Iyohaichish 98 - Ashiri Aeuitaknup Iyohaichish Yona 1897

98. Iyohaichish.

Shine iyohaichish.

¹ ASHIRI shinotcha ani Ehoba otta shinotcha ki; Aoyamoktep ki nisa ruwe ne gusu ne na: Koro shimon teke, koro Ashkanne amunin ani Shinuma gusu kashiobiuki ambe ki nisa ruwe ne na.

² Ehoba anak ne koro kashiobiuki-i assuru ashte: Koro oupeka-i ingi moshirʼun utara otta nukare nisa ruwe ne.

³ Israeru chisei un utara eshkarun gusu son-i newa erampoken ki ruwe ne: Moshiripa pakno moshirigesh pakno obitta chikoro Kamui kashiobiuki-i nukan nisa ruwe ne na.

⁴ Ingi moshiri obitta Ehoba otta nupetne hau sange yan; Nupetne wa gusu shinotcha ki, ruwe un, Kamui iramye an shinotcha ki yan.

⁵ Koto rekte wa Ehoba otta shinotcha ki hine ramye yan; Koto newa mayun hawe ani shinotcha ki yan.

⁶ Rappa newa fuyetop rekte wa Ehoba ne moshiri shikkashima Kamui tek-samata nupetne hau sange yan.

⁷ Atui newa osbiketa okai aeshikbe humkosanu yan; Moshiri ne yakka, moshiri kata oshiroma okaibe ne yakka humi ashte yan;

⁸ Pesambe tekehe ukokikkik yan; Nupuri nupetne wa Ehoba tek-samata ukoshinotcha ki yan;

⁹ Shinuma anak ne ek wa moshirʼun utara koipishi, Oupeka no moshiri newa utara kane koipishi kusu ne gusu ne na.