Jona 1 - Ashiri Aeuitaknup Iyohaichish Yona 1897

1 Ik.

¹ Amittai poho Yona otta Yehoba itak ek wa ene itak-hi:—

² E hopuni wa Ninebe machiya otta e oman wa nei machiya ko-hawe ashte; inambe gusu ne yakun shinuma utara wen-i anak ne En kotchaketa rikin ruwe ne, sekoro Yehoba itak.

³ Koraka, Yona anak ne Yehoba shik sama orowa no Tarshish kotan orun ko-kira kuni ne hopuni nisa ruwe ne; awa, Yoppa kotan orun san wa Tarshish kotan orun paye shine chip nukara: tambe-gusu chip o ataye sange wa, Yehoba shik sama orowa no Tarshish kotan orun nei utara tura no oman wa ko-kira kuni ne chip orun ahun ruwe ne.

⁴ Koroka, Yehoba anak ne atui otta poro rera eyapkiri, orowa, atui kata yupke ruyambe shiriwen gusu, chip awende noine shiriki ruwe ne.

⁵ Aige, chip o utara ishitoma wa shinen range koro Kamui ko-hotuye-pakara ruwe ne; orowa no chip koshnere kuni oshiketa okai shikehe atui orun osura nisa ruwe ne. Koroka Yona anak ne chip iyotta rauta an ushiketa ran wa mokon-noye nisa ruwe ne.

⁶ Tambe gusu, chip esapane guru Yona otta ek wa ene itak-hi:— Mokon-nuye guru nekon a e ki ya? Hopuni wa e koro Kamui ko-hotuyepa yan, yak anak ne Kamui chi utara shomo aisamka kuni un esanniyo kuni ka aramu.

⁷ Orowa, utashpa utashpa ene hawe okai-hi:— Hetak, inan guru rengap gusu tap wen-i un otta ek ya nukara kuni ukokochi kara anro, sekoro itak. Tambe gusu ukokochi kara, a wa, Yona otta epeka nisa ruwe ne.

⁸ Tambe gusu, nei utara Yona otta ene itak-hi;— Nen rengap gusu tap wen-i un otta ek ya? Eani nep kara guru e ne ya? Newa e ek ya? E moshiri nep moshiri ne ya? E utarihi anak ne nen ne ruwe? un nure, sekoro itak.

⁹ Orowa, nei utara otta Yona ene itak-hi:— Kuani anak ne Heber un guru ku ne ruwe ne; orowa, toitoi hemhem atui hemhem kara kando otta an Kamui Yehoba ku shitoma guru ku ne ruwe ne.

¹⁰ Tambe gusu chip o utara shi no ishitoma wa orota ene itak-hi:— Tap eani shiriki-i anak ne nep ta an? sekoro itak. Yona orowa no nu okere gusu, Yehoba shik samata orowa no kira korʼan sekoro eramu an gusu ne ruwe ne.

¹¹ Awa, Yona orota ene itak-hi:— Un otta atui neto an kuni ne eani otta nekon a chi ki ko pirika ya? sekoro itak; inambe gusu ne yakun, atui anak ne kasu no kasu no yupke ne ruwe ne gusu ne na.

¹² Orota Yona ene itak-hi:— En uk wa atui otta en eyapkiri, yakun, echi otta atui neto an kusu ne; inambe gusu ne yakun, ku rengap gusu tan yupke shiriwen-i echi otta hetuku nisa ruwe ne kuni ku eramu un ruwe ne, sekoro itak.

¹³ Yakka, chip o utara heashi yan kuni ne yuptek no chip o nisa ruwe ne a koroka, nei utara epeka no ruyambe naa kusu no naa kusu no rui wa gusu yan eaikap ruwe ne.

¹⁴ Tambe gusu nei utara Yehoba ko-hotuyepa wa ene itak-hi:— Nekon ka newa Yehoba, nekon ka newa, tan guru ramat rengap gusu iteki un isamka wa un kore, turu sak kem iteki un kashiketa seire wa un kore, inambe gusu ne yakun, Yehoba, Aokai yaikota rengaine E kip ne ruwe ne, sekoro itak.

¹⁵ Orowa, nei utara Yona kishima wa atui oshiketa eyapkiri, orowa, atui anak ne koro ruyambe more nisa ruwe ne.

¹⁶ Awa, chip o utara anak ne shi no Yehoba ishitoma wa, Yehoba otta yangep yange, orowa, Kamui otta ekambakte nisa ruwe ne.

¹⁷ Orowa, Yona ruki kuni ne Yehoba poro chep etokooiki; awa, Yona anak ne tokap to rere ko kunne to rere ko uturuta chep honihi oshiketa an ruwe ne.