I Korintos 11 - Ashiri Aeuitaknup Iyohaichish Yona 1897

11 Ik.

¹ Kuani anak ne Kiristo ikoisamba korachi echi utara ne yakka en ikoisamba yan.

² Echi utara anak ne nep ne yakka an a yakka en eshkarun gusu, samata, otta echi kore ash nei no nei oina echi shikkashima gusu ku iramye ash na.

³ Koroka, pishno an guru koro esapanep anak ne Kiristo ne sekoro echi eraman kuni ku kon rusui; mat-ainu esapanep anak ne okkai ainu ne; Kiristo esapanep anak ne Kamui ne ruwe ne.

⁴ Inan guru ne yakka inonno-itak hene ki uweingara hene ki ita sapa akamure chiki, koro sapa otta shomo yaikatanu ki ruwe ne.

⁵ Koroka, inan mat-ainu ne yakka sapa akamure shomoki no inonno-itak hene ki uweingara hene ki chiki koro sapa otta shomo yaikatanu ki: inambe gusu ne yakun, nei no an wa iki chiki, otop amemke ukorachi ne ruwe ue na.

⁶ Mat-ainu anak ne sapa kamure shomoki yakun, otop aocha yak pirika: koroka, mat-ainu otop aocha hene amemke hene aeyainikoroshma ambe ne chiki, sapa kamure yak pirika ruwe ne.

⁷ Ainu anak ne Kamui noka newa arakuru ne ruwe ne gusu, koro sapa akamure kunip shomo ne ruwe ne: koroka, mat-ainu anak okkai-ainu koro arakuru ne ruwe ne gusu ne na.

⁸ Okkai ainu anak ne mat-ainu orowa no an ap shomo ne;

⁹ koroka, mat-ainu anak ne okkai-ainu orowa no an ap ne: shui, okkai-ainu anak ne mat-ainu gusu akarape shomo ne; koroka, mat ainu anak ne okkai-ainu gusu akan nisa ruwe ne:

¹⁰ tambe gusu, Kamui hauturumbe an gusu, mat-ainu anak ne sapa kashike

¹¹ mondum akore kunip ne ruwe ne. Yakka, Utarapa oshiketa mat-ainu anak ne okkai-ainu sak no an ambe shomo ne, shui, okkai-ainu anak ne mat-ainu sak no an ambe shomo ne ruwe ne.

¹² Inambe gusu ne yakun, mat-ainu anak ne okkai-ainu orowa no an ambe ne korachi, okkai-ainu anak ne mat-ainu ankushkerai an ambe ne; koroka, obitta no okaibe Kamui orowa no an ap ne ruwe ne.

¹³ Echi utara yaitumta esanniyo yan: mat-ainu anak ne sapa akamure shomoki no Kamui otta inonno-itak ki ambe anak pirika ruwe he an?

¹⁴ Okkai-ainu anak ne tanne otop koro yakun, gusu ayainikoshma-hi rengaine echi aeramande shomoki ruwe he an?

¹⁵ Koroka, mat-ainu anak ne tanne otop koro yakun, gusu arakuru ne ruwe ne: inambe gusu ne yakun, shinuma akamure gusu otta akorep ne ruwe ne na.

¹⁶ Koroka, nenka upaukoiki konoburu kuni anukara chiki, chi utara hene Kamui karisia hene nei no an buri shomo kon ruwe ne.

¹⁷ Koroka, tap ambe ani ikashpaotte ku ki wa echi ramye ash shomoki ruwe ne, pirikap gusu shomo ne no wenbe gusu echi uwekarapa mwe ne gusu ne na.

¹⁸ Hoshiki no, karisia otta echi uwekarapa ita, echi tumugeta eukopi an sekoro ku nu: orowa, kuani pon no nei ambe ku eishokon ruwe ne.

¹⁹ Inambe gusu ne yakun, echi tumugeta auwande wa okai utara anukara kuni ne echi tumugeta Kamui orushpe ohoge yainu ambe ne yakka an a ambe ne ruwe ne gusu ne na.

²⁰ Tambe gusu, echi uwekarapa ita, Utarapa onumanibehe aki eaikapbe ne:

²¹ inambe gusu ne yakun, echi ihe gusu yaikota koro kunne-ibe pishno echi e; orowa, Shinen anak ne sambe-chinoiba, moshima guru anak ihoshki ruwe ne gusu ne na.

²² Hemanda? otta echi ibe kuni echi iku kuni chisei echi sak ruwe he an? Samata, Kamui karisia etunne wa nep ka sak utara yainikoroshmare ruwe he an? Echi otta hemanda ku ye kusu ne ya? Tap okaibe gusu echi ramye ash kusu ne ya?

²³ Shomo echi ramye ash na. Inambe gusu ne yakun, echi nure ash okaibe ka Utarapa orowa a en korep ne, — Utarapa ne Yesu anak ne aekoshi anchikara ta pan uk;

²⁴ orowa, yaiiraige ki okere chiki, meshpa, aige, ene itak-hi :— Tambe anak echi utara gusu an ku netobake ne, En eshkarun gusu tap korachi echi ki yan, ani itak.

²⁵ Nei no korachi ibe okere chiki tuki ne yakka koro wa ene itak-hi :— Tan tuki anak ne ashiri aeuitaknup gusu an ku kem ne: hembara ne yakka echi ku ita En eshkarun gusu tambe ki yan, ani itak.

²⁶ Inambe gusu ne yakun, hembara ne yakka tan pan echi ibe henhem ki, tuki echi iku hemhem ki chiki, Utarapa ek pakno Shinuma rai ambe echi assuru ashte ruwe ne gusu ne na.

²⁷ Tambe gusu, nen ne yakka oripak shomoki no nei pan ibe hene ki, Utarapa koro tuki iku hene ki guru anak ne, Utarapa kon netobake newa koro kem gusu katpak ki ruwe ne.

²⁸ Koroka, ainu anak ne yaikota eyaiuwande, orowa no nei pan ibe hemhem ki, nei tuki iku hemhem ki yan.

²⁹ Inambe gusu ne yakun, ibe hemhem ki, iku hemhem ki guru anak ne nei netobake esanniyo shomoki chiki, yaikota gusu akokatpakte an ambe ibe hene ki, iku hene ki ruwe ne gusu ne na.

³⁰ Tap ambe gusu, echi tumugeta okai inne utara turasak wa tashum ki, orowa, mokoro utara shomo moyo ruwe ne.

³¹ Koroka, chi utara anak ne yaikota yaiesanniyo chiki shomo akoipishi ruwe ne.

³² Koroka, akoipishi ita moshiri tura no iteki akokatpakte kuni ne Utarapa orowa no apakashnu ruwe ne.

³³ Tambe gusu, ku iriwak utara, ibe gusu echi uwekarapa ita, uweuntere yan.

³⁴ Echi uwekarapa ambe anak ne iteki akokatpakte an kuni ne sambe-chinoiba guru an chiki koro chisei taibe yan. Shui, moshimap anak ne ku ek ita ku oupekare kusu ne na.