I Yoannes 2 - Ashiri Aeuitaknup Iyohaichish Yona 1897

2 Ik.

¹ Ku goro nokair utara, echi utara anak ne iteki katpak ki kuni ne tap okaibe echi gusu ku nuye ruwe ne. Orowa, nen ne yakka katpak ki guru an chiki, Michi otta chi utara gusu eikotchanep an, oupeka Yesu Kiristo ne;

² Shinuma anak ne chikoro katpak gusu an imommuyep ne ruwe ne; ouse chikoro katpak gusu patek shomo ne, koroka, ingi-nroshiri gusu an ap gusu ne yakka ne ruwe ne na.

³ Shinuma ki ikashpaotte shikkashima ash yakun, tata ani chi utara Shinuma eamkiri ruwe ne sekoro chi eraman.

⁴ Shinuma ku eamkiri ari ye wa koro ikashpaotte shomo shikkashima gurʼanak ne, shunge itak ki gunʼne, aige,

⁵ son no ambe nei guru onnaigeta isam ruwe ne: koroka, Shinuma ye itak shikkashima gurʼanak, son no poka, Shinuma onnaigeta Kamui omap-hi aeramushinne nisa ruwe ne na. Shinuma onnaigeta chi okai ruwe ne sekoro tambe ani chi eraman:

⁶ Shinuma onnaigeta ku riya sekoro ye gurʼanak ne, Shinuma apkash nisa korachi nei guru poka yaikota apkash kunip ne ruwe tapan na.

⁷ Aomap an utara, echi utara gusu ashiri ikashpaot-te shomo ku nuye, koroka, atpake wano echi koro fushko ikashpaotte ku nuye na; nei fushko ikashpaotte anak ne echi nu okere itak ne ruwe ne.

⁸ Shui, ashiri ikashpaotte echi gusu ku nuye na, nei ambe anak ne Shinuma oshiketa ne yakka echi oshiketa ne yakka son no ambe ne; inambe gusu ne yakun, kunne-i okere koran, orowa, son no pekere nupeki atte wa an ruwe ne gusu ne na.

⁹ Pekere otta an ani ye wa koro iriwak etunne gurʼanak ne tane pakno poka kunne-i otta an ruwe ne.

¹⁰ Koro iriwak omap gurʼanak ne pekere otta oshiroma, aige, Shinuma oshiketa ureepetchiure ika isam ruwe ne.

¹¹ Koroka, koro iriwak etunne gurʼanak ne kunne-i oshiketa an wa kunne-i otta apkash, orowa, ine un oman a shinuma erampeutek, kunne-i anak ne shinuma koro shikihi shiknakte nisa ruwe ne gusu ne na.

¹² Nokan utara, Shinuma kon reihei rengap gusu echi koro katpak atusare wa an, tambe gusu echi gusu

¹³ kambi ku nuye na. Michi utara, atpake wano an guru echi eamkiri gusu, tambe gusu echi otta kambi ku nuye. Upen utara, wenbe echi annokara okere gusu, tambe gusu, echi otta kambi ku nuye. Nokan utara, Michi echi eamkiri gusu, tambe gusu,

¹⁴ echi otta kambi ku nuye. Michi utara, tambe gusu, atapake wano an guru echi eamkiri gusu, echi otta kambi ku nuye. Upen utara, echi utara okirashnu wa an, Kamui itak echi onnaigeta an, samata, echi utara anak ne wenbe annokara okere gusu, tambe gusu echi utara otta kambi ku nuye na.

¹⁵ Moshiri hene moshirʼotta okaibe hene iteki omap yan, moshiri ko-omap guru an chiki Michi koro omap ambe anak ne shinuma oshiketa isam ruwe ne.

¹⁶ Inambe gusu ne yakun, moshirʼotta an obitta no okaibe, kam eikaunu ambe hene, shiki eikaunu ambe hene, ishu gusu pakesara ambe hene, Michi orowa no hetukup shomo ne, koroka, raoshiri orowa no an ambe ne ruwe ne gusu ne na.

¹⁷ Orowa, raoshiri hene, moshiri gusu eikaunu ambe hene aokere kusu ne; koroka, Kamui irenga ki gurʼanak ne ramma pakno okai kusu ne na.

¹⁸ Nokair utara, tane anak keseke an pakihi ne: orowa, anti-kiristo ek kusu ne sekoro echi nu nisa, tane poka inne no okai anti-kiristo hetukba wa okai; tambe gusu, tane anak keseke an pakihi ne ari an ambe chi eraman ruwe ne.

¹⁹ Nei utara anak ne un orowa no soyumba, koroka un tura no okai utara shomo ne; inambe gusu ne yakun, nei utara anak ne un tura no okai utara ne ruwe ne a chiki, un tura no ramma okai kusu ne gusu ne na: koroka, nei utara un tura no okai utara shomo ne sekoro aeraman kuni gusu an okaibe ne ruwe ne na.

²⁰ Echi utara anak ne Ashkannep orowa no kashiketa aota utara echi ne wa obitta no okai echi utara anak ne nep ne yakka eraman ruwe ne na.

²¹ Echi utara son no ambe shomo eraman gusu ku nuye shomoki,, koroka, son no ambe echi eraman, samata, son no ambe orowa no hetuku shungep isam ruwe ne gusu ku nuye na.

²² Shunge guru nen ne ruwe? Yesu anak ne Kiristo ne sekorʼambe eshikashke guru shomo ne ya? Michi newa poho kane eshikashke gurʼanak ne, shinuma anak anti-Kiristo ne ruwe ne.

²³ Nen ne yakka Poho eshikashke gurʼanak ne nei guru anak Michi shomo koro: Poho pushpusu guru anak ne Michi ne yakka kon ruwe ne.

²⁴ Echi utara gusu atpake wano echi nu orushpe echi oshiketa oshironmre yan. Atpake wano echi nu orushpe echi oshiketa oshiroma chiki, echi utara poka Poho oshiketa hemhem, Michi oshiketa hemhem oshiroma kusu ne.

²⁵ Un gusu Shinuma eitakamkire uitaknup anak ne shiokere shomoki inotu ne ruwe ne.

²⁶ Echi shiren wa turainure utara gusu tap okaibe ku nuye nisa.

²⁷ Echi utara gusu Shinuma orowa no echi kore an kashiaota ambe anak ne echi oshiketa oshiroma chiki echi epakashnup isam yak pirika na; koroka, nep ne yakka Shinuma ki kashiota ambe echi epakashnu, aige, nei ambe son no ambe ne wa shunge shomo ne gusu, echi aepakashnu wa an korachi, Shinuma oshiketa echi oshiroma ruwe ne.

²⁸ Orowa, tane nokan utara, Shinuma oshiketa oshiroma yan; Shinuma anukara chiki, chi utara rametok-koro, orowa, Shinuma ek ita chi utara shomo yainikoroshma kusu ne gusu okai yan.

²⁹ Orowa, Shinuma oupeka ambe ne sekoro echi eraman chiki, nen ne yakka oupekap ki guru anak ne Shinuma orowa no hetu-kurep poka onnere yan.