Korosai 2 - Ashiri Aeuitaknup Iyohaichish Yona 1897

2 Ik.

¹ Inambe gusu ne yakun, echi utara gusu hemhem, Raodikia un utara gusu hemhem, kara oma ku nanuhu shomo nukara obitta no okai utara gusu hemhem, hemanda yupke no kiroro atte hine ku iki arabe echi eraman kuni ku kon rusui ruwe ne;

² tambe anak nei utara koro sarabe aomaoma kuni gusu an ap ne, aige, shinuma utara omap ambe ani aurukire hine eraman no an shomo utumashire an arabe gusu hetuku aeoteknup otta an kuni gusu ne; tambe anak nei utara.

³ Kamui mukkep eraman kuni gusu nep; nei mukkep anak ne Kiristo ne, aige, Shinuma oshiketa wayashnu ambe newa eramushbe oma aeoteknup anuina wa an na.

⁴ Inan guru ne yakka iteki shisak itak ani echi kokandama kuni ne, tambe ku ye ruwe ne.

⁵ Inambe gusu ne yakun, kara gusu echi tura no ku an shomoki yakka, ramat gusu echi tura no ku an, aige, echi ikiri an no an arabe hemhem, Kiristo gusu echi atte eishokor-i yupkep hemhem ku nukara wa ku nupetne ruwe ne na.

⁶ Tambe gusu, echi utara Utarapa ne Kiristo Yesu akore korachi, Shinuma oshiketa apkash yan; Shinuma oshiketa shinrichi koro hine aeyairoshkire, aige,

⁷ aepakashnu an korachi poka, iyaiiraige an keutura koro wa echi ki eishokor-i atte yan.

⁸ Kiristo gusu shomo ne, koroka, utara koro oina gusu hene, moshiri gusu an isaika epakashi gusu hene, koro aeramasure eramushbe newa oira kokandama itak ani iteki echi shiren guru an kuni yaitubare yan:

⁹ inambe gusu ne yakun, aeramushinne an kamui-oibe anak netobake an nei no Kiristo oshiketa oshiroma ruwe ne,

¹⁰ aige, Shinuma oshiketa echi utara aeramushinnere an na, aine, Shinuma anak ne obitta no okai esapanep newa nrondum korobe koro sapaha ne ruwe ne:

¹¹ Shinuma oshiketa teke ani shomo akore okarituye buri ani echi utara anak ne okarituye buri ani akore poka ki nisa ruwe ne, tambe anak Kiristo koro okarituye buri ne, kam netobake shiraraye arabe ne ruwe ne;

¹² aige, Shinuma tura baptisma eun aomare hine rai-i orowa no Shinuma hetopo-shiknure Kamui iki ikip ani eishokor-i ankushkerai Shinuma tura echi utara ne yakka hetopo-ashiknure nisa ruwe ne.

¹³ Orowa, echi utara anak ne, koro chikokatpak newa kam oma okarituye buri ankushkerai gusu rai okere echi utara anak ne, obitta no okai chikoro chikokatpak Shinuma tusare hine Shinuma orowa no Shinuma tura ashiknure nisa ruwe ne;

¹⁴ aige, un epeka wa un epokba ipawetenge nei no ikiri koro teke ani anuye kambi isamka: aine, nei ambe oyakta koro wa utasa chikuni otta kungi kokikkik nisa ruwe ne;

¹⁵ samata, yaikota yai orowa no esapane ambe newa nrondum korobe soshpa okere chiki, anukan no nei ambe nukare hine, gusu nei ambe epeka yaiokkainere nisa ruwe ne na.

¹⁶ Tambe gusu, ibe arabe gusu hene, iku ambe gusu hene, iwai an toho gusu hene, ashiri kunne-chup gusu hene, shini toho gusu hene, iteki nen ka echi koipishi kuni ne ki yan:

¹⁷ tap arabe anak ne ek kushki okaibe gusu an kurihi ne; koroka netobake anak ne Kiristo korobe ne ruwe ne.

¹⁸ Iteki nenka iki rengaine an yaieoripakka ambe newa Kamui hauturumbe koongamire ambe ani echi koro iwayehe eikkare yan; nei no ikichi gurʼanak ne anukarabe an arabe kata roshki,

¹⁹ raka-sak no koro kam-ush keutura gusu pittarane, aige, ari netobake ebitta ikra newa kut-rit ankushkerai gusu areshpa hine Kamui orowa no ashukupte wa shukup nei sapaha yupke no shomo shikkashima ruwe ne na.

²⁰ Tam moshiri gusu an isaika ambe epeka Kiristo tura echi rai nisa ruwe ne a yakun,

²¹ hemanda gusu, moshiri gusu koishu korachi, utara epakashi nei no utara ikashpaotte nei no ipawetenge nep koran esanniyop koitaknu ya?

²² (nei arabe anak, iteki teke ani kishima, iteki sapke, iteki tomooshma ari an ap ne).

²³ Tap an okaibe anak ne rengaine an keutura ani Kamui koongami ambe gusu hemhem, yaieoripakka ambe gusu hemhem, netobake epeka eramu-yupke kore ambe gusu hemhem wayashnu kotom arabe ne sekoro anukara; koroka, kam iki rusuibe epeka raka-sak no an ambe ne ruwe ne.