Iyohaichish 89 - Ashiri Aeuitaknup Iyohaichish Yona 1897

89. Iyohaichish.

Ezra un guru ne Etan kava Maskir.

¹ RAMMA pakno Ehoba koro rampoken gusu shinotcha ku ki kusu ne: Otusashuishiri pakno paroho ani E ki ikipniukeshbe ku assuru ashte kusu ne na.

² Inambe gusu ne yakun, ramma pakno rampoken anak ne aashte, E ki ikipniukeshbe shi no kando otta aatte kusu ne na, sekoro ku itak nisa ruwe ne gusu ne na.

³ Ku numge guru tura uitaknup ku kan nisa, Ku uitek guru ne Dabid otta shiyuppa no ku ekambakte nisa ruwe ne;

⁴ Samma pakno koro sanikiri ku ashte, Otusashuishiri pakno e koro amset ku atte kusu ne na. [Sera.]

⁵ Aa Ehoba, kando anak ne E kiroro an ikip ramye kusu ne; E koro ikipniukeshbe ashkanne utara tumugeta areika kusu ne na.

⁶ Inambe gusu ne yakun, kando otta an Ehoba tura ukonukara eashkaibe hunna ruwe? Kiroro an utara koro poho tumugeta Ehoba koheraye guru hunna?

⁷ Kamui anak ne ashkanne utara ukoramkor-i ta shi no ashitomap ne, Shinuma okari ta obitta no okai utara orowa no akoishitoma ruwe ne.

⁸ Aa inne topaha koro Kamui ne Ehoba, Aa Yah, Aokai nepkoro kiroro korope hunna ruwe he an? E koro ikipniukeshi-i anak ne E okari ta an ruwe ne.

⁹ Aokai anak ne atui pakesara ambe epungine, Koro riri hopumba yak ne, E more ruwe ne na.

¹⁰ Aokai anak ne araige guru nei no Rahab humne no pereke nisa; Koro okirashnu teke ani E epokba utara shitchari nisa ruwe ne na.

¹¹ Kando E korobe ne, toitoi ne yakka E korobe ne ruwe ne: Aokai anak ne moshiri newa ani aeshikbe ashte nisa ruwe ne.

¹² Arutoro newa pikata anak E karape ne: Tabor newa Hermon anak ne E reihei enupetne.

¹³ Aokai anak ne okirashnu amunin koro E koro teke anak ne kiroro-ashnu, E koro shimon teke ri ambe ne ruwe ne.

¹⁴ E koro amset asamaha anak ne oupekap ne aesanniyo ambe ne: Rampoken newa sonep anak ne E nanuhu kotchaketa paye ruwe ne.

¹⁵ Nei nupetne hawe eraman utara anunuke ne: Aa Ehoba, nei utara anak ne E koro nanuhu pekere ta apkash ruwe ne.

¹⁶ Ramne to nei utara anak ne E reihei enupetne: Orowa, E koro oupeka ambe gusu ariknare ruwe ne.

¹⁷ Aokai anak ne nei utara koro kiroro nupeki E ne: Orowa, E koro irenga gusu chikoro kirawe ariknare kusu ne.

¹⁸ Chikoro tam-kikhumbe anak ne Ehoba korope ne; Orowa, chikoro esapane guru Israeru koro Ashkannep korope ne ruwe ne gusu ne na.

¹⁹ Nei ita anak ne Aokai anukarape ani E koro Ashkanne guru otta itak nisa, Ene E ye-hi:— Kiroroashnu guru kashita kashiobiuki-hi ku ande nisa; Utara orowa no an guru ku riknare nisa ruwe ne.

²⁰ Ku goro uitek guru ne Dabid ku pa; Ku goro Ashkanne shum ani Shinuma ku kashiota nisa ruwe ne:

²¹ Shinuma tura ku teke aashte kusu ne; Ku amunin ne yakka shinuma tumashnure kusu ne na.

²² Epokba guru anak ne shomo shinuma otta niwen no iki; Shui, oheuge-buri koro poho anak ne shomo Shinuma shirikirapte kusu ne na.

²³ Shinuma kotchaketa yairamhekomore utara ku hachire, Orowa, shinuma etunne utara ku shirikik kusu ne na.

²⁴ Koroka, ku sonep newa rampoken anak ne shinuma tura no an; Orowa, ku reihei gusu shinuma koro kirawe ariknare kusu ne na.

²⁵ Shinuma koro teke atui kata ku ande, Koro shimon teke pet kata ku ande kusu ne.

