Korosai 3 - Ashiri Aeuitaknup Iyohaichish Yona 1897

3 Ik.

¹ Tambe gusu echi utara anak ne Kiristo tura hetopo-ashiknure chiki, Kamui shimon tek-samata a koran Kiristo oshiroma ushiketa an okaibe hunara yan.

² Rikta an okaibe esanniyo wa iteki moshiri kata an okaibe esanniyo yan.

³ Inambe gusu ne yakun, echi utara anak ne rai nisa ruwe ne, echi koro inotu Kiristo tura

⁴ Kamui otta anuina wa an ruwe ne. Chikoro inotu ne Kiristo anak ne anukara kusu ne ita, nei ita anak echi utara ne yakka Shinuma tura no nupeki otta anukara kusu ne na.

⁵ Tambe gusu, moshiri kata okai echi koro awehe raige yan; hoiyo hene, ichakkere arabe hene, wenkatcham hene, wenbe ki rusui keutura hene, potoki koongami ari an yaikoshipuinere arabe hene raige yan;

⁶ tap okaibe rengap gusu itakkashi poho utara otta Kamui irushka ambe ek ruwe ne;

⁷ orowa, tap okaibe otta echi shiknu wa an rapoketa, otta eeshiri echi utara ne yakka apkash nisa ruwe ne na.

⁸ Koroka, irushka arabe hemhem, kinrakarabe hemhem, wenbe hemhem, koatcha arabe hemhem, paro wano san yainikoroshma itak ambe hemhem, tane tap okaibe obitta oyakta are yan:

⁹ iteki utashpa shunge yan: fushko ainu koro iki ikip tura echi shioraye hine ashiri ainu echi utomchiure okere ruwe ne gusu ne na;

¹⁰ nei arabe anak ne orowa no akara Kamui koro katuhu nei no eramanushbe gusu ashinno akara korʼan ruwe ne:

¹¹ nei ushiketa Herenes hene Yudea unbe hene, okarituye buri akore arabe hene okarituye buri shomo akore ambe hene, oya kotan un guru hene, Skitia un guru hene, ausshiune an guru hene, rengaine an guru hene isama: koroka, Kiristo anak ne obitta no okaibe okkashi an, obitta no okaibe onnaigeta an ruwe ne na.

¹² Tambe gusu, Kamui koro anumge ashkanne newa aomap an utara korachi, rampokiwen an keutura hemhem, pirika irenga hemhem, yaieoripakka arabe hemhem, ramu-rotcha arabe hemhem, ramu-shiporore ambe hemhem,

¹³ utomchiure yan; utashpa uwe-shiyupupu; nep ne yakka eiyonnuppa kuni ushike an chiki uweusaraye yan; Utarapa echi tusare korachi echi utara ne yakka nei no ki yan;

¹⁴ orowa, tap okaibe kasu no pasere wa omap arabe utomchiure yan; tambe anak ne aeramushinne gusu an kut ne ruwe ne na.

¹⁵ Shui, Kiristo koro itomo echi keutum ta esapanere yan, tambe gusu ka shine netobake otta echi ahotuyekara wa okai ruwe ne na;

¹⁶ orowa, yaiiraige an no okai yan. Shi no wayashnu no nuye an no Kiristo korʼitak echi oshiketa oshironmre yan; iyobaichish ani hene, shinotcha ani hene, ramat oma yairap ani hene echi koro keutura ta irenga koro wa Kamui otta shinotcha ki wa utashpa uwe-epakashnu hemhem ki, uwe-onishnishi hemhem ki yan.

¹⁷ Orowa, itak otta hene ikip otta hene nep ne yakka echi ki chiki Utarapa ne Yesu Kiristo reihei ankushkeraipo ki, aine, Shinuma korʼirenga gusu Michi ne Kamui otta ko-yaiiraige yan.

¹⁸ Machi ne utara, Utarapa gusu kopakeat kuni ne echi koro hoku otta koitaknu yan.

¹⁹ Hoku ne utara, echi koro machi omap wa otta iteki iporo-slriuka yan.

²⁰ Poho utara, nep ne yakka gusu echi koro eshikop koitaknu yan, tambe anak ne Utara nupetnere ambe ne ruwe ne gusu ne na.

²¹ Michihi utara, echi koro poho utara iteki ramu-rai kuni ne iteki irushkare yan.

²² Ausshiune okai utara, nep ne yakka gusu kara epeka an echi esapane utara koitaknu yan; ainu nupetnere gusu aeshikkoingara kuni korachi shomo ne, koroka, Utarapa gusu iki nei no oheuge sak sarabe koro yan: nep ne yakka echi ki chiki,

²³ ramu-osshi wa ki yan, utara gusu shomo iki no Utarapa gusu iki korachi ki yan;

²⁴ Utarapa orowa aeikeshkorobe gusu an iwayehe akore kusu ne ambe eraman; aige, Utarapa ne Kiristo gusu echi yaishieiwangere na.

²⁵ Inambe gusu ne yakun, wenbe ikichi gurʼanak ne aki okere wenbe gusu tasa akore kusu ne: aine, utara kowen utara kopirika keutum isam ruwe ne gusu ne na.