I Korintos 4 - Ashiri Aeuitaknup Iyohaichish Yona 1897

4 Ik.

¹ Chi utara anak ne Kiristo koro yaishieiwangere utara, Kamui anuinap ashikkashimare utara chi ne kunak ainu un esanniyo yan.

² Teda anak okaibe ashikkashimare guru anak ne ikipniukeshbe ne sekoro anukara kunip ne ruwe ne na.

³ Koroka, echi utara orowa no hene, ainu orowa no hene a en koipishi-hi anak ne shi no koshne ambe ne kuni ku ramu: ruwe un, kuani anak ne yaikota yaikoipishi shomo ku ki na.

⁴ Inambe gusu ne yakun, ani yaikota yaieiyon-nupbap ku nukara shomoki ruwe ne; yakka, tambe gusu kuani aoupekare shomo ne ruwe ne: koroka, en koipishi guru anak ne Utarapa ne ruwe ne.

⁵ Tambe gusu, ipishi ki kuni pakihi etokota, Utarapa ek pakno, iteki koipishi yan, Shinuma ka kunne-i ta anuina wa an okaibe sarare ka ki, samata, keutum oshiketa an yainu-i anukare kusu ne; nei ita anak ne ainu pishno Kamui orowa no ramuaye kusu ne na.

⁶ Orowa, ku iriwak utara ne echi utara gusu itakmaukushte an shirosh ani tap okaibe kuani yaiotta newa Aporros otta ne yakka ku kotukka nisa ruwe ne; chi utara gusu iteki chieshinnuye wa an okaibe kama kuni ne echi eyaihannokkara; samata, nen ne yakka uwe-epeka echi tumugeta iteki an guru gusu pittarane kuni gusu ne na.

⁷ Hunna echi uwe-echutkore ruwe he an? Samata, shomo akore ambe hemanda echi kon ruwe he an? Koroka, akorep ne chiki, hemanda gusu shomo nei ambe ikore an nei no echi yaiomonnure ruwe he an?

⁸ Tane echi aeshik okere, echi oteknu okere, chi utara isam no echi epungine okere ruwe ne: ruwe un, echi tura no chi utara ne yakka epungine gusu echi utara epungine kuni ku kon rusui.

⁹ Inambe gusu ne yakun, araige kuni aesanniyo utara nei no, Kamui auak ne iyotta okese ta Apostoro ne chi utara un are nisa ruwe ne sekoro ku yainu ruwe ne: moshiri gusu ne yakka, hauturumbe gusu ne yakka, utara gusu ne yakka, chi utara anak ne shibai un utara nepkoro ne akan na.

¹⁰ Kiristo rengap gusu chi utara anak ne ramu-isambe chi ne, koroka, echi utara anak ne Kiristo otta wayashnu utara echi ne; chi utara anak ne katchakbe ne koroka, echi utara anak ne okirashnup ne; echi utara aeoripakbe ne, chi utara anak ne a shomo eyaikatunup chi ne ruwe ne.

¹¹ Tane an pakihi pakno poka chi utara ibe-rusui hemhem ki, iku-rusui hemhem ki, atusa hemhem okai, akoshirikik wa okai,

¹² samata, uni sak no okai ruwe ne; monraige wa yaikota koro teke ani ikichi; aiyoitakushi chiki, nunuke ash, aepokba chiki, eyaishiporore ash; iyohaigekara chiki,

¹³ koramkoro ash; tane pakno poka moshiri temmon korachi, obitta no okaibe gusu an turu korachi, a un kara wa an na.

¹⁴ Echi yainikoroshmare kuni gusu tap okaibe shomo ku nuye, koroka, ku goro omap an poho utara pakashnu gusu ne na.

¹⁵ Inambe gusu ne yakun, Kiristo oshiketa ichi man nin ue epakashnu utara echi koro yakka, inne no okai michihi shomo echi kon ruwe ne: Kiristo Yesu oshiketa pirika shongo ani kuani echi shikore nisa ruwe ne gusu ne na.

¹⁶ Tambe gusu, echi en ikoisamba kuni gusu kuani echi onishnishi ash ruwe ne.

¹⁷ Tapan ikkewehe gusu. Utarapa oshiketa an ku omap ikipniukesh poho Timoteos echi orun ku omande nisa ruwe ne; neita ne yakka okai pishno an karisia otta ku epakashnu korachi poka, shinuma anak ne Kiristo oshiketa ku an wa iki buri echi eshkarunde kusu ne.

¹⁸ Echi orun shomo ku ek kusu ne korachi sereke utara pittarane okai ruwe ne gusu ne na.

¹⁹ Koroka, Utarapa ramuoshma chiki, naa pon no shiran ko kuani echi orota ek kushki; aige, nei pittarane utara koro itak shomo ne, koroka, nei kiroro ku eraman kushki na.

²⁰ Inambe gusu ne yakun, Kamui moshiri anak ne itak gusu an ambe shomo ne,

²¹ koroka, kiroro gusu an ambe ne ruwe ne. Nepi echi kon rusui ya? Kuwa ku koro wa echi orun ku ek ambe echi kon rusui hene ya? Ramu-shiroma keutum koro hine omap ki wa ku ek ambe echi kon rusui ruwe he an?