I Yoannes 1 - Ashiri Aeuitaknup Iyohaichish Yona 1897

1 Ik.

¹ Atpake wano an, chi utara nu, shikihi ani chi nukara, ingara wa koro teke ani chi tomooshma inotu an Itak gusu an ap;

² (orowa, nei inotu anak ne anukara wa chi nukanʼnisa, gusu paweteshu chi ki, Michi tura no an, awa, un otta anukara, nei inotu, nei rai uina pakno shiknu an inotu orushpe gusu echi nure ash na);

³ chi nukarabe hemhem, chi nup hemhem echi otta ne yakka nure ash; echi utara ne yakka un tura no shine-ikinne okai kuni gusu ne na: ruwe newa, chi utara anak ne Michi tura hemhem, Michi koro poho Yesu Kiristo tura hemhem shine-ikinne okai ruwe ne:

⁴ orowa, tap okaibe chi nuye ikkewehe anak ne echi utara anupetnere ambe aeshik kuni gusu ne ruwe ne na.

⁵ Samata, Shinuma orowa no chi nu wa echi nure ash shongo anak ene ani ne, — Kamui anak ne pekere ne, Shinuma otta pon no kunne-i ka isam ruwe ne.

⁶ Shinuma tura chi utara kookai ruwe ne sekoro chi itak wa, kunne-i otta apkash chiki, shunge chi ye, son no ambe shomo chi ki ruwe ne:

⁷ koroka, Shinuma anak ne pekere otta an korachi chi utara ne yakka pekere otta apkash yakun uwe-utashpa uwekookai ruwe ne, orowa Shinuma koro poho Yesu koro kem anak ne obitta no okai chikoro katpak isamka wa un ashkannere ruwe ne.

⁸ Katpak chi sak sekoro chi itak chiki, yaikokandama ruwe ne, orowa, son-i anak ne un oshiketa isam ruwe ne na.

⁹ Koro katpak chi eyaipushi ash chiki, Shinuma anak ikipniukesh oupekap ne gusu chikoro katpak tusare hemhem ki, obitta no okai oupeka sak-i ashkannere hemhem ki ruwe ne.

¹⁰ Shomo katpak chi ki na sekoro chi ye chiki, Shinuma shungere ruwe ne, orowa, Shinuma korʼitak un oshiketa isam ruwe tapan na.