I Tessaronike 2 - Ashiri Aeuitaknup Iyohaichish Yona 1897

2 Ik.

¹ Inambe gusu ne yakun, iriwak utara, chi utara anak ne echi tumuge un ahup ash katu anak raka isam no an ambe shomo ne sekoro echi eraman: koroka,

² echi onnere korachi, etokota piripoi kotan ta aeramushitnere wa a un ko shomo yaikatanu okere chiki, chi utara anak ne Kamui gusu yai-rametok koro hine shi no yairamkoiki wa Kamui pirika Shongo echi orun ye nisa ruwe ne.

³ Inambe gusu ne yakun, chi ki onishnishi arabe anak ne ouhaita ambe orowa no hene, ichakkere ambe orowa no hene irarape gusu an ambe hene shomo ne ruwe ne;

⁴ koroka, pirika shongo a un shikkashimare kuni pakno an utara chi ne kunak Kamui anak esanniyo korachi; tambe nei no chi ye ruwe ne; utara nupetnere kuni korachi shomo ne, koroka chikoro sambe uwande wa ingara Kamui nupetnere kuni gusu itak ruwe ne.

⁵ Inambe gusu ne yakun, echi eraman korachi, hembara ne yakka panore itak eiwange hene ki, yaikoshipuinere arabe kamure gusu hene iki-hi sekoro shomo a un nukan ruwe ne ari an ambe gusu Kamui paweteshu ruwe ne;

⁶ samata, Kiristo koro Apostoro utara ne-hi korachi an wa echi orowa no a un eoripakte kuni ne ki eashkai ita anak, echi orowa no ne yakka, moshima utara orowa no ne yakka, ainu utara orowa no ne yakka airamye kuni ambe shomo chi hunarapa ruwe ne na.

⁷ Koroka, iyopakkai-ushi guru yaikota koro poho utara reshpa korachi, chi utara anak ne echi tumugeta ratchitara no okai ash nisa:

⁸ tambe nei no chi utara anak ne shi no echi kon rusui gusu, Kamui koro pirika shongo echi kore patek shomo ne, koroka, yaikota koro sambe ne yakka yainuchattek no echi kore kuni aramu, echi utara shi no un gusu aoshkorobe ne nisa ruwe ne gusu ne na.

⁹ Inambe gusu ne yakun, iriwak utara, chi ki monraige ambe newa nuwap ambe echi eshkarun: inan guru ne yakka shomo iramukurukuru kuni ne, tokap to ta hene kunne to ta hene monraige ki, aine, Kamui pirika shongo

¹⁰ echi otta eupaskuma ash nisa ruwe ne. Hemanda Kamui ko-oripak an no, oupeka an no, oheuge sak no eishokoro wa okai echi utara epeka yaikota chi iki ya echi nukan ruwe ne: michi anak ne yaikota koro

¹¹ poho utara otta iki nei no chi utara ne yakka pishno no an echi utara onishnishi ash hemhem ki, rametokte ash hemhem ki,

¹² yaikota koro moshiri newa araguru orun echi nishuk Kamui kopakeot no echi apkash kuni ne hemhem ki wa paweteshu chi kon nisa sekorʼambe echi eraman korachi ne ruwe ne na.

¹³ Orowa, echi utara anak ne nei a chi ye itak ambe, nei a Kamui korobe echi akore ita, ainu itak ambe nei no shomo auk, koroka, son no an arabe nei no, eisho-koro shiri echi utara onnaigeta iki poka ki Kamui itak nei no echi uk nisa ruwe ne, tan ikkewehe an gusu ne yakka okere shomoki no Kamui koyaiiraige ash ruwe ne.

¹⁴ Inambe gusu ne yakun, iriwak utara, echi utara anak ne Yesu Kiristo oshiketa Yudea kotan ta okai Kamui karisia ikoisamba utara echi ne nisa: echi utara ne yakka yaikota koro moshiri ta okai hine, nei utara anak ne Yudea un utara orowa no aeramushitnere korachi nei no an ambe gusu echi eramushitne ruwe ne gusu ne na:

¹⁵ nei utara anak ne Utarapa ne Yesu newa uweingara utara ronnu, orowa, un okeuba hemhem ki, shomo Kamui nupetnere hemhem ki, obitta no okai utara epokba hemhem ki;

¹⁶ aige, Oya un utara kashichiobiuki kuni ne chi itak katu hattoki ruwe ne; aine, ramma-kane koro chikokatpak epa shiriki; koroka, okese pakno nei utara kashita irushka arabe ek an ruwe ne na.

¹⁷ Iriwak utara, keutura gusu shomo ne a koroka tumama gusu anak irukai tomta echi isama gusu, chi utara son no shiariki no echi nanuhu nukara kuni ne iki nisa:

¹⁸ inambe gusu ne yakun, kanna kanna Pauros ne kuani anak, — echi orun araki ash rusui; aige, Satan un shinnatush nisa ruwe ne na.

¹⁹ Gusu aechipachipa arabe hene, aenupetnep ne hene, aeyaiomonnure sapaumbe hene nekon a arabe ne ruwe he an? Ek kushki chikoro Utarapa ne Yesu kotchaketa echi utara shomo ne arabe ne ruwe he an?

²⁰ Echi utara anak ne chikoro aeyaiomonnure arabe ne, aenupetnep ne ruwe ne gusu ne na.