Mattaios 11 - Ashiri Aeuitaknup Iyohaichish Yona 1897

11 Ik.

¹ Orowa, Yesu anak ne koro tun ikashima wa niu ne koikara utara kashpaotte okere chiki okai machiya otta upaskuma hemhem ki epakashnu hemhem ki kuni gusu nei kotan ekohopi wa oman nisa ruwe ne.

² Ipakashnu chisei ta an Yoannes anak ne Kiristo iki ambe nu chiki, koro koikara utara payere wa Shinuma otta ene yere ki :—

³ Ek kuni ainu anak ne Aokai ne ruwe? shui, moshima ainu chi ehuye ruwe he an? sekoro itakte.

⁴ Orowa Yesu ese wa nei utara otta ene ye-hi :— Echi paye wa, echi nup hemhem echi nukarape hemhem Yoannes otta nure yan:

⁵ shiknak utara aingare, hera utara aapkashte, munin tashum ki utara aashkannere, ashpa utara ainure, rai utara hetopo-ashiknure, orowa, pirika shongo anak ne irapokkari utara otta anure ruwe ne.

⁶ Orowa, nen ne yakka En gusu epetchiu kuni ika nukara shomoki guru anak ne anunuke ne ruwe ne — sekoro itak.

⁷ Nei utara paye shiri rapoketa Yesu Yoannes orushpe gusu inne utatʼtopaha otta ene ye-hi :— Echi okai utara nep nukara gusu kimta echi paye ya? Rera ani ashuyeshuye rapembe nukara kuni gusu echi paye nisa ruwe he an? Koroka, nep nukara gusu echi paye ya?

⁸ Sarambe amip rai guru nukara kuni gusu echi paye nisa ruwe he an? Sarambe anrip ani rai utara anak ne Moshiri esapane guru kotʼchisei ta okai ruwe ne.

⁹ Koroka, nep gusu echi paye ya? Uweingara guru nukara kuni gusu ne ruwe he an? Son no un; Kuani echi otta Ku ye; uweingara guru kasu no pase guru nukara gusu echi paye nisa ruwe ne na.

¹⁰ E kotchaot e kon ruhu etoko-oiki gusu, Ku shongo kore guru e nanuhu kotchaketa Ku omande kusu ne — sekoro anuye wa an itak anak ne tan guru epeka no aye itak ne ruwe ne na.

¹¹ Son no echi otta Ku ye, shiwentep utara hekatparep tumugeta Baptisma kore Yoannes kasu no pase guru naa shomo hopuni nisa ruwe ne: yakka, kando moshirʼotta an iyotta pon guru ne yakka nei guru kasu no pase guru ne ruwe ne na.

¹² Orowa, Baptisma kore Yoannes an toho wano tane pakno kando moshiri aeyaikoniwen ruwe ne, awa, niwen no iki utara anak ne nei ambe kon ruwe ne.

¹³ Inambe gusu ne yakun, obitta no okai uweingarape newa nep tuitak an yakka obitta Yoannes ek pakno uweingara nisa ruwe ne.

¹⁴ Orowa, echi utara rengaine uk yak anak ne, okaketa ek kusu ne Ericha anak tan guru ne ruwe ne.

¹⁵ Nu kuni gusu an kisara koro gurʼanak ne nu yan.

¹⁶ Koroka, tane okai utara ikiri nep otta Ku koherayere kusu ne ya? Ihok ushiketa rok wa, koro katairotke utara otta hotuyepakara wa ene ye poho ukoheraye :—

¹⁷ Chi utara anak ne echi gusu top rekte ash ruwe ne, awa, echi rimse shomoki, chi chish ash nisa, koroka, echi sarachish shomoki ruwe ne.

¹⁸ Inambe gusu ne yakun, Yoannes anak ne ibe shomoki iku shomoki no ek, aige, nei guru nitne kamui shikatkari ruwe ne, — ani utara ye ruwe ne.

¹⁹ Ainu Poho anak ne ibe hemhem ki iku hemhem ki koro ek, awa, ingara, ibe rui tonoto iku rui ainu, chikokatpak utara newa yaku etaye koro katairotke guru ne — ari utara ye ruwe ne. Wayashnu ambe anak ne yaikota ki ambe gusu oupeka no aattere ruwe ne.

²⁰ Orowa no, orota iyotta poron no kiroro an ikip iki machiya koro utara anak ne yaikokatpak shomoki gusu, Shinuma kosakayokara heashi hine ene itak-hi :—

²¹ Aa Korazin kotan, aeyaisambepokashbe e ne humi! Aa Betsaida kotan aeyaisambepokashbe e ne humi! Echi oshiketa Ku ki kiroro yupu ikip anak ne Turos kotan ta hene Sidon kotan ta hene akara yak anak ne, nei utara fushkone hai ani akara amip newa uina ani yaikokatpak kusu ne.

²² Yakka echi otta Ku ye, koipishi toho ta Turos kotan newa Sidon kotan otta akore panakte-i anak ne, echi otta akorep kasu no kasush ne kusu ne.

²³ Aa Kapernaum kotan, eani anak ne kando pakno arikinde kusu ne ruwe he an? Hedes pakno aerange kusu ne: inambe gusu ne yakun, e oshiketa kiroro yupu an ikip anak ne Sodom kotan otta aki yak anak, nei kotan tane pakno an nangoro gusu ne.

²⁴ Yakka, echi otta Ku ye :— koipishi toho ta, Sodom kotan akore panakte-i anak ne echi otta akorep kasu no kasushbe ne ruwe ne kusu ne na, — sekoro itak.

²⁵ Nei ita Yesu ese wa ene itak-hi :— Kando newa moshiri koro Utarapa ne Ku Michi, tan orushpe wayashnu utara newa oramush utara gusu nuina wa aiai otta nukare nisa ruwe ne gusu, Ku yaiiraige ash na:

²⁶ ruwe ne wa, Michi, tap korachi E ki kuni ambe anak ne e esanniyop ne ruwe ne gusu ne na.

²⁷ Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.

²⁸ Nen ne yakka monraige wa kososh no ashikere utara anak ne En otta araki yan, yakun, Kuani echi shinire ash kusu ne na.

²⁹ Kuani anak ne ramu-shiroma wa keutum yaieoripakka ambe Ku ne ruwe ne gusu, Ku rekuchi orunbe uk wa En orowa no eyaihannokkara yan; yak anak ne echi keutum gusu shini ushi apa kusu ne.

³⁰ Ku goro rekuchi orunbe hauge, Ku shikehe koshnep ne ruwe ne gusu ne na.