Iyohaichish 91 - Ashiri Aeuitaknup Iyohaichish Yona 1897

91. Iyohaichish.

¹ IYOTTA Rikunbe koro anuina ushiketa oshiroma gurʼanak ne Nep ne yakka ki eashkai Kamui sempiriketa an kusu ne.

² Ehoba anak ne ku numne ushike ne, ku goro chashi ne; Otta ku eyaikopashte ku goro Kamui ne sekoro Shinuma gusu ku itak.

³ Chikap koiki guru koro kutek orowa no hemhem, Shui, isamka kuni koturuse tashum orowa no hemhem en ohaitare kusu ne.

⁴ Shinuma anak ne koro tekkup ani e kamure, Shinuma koro tekkup choropoketa Aokai anak ne yainuina kusu ne: Shinuma koro sonep anak ne tamkikhumbe newa kashikewe ambe ne ruwe ne.

⁵ Anchikarata an ashitomap gusu hemhem, Tokap-to ta ahopumbare ai gusu hemhem shomo e koishitoma;

⁶ Shui, kunne an ita apkash koturuse tashum gusu hemhem, To noshiketa ushtekka kuni isamka ambe hemhem shomo e koishitoma kusu ne na.

⁷ E tek-samata ashikne shine wan hotne niu hachiripa, E koro shimon-tek samata wan ashikne shine wan hot hachiripa kusu ne a koroka, E orun nei ambe ehange no ek shomoki kusu ne na.

⁸ Ouse e shikihi ani aokai ingara wa, Wen guru gusu an pummaha nukara kusu ne na.

⁹ Inambe gusu ne yakun, Aa Ehoba, Aokai anak ne ku goro numne ushi E ne! Iyotta Rikun ushike ani E koro oshiroma-i ne kuni E kara;

¹⁰ Aokai epeka wenbe shomo hetuku, E koro kashi orun koturuse tashum shomo ehange no ek kusu ne na.

¹¹ Inambe gusu ne yakun, obitta no okai apkash ruhu otta E ash kuni ne, Shinuma anak ne koro hauturunbe kashpaotte kusu ne.

¹² A koro kemaha iteki shuma eokte kuni ne, Koro teke kata E punire kusu ne na.

¹³ Aokai anak ne shishi newa kinashutunbe kata otereke: Upeure shishi newa okokko kata otettereke kusu ne na.

¹⁴ Shinuma anak ne en omap gusu, tambe gusu kuani ikashiobiuki kusu ne: Shinuma anak ne ku reihei eamkiri gusu, ri ushiketa ku ande kusu ne na.

¹⁵ Shinuma en konishuk, aige, orun ese itak ku ki kusu ne; Yairamhekomo ita kuani shinuma tura no ku an: Kuani shinuma ohaitare wa ko-oripakte kusu ne na.

¹⁶ Ohonno kuani shinuma shiknure wa eramushinnere, Orowa, ku koro kashiobiuki ambe nukare kusu ne na.