I Yoannes 4 - Ashiri Aeuitaknup Iyohaichish Yona 1897

4 Ik.

¹ Aomap an utara, obitta no okai ramat pishno iteki eishokoro yan, koroka, Kamui orowa no okaibe ne ya shomo ne ya ingara kuni ne, nei ramat uwande yan: inambe gusu ne yakun, inne no okai shunge uweingara utara moshiri orota paye nisa ruwe ne gusu ne na.

² Tambe ani Kamui Ramat echi eraman: Yesu Kiristo anak ne kam otta ek na sekoro pushpusu nep ramat ne yakka Kamui orowa no an ambe ne:

³ orowa, Yesu pushpusu shomoki nep ramat ne yakka Kamui orowa no an ambe shomo ne ruwe ne: orowa, ek kusu ne sekoro echi nu anti-kiristo korobe anak tambe ne ruwe ne; tane ne yakka nei ambe mosbirʼotta an ruwe ne.

⁴ Nokan utara, echi utara anak ne Kamui orowa no an okaibe echi ne, nei utara annokara okere echi ki nisa ruwe ne: echi oshiketa okaibe anak ne moshiri oshiketa okaibe kasu no naa porobe ne ruwe ne gusu ne na.

⁵ Nei utara anak ne moshiri orowa no an ambe ne: tambe gusu moshiri gusu ye, orowa, moshiri anak nei utara nu ruwe ne gusu ne na.

⁶ Chi utara anak ne Kamui orowa no an ambe chi ne: Kamui eamkiri guru un nu ruwe ne: Kamui orowa no shomo ne an guru anak ne un nu shomoki ruwe ne. Tambe ani son no an ramat newa ohaita wa an ramat chi eraman ruwe ne na.

⁷ Aomap an utara, chi utara, anak ne utashpa uweomap anro: omap-hi anak ne Kamui orowa no an ambe ne ruwe ne gusu ne na; orowa, obitta no okai omap ki gurʼanak ne pishno Kamui orowa no hekature gunʼne,

⁸ orowa, Kamui eamkiri ruwe ne. Shomo omap ki gurʼanak ne Kamui eamkiri shomoki ruwe ne; Kamui anak ne omap ambe ne ruwe ne gusu ne na.

⁹ Shinuma rengap gusu chi utara ishu kuni ne Kamui anak ne yaikota koro Shinen ne Poho moshirʼotta sange nisa ruwe ne gusu, tambe ani chi utara gusu Kamui omap ambe anukare nisa ruwe ne na.

¹⁰ Chi utara anak ne Kamui omap nisa ruwe ne a gusu shomo ne, koroka, Shinuma un omap wa chikoro chikokatpak imommuye kuni gusu koro Poho ette ari an ambe otta, tata otta omap-hi an.

¹¹ Aomap an utara, nei i oro pakno Kamui un omap yakun, chi utara ne yakka utashpa uweomap ki kuni utara chi ne ruwe ne.

¹² Hembarata ne yakka Kamui nukara ainu isam: chi utara utashpa uweomap ki chiki, Kamui un oshiketa riya ruwe ne, orowa, un oshiketa Shinuma omap-hi aeramushinne an ruwe ne;

¹³ Shinuma anak ne kon Ramat un koropare gusu chi utara Shinuma oshiketa riya, Shinuma ka un oshiketa riya ari an ambe chi eraman ruwe ne.

¹⁴ Orowa chi nukara, awa, Michi anak ne moshiri kashiobiukip ne kuni gusu nei Poho ette nisa ruwe ne ari an ambe paweteshu chi ki ruwe ne.

¹⁵ Nen ne yakka Yesu anak ne Kamui Poho ne sekoro pushpusu wa ye gurʼanak, nei guru oshiketa Kamui riya, orowa, Kamui oshiketa nei guru riya ruwe ne.

¹⁶ Orowa, un gusu Kamui sange omap-hi ari an ambe chi eishokoro wa chi eraman ruwe ne. Kamui anak ne omap ambe ne; orowa, omap-hi otta riya guru anak ne Kamui otta riya, orowa, Kamui anak shinuma otta riya ruwe ne.

¹⁷ Chi utara anak ne akoipishi toho ta rametok koro wa okai kuni gusu, tambe otta un tura omap ambe eramuashinnere an ruwe ne; inambe gusu ne yakun, Shinuma an korachi, chi utara ne yakka tam-moshirʼotta

¹⁸ okai ruwe ne gusu ne na. Omap-hi otta ishitomap isama; koroka, aeramushinne an omap ambe anak ne ishitoma ambe soyumbare ruwe ne; ishitoma ambe otta panakte-i okai ruwe ne gusu ne na; orowa, ishitoma ki guru anak ne omap-hi otta seenne aeramushinnere ruwe ne.

¹⁹ Shinuma hoshiki no un omap nisa ruwe ne gusu, chi utara omap ki ruwe ne.

²⁰ Koro iriwak etunne wa Kamui ku omap ari ye guru an chiki anak ne, shunge itak ki gunʼne: inambe gusu ne yakun, nukara a-hi iriwak shomo ko-omap chiki, shomo nukara Kamui omap eaikap ruwe ne gusu ne na.

²¹ Kamui omap guru anak ne koro iriwak ne yakka omap kuni sekorʼan ipawetenge Shinuma orowa no a un kore nisa ruwe ne na.