Iyohaichish 92 - Ashiri Aeuitaknup Iyohaichish Yona 1897

92. Iyohaichish.

Iyohaichish, Shini toho gusu an shinotcha.

¹ EHOBA koyaiiraige ambe anak ne, Aa Iyotta Rikunbe, E reihei orun iramye an shinotcha ki-hi anak pirika ruwe ne na:

² Kunneiwano E sange omap-an-ramuhauge-hi atte, Kes anchikara ta E koro sonep assuru ashte-hi,

³ Wan ka omap newa arektep ani; Koto newa mayun hawe ani nei no ki-hi anak ne pirika ruwe ne na.

⁴ Aa Ehoba, Aokai anak ne E ki ikip ani en nupetnere nisa: E tekehe iki ikip gusu ku yaiomonnure kusu ne na.

⁵ Aa Ehoba, E ki ikip hemanda poro! E ki ramepakari-hi anak ne shiri ooho ruwe ne.

⁶ Chikoikip nepkoro an ainu anak ne erampeutek; Ramat-sak guru ka tambe eramushkare ruwe ne.

⁷ Wen utara anak ne kina nei no hetukba ita, Irarape ikichi utara obitta shipiraspa ita, Nei utara ramma pakno aisamka kusu ne na:

⁸ Koroka, Aokai, aa Ehoba, ramma pakno ri ushiketa an ruwe ne.

⁹ Aa Ehoba, kerai, E epokba utara, Kerai, e epokba utara aisamka kusu ne; Irarape ikichi utara obitta shitchari kusu ne na.

¹⁰ Koroka, Aokai anak ne niwen beko nei no ku goro kirawe punire nisa: Ashiri shum ani a en kashiaota nisa ruwe ne.

¹¹ En yongororo utara otta aki rusuibe hetuku a-i ku shiki-hi nukan nisa, Hopumba wa en epokba wenbe ikichi utara otta aki rusuibe hetuku a-i ku kisaraha nu nisa ruwe ne.

¹² Oupeka utara anak ne shuro chi kuni nei no shipirasa: Rebanon ta okai kokaku chikuni korachi shukup kusu ne na.

¹³ Ehoba kot chisei ta aetoita utara anak ne Kamui koro tumbu ta shipiraspa kusu ne.

¹⁴ Onne yakka ibehe hetukure; Fukinani an wa pe eshik kusu ne

¹⁵ Tambe anak Ehoba oupeka nep sekoro assuru ashte kuni an ambe ne Shinuma anak ne ku goro watara ne, Shinuma otta oheugep isam ruwe ne na.