I Korintos 12 - Ashiri Aeuitaknup Iyohaichish Yona 1897

12 Ik.

¹ Iriwak utara, ramat unbe gusu, echi utara eramushkare-i ku kopan.

² Echi utara Oya utara echi ne a rapoketa, echi rengaine atura korachi, shomo itak potoki otta echi atura nisa ruwe ne sekoro echi eraman.

³ Tambe gusu, nen ne yakka Ramat chiitakte gusu Yesu ANATEMA ne sekoro ye guru isama ari an ambe echi nure ash ruwe ne; shui, Ashkanne ramat chiitakte gusu shomoki yakne, — Yesu Utarapa ne sekoro nen ne yakka ye eaikap ruwe ne na.

⁴ Aeikrap anak ne usaine okai koroka, une no an Ramat ne.

⁵ Yaishieiwangere ambe anak ne usaine okai, koroka, une no an Utarapa ne.

⁶ Iki ikip ki kuni-hi anak ne usaine okai, koroka, obitta no okaibe oshiketa nep ne yakka iki Kamui anak, une no an Kamui ne ruwe ne.

⁷ Koroka, utara pishno otta ani aeyaiepirikare kuni gusu Ramat asange wa akoropare nisa ruwe ne.

⁸ Inambe gusu ne yakun, Shinen otta wayashnu itak Ramat ani akore; moshima guru otta une no an Ramat orowa eramush itak akoropare:

⁹ Shinen otta une no an Ramat gusu eishokoro kuni ambe an; moshima guru otta nei shine Ramat iwangere kuni an aeikrap akoropare; Shinen anak ne kiroro un ikip akire;

¹⁰ moshima guru auweingare; orowa shinen anak ne ramat uwandere: moshima guru anak oya moshirʼun itak ani ayere; shui, moshima guru anak ne oya moshirʼun itak itasare;

¹¹ koroka, shine Ramat, une no an ramat rengaine utara otta pishno shinep range obitta tap okaibe eimek ruwe ne na.

¹² Netobake anak ne shinep ne wa inne awehe koro, orowa, netobake koro obitta no okai awehe innep ne wa shine netobake ne korachi; tapne nei no Kiristo ne yakka an ruwe ne.

¹³ Inambe gusu ne yakun, Yudea un guru ne yakka Herenes un guru ne yakka, ausshiunere guru ne yakka, rengaine an guru ne yakka shine Ramat ani chi utara obitta shine netobake otta baptisma akore nisa ruwe ne; aine, shine Ramat aikure nisa ruwe ne.

¹⁴ Inambe gusu ne yakun, netobake anak ne shine awehe patek shomo ne,

¹⁵ koroka innep ne ruwe ne. Chikiri anak ne, Kuani anak teke shomo ku ne gusu netobake unbe shomo ku ne ruwe ne ari itak chiki, tambe gusu, netobake unbe shomo ne ruwe he an?

¹⁶ Shui, kisaraha anak ne, Kuani anak shikihi shomo ku ne gusu netobake unbe shomo ku ne ruwe ne ari itak chiki, tambe gusu, netobake unbe shomo ne ruwe he an?

¹⁷ E koro ramne netobake anak ne shiki patek ne chiki, inu mondum neita an ruwe he an? E koro ramne netobake anak ne inu mondum patek ne chiki hura-nu mondum neita an ruwe he an?

¹⁸ Koroka, Kamui anak ne tane rengaine pishno an awehe nei netobake otta ande nisa ruwe ne.

¹⁹ Aige, nei ambe anak ne ouse shine awehe ne chiki, nei netoba neita an ruwe he an?

²⁰ Koroka, tane chi utara anak ne inne awehe ne a koroka, shine netobake chi ne ruwe ne.

²¹ Orowa, shikihi anak ne teke otta, kuani e erannak ruwe ne ari itak eaikap: shui, sapa anak ne teke otta, kuani e erannak na ari ye eaikap ruwe ne.

²² Ara shomo, koroka, netobake ta okai iyotta kiroro sak awehe anak kasu no okai kunip ne ruwe ne:

²³ orowa, pokashnu aeoripak kuni ari ayainu awehe gusu, nei okaibe kasu no eoripak ruwe ne; aige, anukara kuni ipokashbe chitomtere ruwe ne; koroka, shiretokbe anak chitomtere kunip shomo ne na:

²⁴ Kamui anak ne nei netobake uweunu nisa, aine, eikohayep otta kasu no eoripakte nisa ruwe ne;

²⁵ tambe anak ne netobake otta utumkushbe isam ruwe ne gusu ne na; samata, nei awehe anak ne utashpa uwe-eyam kuni gusu ne ruwe ne.

²⁶ Shui, shine awehe ramushitne yakun, obitta no okai awehe tura no ramushitne ruwe ne; orowa, shine awehe airamye yakun, obitta no okai awehe tura no nupetne ruwe ne.

²⁷ Echi utara anak ne Kiristo kon netobake ne, orowa, okai kuni gusu an ushike kotuk awehe echi ne ruwe ne.

²⁸ Orowa, Kamui anak ne koro karisia oshiketa utara are okere, hoshiki no anak ne Apostoro utara ne, tu-otutanup anak ne uweingara utara ne, re ikinne an ap anak ne epakashnu utara ne, orowa, kiroro unbe okai, orowa, utara iwangere gusu an irenga okai, ikashiube okai, esapane utara okai, usa okai itak kutchama eraman utara okai ruwe ne.

²⁹ Obitta no okai utara anak ne Apostoro utara ne ruwe? Obitta no okai utara anak epakashnu utara ne ruwe?

³⁰ Obitta no okai utara kiroro unbe iki ya? Obitta no okai utara anak ne iwangere kuni irenga koro ya? Obitta no okai utara anak oya moshirʼun itak ani itak ya?

³¹ Obitta no okai utara itak itasare ya? Koroka, shiarikiki no iyotta pase eikra-irenga oshkoro yan. Shui, naa pirika ruhu kuani echi nukare ash na.