I Yoannes 5 - Ashiri Aeuitaknup Iyohaichish Yona 1897

5 Ik.

¹ Nen ne yakka Yesu anak ne Kiristo ne ari an ambe eishokoro gurʼanak ne Kamui orowa no hekatu ruwe ne; shui, hekaturep omap gurʼanak ne Shinuma gusu hekatup ne yakka omap ruwe ne.

² Kamui omap wa shinuma koro ikashpaotte chi ki chiki, tambe gusu chi utara anak ne Kamui poho utara omap ash sekoro chi eraman ruwe ne.

³ Koro ikashpaotte shikkashima ambe auak ne, tambe anak Kamui omap ambe ne ruwe ne gusu ne na; orowa Shinuma koro ikashpaotte anak ne sei hokambap shomo ne ruwe ne.

⁴ Inambe gusu ne yakun, nep ne yakka Kamui orowa no ahekature ambe anak ne moshiri annokan ruwe ne: orowa, moshiri annokan nisa kiroro anak ne,

⁵ tambe anak chikoro eishokor-i ne ruwe ne. Yesu anak ne Kamui Poho ne sekorʼambe eishokoro guru moshima moshiri annokara guru anak nen ne ruwe he an?

⁶ Wakka newa kem gusu ek gurʼanak, tambe anak ne Yesu Kiristo ne ruwe ne; ouse wakka gusu patek shomo ne, koroka, wakka gusu ne yakka kem gusu ne yakka an ap ne.

⁷ Orowa, paweteshu ki ambe anak ne Ramat ne, Ramat anak ne son no ambe ne ruwe ne gusu ne na.

⁸ Paweteshu ki ambe anak ne rep ne, Ramat hene an, wakka hene an; kem hene an, orowa, tan reppish anak ne shinep otta uweepak ruwe ne.

⁹ Ainu ki paweteshu-hi chi uina yakun, Kamui ki paweteshu ambe anak naa pase ruwe ne. Kamui ki paweteshu-hi anak ne tapne ne: koro Poho gusu Shinuma paweteshu ki nisa ruwe ne a ambe ne.

¹⁰ Kamui poho eishokoro gurʼanak ne, koro oshiketa nei paweteshu-hi koro: shomo Kamui eishokoro guru anak ne Shinuma shungere nisa ruwe ne; inambe gusu ne yakun, koro Poho gusu Kamui ki paweteshu-hi eishokoro shomoki nisa ruwe ne gusu ne na.

¹¹ Orowa, nei aki paweteshu ambe anak ne tambe ne, Kamui un otta shiokere shomoki inotu un koropare, orowa, tan inotu anak ne Shinuma koro Poho otta an ruwe ne Nei Poho koro gurʼanak ne nei inotu koro;

¹² Kamui Poho koro shomoki gurʼanak, nei inotu shomo kon ruwe ne.

¹³ Shiokere shomoki inotu echi koro koran ruwe ne a ambe echi eramande kuni ne Kamui poho kon reihei eishokoro utara gusu echi otta tap okaibe ku nuye nisa ruwe ne na.

¹⁴ Orowa, Shinuma gusu chi utara rametok koro ki a ambe anak ne tapne ne: Shinuma korʼirenga an korachi nep ne yakka chi koramkoro yakka,

¹⁵ Shinuma un nu ruwe ne; orowa, nep ne yakka chi koramkorobe Shinuma nu sekoro chi eraman chiki, otta chi koramkorobe anak a un kore ari an ambe chi eraman ruwe ne.

¹⁶ Nen ne yakka shomo gusu rai kuni katpak koro iriwak ki-hi nukara, orowa, koramkoro yakun, nei shomo gusu rai kuni katpak ki utara akore kuni ne Shinuma nei utara otta inotu koropare kusu ne na Gusu rai kuni katpak an: nei ambe gusu shinuma koramkoro kuni shomo ku ye ruwe ne.

¹⁷ Nep oupeka-sakbe ne yakka obitta katpak ne: shui, shomo gusu rai kuni katpak an ruwe ne.

¹⁸ Nen ne yakka Kamui orowa no hekatu gurʼanak ne katpak shomo ki ruwe ne sekoro chi eraman; koroka, Kamui orowa no hekaturep anak ne Shinuma shikkashima, orowa, wenbe anak ne shomo shinuma tomooshma ruwe ne.

¹⁹ Chi utara anak ne Kamui orowa no okai utara chi ne sekoro chi eraman, orowa,

²⁰ ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.

²¹ Nokan utara, potoki gusu yairamatte yan.