I Tessaronike 5 - Ashiri Aeuitaknup Iyohaichish Yona 1897

5 Ik.

¹ Koroka, pakihi newa paha epeka anak, iriwak utara, echi gusu ku nuye ika isam ruwe ne.

² Inambe gusu ne yakun, Utarapa toho anak ne an noshiketa ek ikka guru korachi ek kusu ne-hi sekoro irammakaka echi yaikota eraman ruwe ne gusu ne na.

³ Itomo an, aeyaikikipbe isam, sekoro nei utara ye ita anak, nei ita po shikore shiwentep gusu ikoni an korachi, ekushkonna nei utara epeka isamka ambe hetuku kusu ne, aige, oara nei utara yaiohaitare shomoki kusu ne na.

⁴ Koroka, echi utara anak ne, iriwak utara, ikka utara, iki korachi nei toho echi oshkoni kuni ne kunne-i oshiketa okai utara shomo echi ne ruwe ne:

⁵ inambe gusu ne yakun, echi utara obitta pekere un poho echi ne, tokap to un poho echi ne ruwe ne gusu ne na: anchikara unbe shomo chi ne, kunne-i unbe shomo chi ne ruwe ne;

⁶ tambe gusu, moshima utara iki korachi iteki mokoro ashro, koroka, shiruwande hene ki yairamatte hene ki yanro.

⁷ Mokoro utara anak ne anchikara ta mokon ruwe ne; ihoshki utara anak ne anchikara ta ihoshki ruwe ne gusu ne na.

⁸ Koroka, chi utara anak ne tokap to un utara chi ne ruwe ne gusu, eishokor-i newa omap an rerara-kotukbe unu hine yairamatte wa okai anro; samata, kane-pon-kasa gusu kashichiobiuki ne chipa-chipa arabe koro anro.

⁹ Inambe gusu ne yakun, irushka ambe gusu shomo ne, koroka, un gusu rai chikoro Utarapa ne Yesu Kiristo ankushkerai kashichiobiuki arabe a un kore kuni ne, Kamui anak ne un atte nisa ruwe ne;

¹⁰ tambe anak, shiruwande ash yakka, mokoro ash yakka, Shinuma tura no ishu ash kuni gusu ne na.

¹¹ Tambe gusu, echi iki shiri poka korachi utashpa uweomaoma hemhem ki utashpa uweashte hemhem ki yan.

¹² Koroka, iriwak utara, echi tumugeta monraige hemhem ki, Utarapa oshiketa echi epungine hemhem ki, echi epakashnu hemhem ki utara onnere kuni echi onishnishi ash ruwe ne;

¹³ samata, koro iki ikip gusu omap wa kooripak an no esanniyo yan. Yai uturu ta itomo irenga sange yan.

¹⁴ Orowa, iriwak utara, uottumashi utara pakashnu, keutum katchak utara omaoma, turasak utara nitata orowa obitta no okai utara epeka ramu-shiporore kuni echi onishnishi ash ruwe ne.

¹⁵ Wenbe gusu iteki nen ne yakka wenbe eumontasa kuni ingara yan; koroka, uwe-utashpa hemhem, obitta no okai utara epeka hemhem, ramma pirikap iki yan.

¹⁶ Ramma nupetne yan; okere shomoki no inonno-itak ki yan;

¹⁷ nep ne yakka gusu yaiiraige ki yan;

¹⁸ inambe gusu ne yakun, echi epeka no tambe anak Kiristo oshiketa Kamui koro irenga ne ruwe ne gusu ne na.

^19-20 Iteki Ramat ushka yan; uweingarape iteki pange yan;

²¹ nep ne yakka uwande yan; pirika okaibe shikkashima yan;

²² nep wen noine an ap a yakka eshishi yan.

²³ Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

²⁴ Echi nishukbe anak ne ikipniukeshbe ne, aige, nei no kara poka iki kusu ne na.

²⁵ Iriwak utara, un gusu inonno-itak ki wa un kore yan.

^26-27 Ashkanne chopsekara arabe ani obitta no okai iriwak utara ekap yan. Tan kambi anak ne obitta no okai iriwak utara otta aorooitak kuni Utarapa ani echi kashpaotte ash ruwe ne.

²⁸ Chikoro Utarapa ne Yesu Kiristo korʼirenga echi tura no an kuni akoramkon na.