Korosai 4 - Ashiri Aeuitaknup Iyohaichish Yona 1897

4 Ik.

¹ Nishpa ne utara, echi koro usshiune utara otta oupeka newa oupak an ambe kore yan; aige, echi utara ne yakka kando oshiketa Nishpa kon ruwe ne kunak eramu yan.

² Shiyuppa no inonno-itak ki, iyaiiraige koro wa iki hine shiruwande yan;

³ samaketa, un gusu ne yakka iki, Kiristo gusu an anuina ambe aye hine itak arabe ahun gusu, un orun Kamui apa maka kuni ne ki yan,

⁴ nei okaibe gusu ku atupetupe an na; samata, nekon a katu ani ku ye kunip ne ya aeramande kuni gusu ki yan.

⁵ Soita okai utara epeka pakihi kikiraye korachi wayashnu no apkash yan.

⁶ Nekon a katu ani pishno an guru orun koese kunip ne ya sekoro echi eraman kuni ne, ramma kane echi ye itak irenga tura asange wa shippo eomare yan.

⁷ Obitta no okai ku goro orushpe gusu anak Tikikos echi nure kushki, nei guru anak ne Utarapa oshiketa aomap an iriwak ne, ikipniukesh yaishieiwangere guru ne, tura no iki ausshiunere an gunʼne ruwe ne: echi utara un gusu an orushpe eraman,

⁸ orowa, shinuma echi sambe omaoma kuni gusu an, tapan son no ikkewehe an gusu echi orun kuani shinuma omande nisa ruwe ne;

⁹ echi tumuge wano an nei ikipniukesh newa aomap an iriwak guru ne Onesimos tura ku omande ruwe ne na. Nei utara anak ne teda an orushpe obitta echi nure kushki na.

¹⁰ En tura no ipakashnu chisei ta an Aristarkos echi ekap an na, Barnabas koro karaku Markos ne yakka echi ekap na (shinuma gusu echi kashpaotte ash okere; aige, shinuma echi orun ek chiki uk wa en kore yan),

¹¹ samata, okarituye-buri oma Youstos ari aporose Yesu ne yakka echi ekap na: tan utara patek Kamui moshiri gusu tura no ikichi utara ne, gusu a en omaoma utara ne ruwe ne.

¹² Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.

¹³ Echi utara gusu ne yakka, Raodikia un utara gusu ne yakka, Hieraporis un utara gusu ne yakka poro shinuma iki ambe epeka shinuma gusu paweteshu ku ki ruwe ne.

¹⁴ Aomap an potara guru ne Roukos newa Demas echi ekap na.

¹⁵ Raodikia un iriwak utara hemhem, Numpas hemhem, Numpas kot chisei ta an karisia hemhem rangarap yan.

¹⁶ Orowa, tan kambi echi tumugeta oro-a-oitak okere chiki, Raodikia un utara ne karisia otta ne yakka orooitakte wa en kore; samata, Raodikia orowa no an kambi ka echi utara ne yakka orooitak yan.

¹⁷ Orowa, Arkippos orun ene itak yan:— Utarapa orowa no akore an otta e iki kuni yaishieiwangere ambe aomare kuni ne yaitubare yan.

¹⁸ Pauros ne kuani anak ne yaikota koro teke ani rangarap ikiri ku nuye na. Ku goro tupep eshkarun wa en kore yan. Irenga echi tura an na.