Iyohaichish 94 - Ashiri Aeuitaknup Iyohaichish Yona 1897

94. Iyohaichish.

¹ AA ikemnu ki Kamui ne Ehoba, Ikemnu ki kuni Kamui, pekere atte wa en kore.

² Moshiri koipiship, yaihopunire; Pakesara utara otta uk kuni iwai kore yan.

³ Aa Ehoba, wen utara hembara pakno, Hembara pakno wen utara annokara ki?

⁴ Nei utara parorui wa pakesara itak ki: Irarape ikichi utara obitta yaiomonnure ruwe ne.

⁵ Aa Ehoba, nei utara anak ne E koro utara humne no pereke, E koro eikeshkoro utara shirikirapte ruwe ne.

⁶ Nei utara anak ne shiyompiyara shiwentep newa oya guru newa ronnu, Orowa, eshikop-sak utara keweuk ruwe ne.

⁷ Yah shomo nukara kusu ne, Yakob koro Kamui anak ne esanniyo shomoki ruwe ne sekoro itak.

⁸ Utara tumta okai chikoikip-ramkoro utara ramepakari yan? Echi haita utara hembara ta echi wayashnu ne ruwe he an?

⁹ Kisaraha kara Kamui anak ne shomo nu ruwe he an? Shikihi kara Kamui shomo nukara ruwe he an?

¹⁰ Moshiri uirup utara epakashnu Kamui anak ne pakashnu shomoki kusu ne ya? Shinuma anak ne oramushbe ainu otta epakashnu ruwe ne.

¹¹ Ehoba anak ne ainu koro oshkep eraman, Ouse heisepa ne ambe ne ruwe ne gusu ne na.

¹² Aa Yah, Aokai shirikik guru newa, E koro ikashpaotte epakashnu guru anak ne anunuke ne ruwe ne;

¹³ Aokai anak ne wenbe an toho ta, Wen guru gusu shui ahori pakno shinire ruwe ne gusu ne na.

¹⁴ Inambe gusu ne yakun, Ehoba anak ne koro utara shomo emakba, Koro eikeshkoro utara osurupa shomoki kusu ne gusu ne na.

¹⁵ Shui, aesanniyo ambe anak ne oupekap ne aki: Orowa, obitta no okai keutum oupeka utara nei ambe oshkoni kusu ne.

¹⁶ Irarabe ikichi utara epeka no en gusu hopumba guru inan guru ne ya? Wenbe ikichi utara epeka no en gusu roshki guru nen ne ruwe?

¹⁷ Ehoba anak ne en kaobiuki shomoki a yakun, Ku ramat anak ne chashnu no mo no oshiroma ruwe ne na.

¹⁸ Ku chikiri anak ne oshitteshu ruwe ne sekoro ku itak ita, Aa Ehoba, E koro rampoken en nitata nisa ruwe ne.

¹⁹ En oshiketa inne no okai utumashi ambe an ita anak ne E ki omaoma ambe ku ramat nupetnere nisa ruwe ne.

²⁰ Ipawetenge wa irarape kara, Wenbe koro amset E tura no an kusu ne ya?

²¹ Nei utara anak ne oupeka utara kon ramat gusu uwekarapa, Orowa, turu-sak kem akokatpakte ruwe ne.

²² Koroka, Ehoba anak ne ku goro ri chashi ne; Kamui anak ku numne kuni Watara ne ruwe ne.

²³ Orowa, Shinuma anak ne nei utara kashi yaikota koro irarape kash-omare nisa, Aige, yaikota iki wenbe ki rapoketa Shinuma otuye kusu ne; Chikoro Kamui ne Ehoba anak ne nei utara otuye kusu ne na.