I Korintos 5 - Ashiri Aeuitaknup Iyohaichish Yona 1897

5 Ik.

¹ Echi tumugeta hoiyo an sekorʼambe anu no assuru aashte wa an na; Oya uirup tumta shomo aye pakno an hoiyop ne, echi shiueu anak ue koro michi koro machi koro ambe ne ruwe ne.

² Orowa, tan okaibe iki guru anak ne echi tumuge wano auk kuni ne shomo echi yaituwashkarap a koroka, echi pittarane hine okai.

³ Son no newa, kuani anak ne netobake gusu isam a koroka, ramat gusu an wa, echi tura no okai korachi, tap okaibe ikichi guru koipishi okere ruwe ne;

⁴ chikoro Utarapa ne Yesu kon reihei ankushkeraipo echi utara newa ku kon ramat anak ne chikoro Utarapa ne Yesu koro kiroro tura

⁵ uwekarapa wa Utarapa ne Yesu koro toho ta nei guru kon ramat kashichiobiuki kuni ne koro kam aisamka gusu nei no an guru Satan otta ekoshi yan.

⁶ Echi yaiomonnure ambe anak ne pirikap shomo ne. Pon no an pandane anak ne nei ramne taku shipushkere ambe shomo echi eraman ya?

⁷ Pandane sak no poka echi okai korachi, ashiri takuhu echi akara kuni gusu, nei fushko pandane oashinge yan. Inambe gusu ne yakun, chikoro kamakushbe ne Kiristo ne yakka ayange nisa ruwe ne:

⁸ tambe gusu, nei marapto kiro, fushko pandane koro shomoki, samata, wenbe newa wen-katcham oma pandane ka koro shomoki, koroka, turu-sak an sonep ne pandane sak pan koro hine kiro.

⁹ Iteki hoiyo utara tura no echi ko-okai kuni ne kambi kata ku nuye nisa;

¹⁰ oara tan moshirʼun hoiyo utara tura hene yaikoshipuinere newa niwen no ikichi utara tura hene, potoki ko-ongami utara tura hene iteki ko-okai yan; yakun, moshiri wano echi paye kunip ne ruwe ne na: koroka, tane, iriwak ari aporose guru anak ne hoiyo hene ki,

¹¹ yaikoshipuinere hene ki, potoki ko-ongami hene ki, kosakayokara hene ki, ihoshki hene ki, niwen no ikichi hene ki yakun, iteki shinuma tura no ko-okai kuni ku nuye; ibe gusu poka iteki nei no an guru tura no okai yan.

¹² Soita okai utara koipishi gusu nep irenga ku goro ya? Echi utara anak ne onnaigeta okai utara shomo koipishi ruwe he an?

¹³ Aige, Kamui anak ne soita okai utara koipishi ruwe ne. Echi tumuge wano nei wen guru emaka wa en kore yan.