, abe sokot otta osurare kusu ne; nei ita chish ambe hene niyorokara an kusu ne.

⁴³ Nei ita anak ne tokap chup nupeki atte korachi oupeka utara ne yakka koro michi koro moshiri ta nupeki atte kusu ne na. Kisara koro guru, nu yan.

⁴⁴ Kando moshiri anak ne toi tumugeta anuina wa an ikoro koheraye ruwe ne; ainu nei ambe pa chiki nuina; orowa, yaikopuntek gusu oman, aige, yaikota korobe obitta eibok wa nei toi hok ruwe ne.

⁴⁵ Shui, Kando moshiri anak ne pirika shinju shikhunara rambashne guru koheraye ruwe ne; aige, nei

⁴⁶ guru ataye yupke shinju shinep apa chiki oman wa yaikota korope obitta eihok wa nei ambe hok nisa ruwe ne.

⁴⁷ Shui, Kando moshiri anak ne atui otta aare wa usa okai chep-rup okarire ya koheraye ruwe ne:

⁴⁸ nei ya shikno an koro anak ne utara ya ta etaye wa yange; orowa, rok wa pirika ike saranip oro omare, koroka wen ike osuruba ruwe ne.

⁴⁹ Moshiri shiokere-i ta ne yakka nei no aki kusu ne: Kamui hauturumbe araki

⁵⁰ wa oupeka utara tumuge wano wen utara numge hine abe sokot otta osurupa kusu ne: nei ita chish ambe hene niyorokara hene an kusu ne.

⁵¹ Echi utara anak ne tan okai orushpe obitta eramʼan ruwe he an? Orota, chi eramʼan ruwe ne ari nei utara ye ruwe ne.

⁵² Orowa, orota Shinuma ene ye-hi :— Tambe gusu nen ne yakka kando moshiri gusu akoikare kambi-nuye ainu anak ne, koro ikoro orowa no fushko ambe hene, ashiripe hene sange chisei-koro-guru koheraye ruwe ne, ari itak nisa ruwe ne na.

⁵³ Orowa, Yesu tan okai itak-maukushte-itak ye okere chiki, nei kotan ekohopi wa oman nisa ruwe ne.

⁵⁴ Orowa, koro kotan ta ek wa uwekarapa chisei orun ahun hine utara epakashnu nisa ruwe ne; aige, nu utara iyokunnure wa ene itak-hi :— Tan ainu anak ne nei no okai wayashnu ambe hene kiroro an mondum hene hunak wa kon ruwe he an?

⁵⁵ Tambe anak ne pancho ainu koro poho shomo ne ruwe he an? Koro habo anak ne Maria ani an reihei koro shiwentep shomo ne ya? samata koro okkai ainu iriwak utara anak ne Yakob newa Yosep newa Simon newa Yudas newa ani aye utara shomo ne ya?

⁵⁶ Orowa, koro mat ainu iriwak utara ne yakka un tura no okai shomo ne ruwe he an? Ta an guru anak ne nei no okaibe hunak wa koro ya? ari itak.

⁵⁷ Orowa, Shinuma gusu nei utara aureepetchiure nisa ruwe ne na. Koroka, Yesu nei utara otta ene itak-hi :— Uweingara guru anak ne yaikota koro moshiri ta hene koro unihi ta hene moshima an ushiketa ne yakun aeoripakbe ne, sekoro itak.

⁵⁸ Orowa, nei utara eumbipka keutura gusu, Shinuma nei kotan ta kiroro an iki ikip poron no shomo iki nisa ruwe ne na.