Jona 2 - Ashiri Aeuitaknup Iyohaichish Yona 1897

2 Ik.

¹ Orowa, chep honihi orowa no Yona anak ne koro Kamui Yehoba otta inonno-itak wa ene ye-hi:—

² Ku ramshitne gusu Yehoba otta ku hotuyepa nisa ruwe ne, Orowa Shinuma en nu ruwe ne; Sheo honihi wana ku hotuyepa wa, Aokai ku hawe E nu nisa ruwe ne na.

³ Aokai anak ne ooho ushiketa en eyapkiri, atui sambe otta en eyapkiri nisa ruwe ne, Orepumbe en okari an; E koro ruyambe E koro riri en kashiketa oman nisa ruwe ne.

⁴ Orowa, kuani ene ku ye-hi:— E shik kotchake wano a-en-emaka na; Yakka, E koro ashkanne chisei orun shui ku ingara kusu ne.

⁵ Wakka en okari, ku ramat pakno en okari nisa ruwe ne; Ooho anak ne en okari an; Mun anak ku sapa chikokarakari an.

⁶ Nupuri asama pakno ku ran ruwe ne; Moshiri anak ne hembara pakno ne yakka koro sakiri ani en okari ruwe ne na: Yakka, ku goro Kamui Yehoba, munin ushike wano Aokai ku ramat rikinde nisa ruwe ne.

⁷ En oshiketa ku ramachi sambe toranne ita, Yehoba ku eshkarun ruwe ne; E koro ashkanne chisei oshike un E kotchaketa ku ki inonno-itak ahun nisa ruwe ne.

⁸ Shunge raka isambe esanniyo utara anak ne, Yaikota gusu an erampoken eshishi ruwe ne.

⁹ Koroka, kuani anak ne iramye hau ani Aokai otta yangep ku yange kusu ne; Ku ekambakte-i ku yange kusu ne, Kashiobiuki-i anak ne Yehoba orowa no ekbe ne ruwe ne.

¹⁰ Orowa no Yehoba chep otta ye wa, chep yata Yona eatu nisa ruwe ne na.