Iyohaichish 9 - Ashiri Aeuitaknup Iyohaichish Yona 1897

9. Iyohaichish.

Shinotcha rekte esapane guru otta Mutrabbem gusu, Dabid kara Iyohaichish.

¹ SAMBE osshi pakno Ehoba ku ko-yaiiraige ash na; E koro aeiyokunnure ikip obitta ku assuru ashte kusu ne.

² Kuani Aokai gusu yaikopuntek wa yainuchattek kusu ne; Iyotta rik un Kamui, E reihei gusu iyohaichish ku shinotchaki kusu ne.

³ En epokba utara ahoshippare ita, Aokai an gusu epetchiu wa aisamka kusu ne.

⁴ Inambe gusu ne yakun, Aokai en gusu an kunip, orowa, ku goro orushpe kan nisa ruwe ne gusu ne na; Aokai anak ne amset kata rok wa oupeka esanniyo ki nisa ruwe ne na.

⁵ Aokai oya uirup utara kopashirota, wen utara E isamka nisa, Otusashuishiri pakno ne yakka nei utara kon reihei ushka nisa ruwe ne.

⁶ Epokba ki utara anak ne aokere na, hembara pakno ne yakka nei utara awende ruwe ne; Aokai hokiru machiya reihei anak shomo aeshkarun pakno aisamka nisa ruwe ne.

⁷ Koroka, Ehoba anak ne otusashuishiri pakno ne yakka an: Esanniyo gusu koro amset etokooiki nisa ruwe ne na.

⁸ Shinuma oheuge sak no moshiri koipishi, Oupeka no ingi-moshirʼun utara koipishi kusu ne.

⁹ Samata, Ehoba anak ne aeyairamkoikire utara gusu ri chashi ne; Yairamhekomo an-i gusu ri chashi ne ruwe ne.

¹⁰ Orowa, E reihei eraman utara anak ne Aokai gusu eyaikopashte kusu ne; Inambe gusu ne yakun, Ehoba, Aokai anak ne E hunara utara emakba shomoki kusu ne gusu ne na.

¹¹ Sion kata oshiroma Ehoba otta iyohaichish shinotchaki yan; Shinuma iki ikip moshiri uirup otta nure yan.

¹² Kem hunara guru Shinuma eshkarun, Otek-sak utara ashte hawe oira shomoki ruwe ne.

¹³ Aa Ehoba, pirika irenga sange wa en kore; Bai apa orowa no en puni Kamui; En etunne utara gusu ku ramusarakbe ingara wa en kore,

¹⁴ Yak anak ne, obitta no okai E koro ramye kunip ku assuru ashte: Sion matnepo koro apa otta, E ki kashiobiuki-i gusu ku enupetne kusu ne na.

¹⁵ Moshiri uirup anak ne yaikota kara shui orooshma: Nuina no ande ya otta yaikota koro kema auk nisa ruwe ne.

¹⁶ Ehoba anak ne yaikota yaieamkirire wa esanniyo nisa ruwe ne: Wen utara anak ne yaikota ki ikip ani akoiki ruwe ne. [Haggaion. Sera.]

¹⁷ Wen utara anak ne Sheo otta hoshippa kusu ne, Kamui oira obitta no okai moshiri uirup utara ka nei no ki kusu ne.

¹⁸ Irapokkari utara anak ne ramma pakno aoirap shomo ne kusu ne. Otek-sak utara kon rusuibe hembara pakno ne yakka aisamka shomoki kusu ne na.

¹⁹ Aa Ehoba, hopuni, ainu iteki annokara ki kuni ne kara wa en kore; E shik-samata moshiri uirup utara akoipishire wa en kore.

²⁰ Aa Ehoba, nei utara ishitomare, Moshiri uirup ouse ainu ne kunak eramande wa en kore. [Sera.]