I Petros 4 - Ashiri Aeuitaknup Iyohaichish Yona 1897

4 Ik.

¹ Tambe Kiristo anak ne kam otta ayairamshitnere gusu, tambe gusu, echi utara ne yakka nei no an yainu-hi ani yaikota echi yaimutkare yan; inambe gusu ne yakun, kara otta ayairamshitnere guru anak ne katpak shiokere nisa ruwe ne na;

² tambe anak ne echi utara tewa no poka utara koro eikaunu ambe gusu kara otta shomo echi utara ishu, koroka, Kamui irenga nei no ki wa moshiri echi ko-ishu kuni gusu ne na.

³ Inambe gusu ne yakun, oya moshiri un utara ki rusuibe gusu shiokere pakihi anak ne pakno ne nangoro, samata, ramupekere ambe otta hene, ibeporore ambe otta hene, iku-rui ambe otta hene, iku-sakayo otta hene, iku ambe hene, katpak an potoki ko ongami ambe otta hene, apkash gusu shiokere pakihi anak ne pakno ne nangoro:

⁴ echi utara tap koracki ki wa nei utara tura no wen-sakayo hopunire shomoki gusu aeoyamokte wa aokaigekarʼan na:

⁵ nei utara anak ne shiknu guru kene rai guru kene koipiski gusu skipini wa an Kamui otta yaieoruskpe nu yara kusu ne na.

⁶ Inambe gusu ne yakun, rai guru anak ne shiknu guru nep koro akoipishi, koroka, ramat otta Kamui korachi shiknu kuni gusu, orota pirika shongo anure nisa ruwe ne.

⁷ Koroka, obitta no okaibe aokere-hi anak ne ehange ruwe ne; tambe gusu, keutum yaieashirikara hine yairamatte wa inonno-itak ki yan: orowa, utashpa

⁸ makangane ara uweomap ki yan; inambe gusu ne yakun, onrap ambe anak ne uwatte no okai katpak

⁹ kamure ruwe ne gusu ne na: oromam shomoki no

¹⁰ uweutashpa ikateonrare yan: echi utara pishno pishno aikrap akore an nei no, Kamui inne no okai irenga gusu pirika no okai ashikkashimare utara korachi,

¹¹ uweutashpa nei ambe gusu yaishieiwangere yan: itak ye guru an chiki, Kamui shongo an korachi yero; yaishieiwangere guru an chiki, Kamui orowa no ako-ropare kiroro an korachi kiro; tambe anak Yesu Kiristo rengap gusu nep ne yakka otta Kamui ako-oripak kuni gusu ne na; nupeki newa kiroro kane shashuishiri wano shashuishiri pakno Shinuma korobe ne. Amen.

¹² Aomap an utara, echi utara tumugeta an abe o koramnukarabe gusu aoyaraoktep echi gusu hetuku an sekoro iteki yainu yan:

¹³ koroka, Kiristo iki ayairamshitnere ambe tura no iki utara echi ne ruwe ne gusu nupetne yan; tambe anak Shinuma koro nupekihi anukara ita ne yakka, poron no ramuritetke wa, echi nupetne gusu ne na.

¹⁴ Echi utara anak ne Kiristo reihei gusu akosakayokara an chiki, echi anunuke ne; inambe gusu ne yakun, nupeki Ramat newa Kamui Ramat anak ne echi kashiketa okai shiri ne gusu ne na.

¹⁵ Koroka, keweuk guru korachi hene, ikka guru korachi hene, wen-buri iki guru korachi hene, moshima guru korope ekottanu guru korachi hene gusu iteki ayairamshitnere kuni ki yan:

¹⁶ koroka, Kiristian gusu nenka ayairamshitnere chiki, iteki yainikoroshma yan; koroka tan reihei an gusu Kamui ramye yan.

¹⁷ Inambe gusu ne yakun, Kamui kora kenru ta akoipishi heashi kuni pakihi anak ne an; aige, hoshiki no un gusu aheashire chiki, Kamui pirika shongo koitak-nu shomoki utara okesehe anak ne nekon a ambe ne kusu ne ya?

¹⁸ Orowa, oupeka guru anak ne hokamba no kashiaobiuki chiki, Kamui shomo kooripak utara newa katpak ki utara nei ita anukarape ne ruwe he

¹⁹ an? Tambe gusu, Kamui irenga gusu ayairamshitnere utara poka pirikap iki wa ikipniukesh moshiri kara Kamui otta koropare yan.