²⁶ En orun shinuma ene hawe okai kusu ne-hi;— Aokai anak ne ku michi ne, Ku Kamui ne, en kashiobiuki kuni Watara ne ruwe ne.

²⁷ Shui, shinuma ari ku kiyanne guru ne kuni ku kara kusu ne, Moshiri shikkasbima utara kasu no ku pasere kusu ne na.

²⁸ Samma pakno Shinuma gusu rampokiwen wa ku kore kusu ne, Orowa, ku ki uitaknup Shinuma gusu aatte kusu ne na.

²⁹ Shinuma koro santek otusashuishiri pakno an kuni ku kara, Shinuma amset anak ne kando toho nei no an kusu ne na.

³⁰ Shinuma koro poho utara ku ashte tuitak emaka wa Ku esanniyop otta apkash shomoki yak ne;

³¹ Shui, ku ki ipawetenge otereke wa Ku sange ikashpaotte shikkashima shomoki chiki:

³² Yakun, kuwa ani nei ohaitap ku pakashnu, Shirikikbe ani koro wen-buri pakashnu kusu ne na.

³³ Koroka, ku koro rampoken obitta nei guru orowa no ku kouk shomoki, Orowa, ku sonep anak ne isam shomoki kusu ne na.

³⁴ Ku ki uitaknup ku ehaita shomoki Orowa, ku paro wano oashin itak itasare shomoki kusu ne na.

³⁵ Ku ashkanne ambe ani shinepe shiyuppa no ku ekambakte nisa; Dabid orota shunge ku ye shomoki kusu ne;

³⁶ Shinuma koro san-ikiri otusashuishiri pakno an, Tokap chup korachi shinuma amset en kotchaketa an kusu ne na.

³⁷ Kunne chup nei no otusashuishiri pakno aatte, Ikipniukesh paweteshu ki guru nei no kando otta an ruwe ne kusu ne na. [Sera.]

³⁸ Koroka, Aokai anak ne emaka wa osura nisa, E koro kashiaota guru koirushka nisa ruwe ne.

³⁹ Aokai anak ne E koro uitek guru koro uitaknup etunne: Toitoi pakno shinuma koro sapa-umbe akoatcha nisa ruwe ne.

⁴⁰ Obitta no okai shinuma koro ankura Aokai hokushte nisa; Shinuma koro okirashnu chashi wende nisa ruwe ne.

⁴¹ Nei ru kari paye obitta no okai utara shinuma wende: Aota un utara gusu aeyainikoroshmap ne nisa.

⁴² Aokai anak ne shinuma epokba utara koro shimon teke riknare nisa, Obitta no okai Shinuma epokba utara nupetnere nisa ruwe ne na.

⁴³ Ruwe newa, shinuma koro rangetam ibehe chawaugere, Tumi an ita shomo shinuma rametokte nisa ruwe ne.

⁴⁴ Aokai anak ne shinuma koro nupeki-hi ushka, Orowa, shiri kata shinuma amset hokushte nisa ruwe ne na.

⁴⁵ Shinuma shukup tuika Aokai taknere nisa: Yainikoroshmap ani shinuma kamure nisa ruwe ne. [Sera.]

⁴⁶ Aa Ehoba, hembara pakno, ramma pakno E yainuina kusu ne ya? Abe korachi E koro kinrakarape paraparase ruwe he an?

⁴⁷ Aa, ku an kuni pakihi anak ne hemanda takne ya kuni eshkarun wa en kore: Nep raka isambe gusu Aokai anak ne obitta no okai ainu poho utara kara ya?

⁴⁸ Shiknu wa shomo rai kuni guru nen ne ruwe he an? Shio teke wano kon ramat ohaitare guru anak ne inan guru ne ya? [Sera.]

⁴⁹ Aa Utarapa, sonep E ki wa Dabid otta shiyuppa no ekambakte Etoko an E koro rampoken hunakta an ruwe he an?

⁵⁰ Aa Utarapa, e koro uitek utara ayainikoroshmare ambe eshkarun; Inne no okai uirup korope ku upshorota an a-hi sekoro eshkarun wa en kore;

⁵¹ Aa Ehoba, nei ambe ani E epokba utara aeyainikoroshmarere, Nei ambe ani nei utara anak ne E koro kashiaotap yainikoroshmare nisa ruwe ne.

⁵² Ramma pakno Ehoba anak ne anunuke ne. Amen, shui, Amen.