Iyohaichish 86 - Ashiri Aeuitaknup Iyohaichish Yona 1897

86. Iyohaichish.

Dabid ki inonno-itak.

¹ AA Ehoba en orun kisara atte wa nu wa en kore; Otek-sak newa irapokkari ku ne ruwe ne gusu ne na.

² Ku kon ramat koshiratki wa en kore; Kamui ku kooripak ruwe ne gusu ne na: Aa ku goro Kamui, Aokai orun eyaikopashte uitek guru kashiobiuki wa en kore.

³ Aa Utarapa, en erampokiwen wa en kore; Ramne-to E orun hawe ku koashte ruwe ne gusu ne na.

⁴ E koro uitek guru kon ramat nupetnere wa en kore; Aa Utarapa, E orun ku ramat ku punire ruwe ne gusu ne na.

⁵ Aa Utarapa, Aokai anak ne pirika wa honnere rusui, Samata, E orun konishuk obitta no okai utara otta nuye an no rampoken sange Kamui E ne ruwe ne gusu ne na.

⁶ Aa Ehoba, ku ki inonno-itak nu wa en kore; Ku koramkoro hawe orun ikokanu wa en kore,

⁷ Yairamhekomo toho ta E orun ku konishuk ash na; Aokai nu ruwe ne kusu ne gusu ne na.

⁸ Aa Utarapa, Kamui tumta Aokai korachi an ambe isam, Shui, E ki ikip korachi an ikip isam ruwe ne.

⁹ Aa Utarapa, Aokai kara obitta no okai moshiri uirup anak ne araki wa E ko-ongami kusu ne; Aige, E kon reihei koiramye kusu ne na.

¹⁰ Aokai anak ne pase Kamui ne, iyokunnure ambe iki: Aokai patek Kamui ne ruwe ne.

¹¹ Aa Ehoba en orun E kon ruhu epakashnu wa en kore; yakun, E koro sonep otta ku apkash kusu ne na: E kon reihei ku ko-oripak kuni ne ka goro keutum atte wa en kore.

¹² Aa Utarapa ne ku goro Kamui, ramne keutum ani E koiramye ash kusu ne; Orowa, ramma pakno E kon reihei ku pasere ash kusu ne na.

¹³ E en kore E koro rampoken porope ne; Iyotta rata an pokna ushike wano ku kon ramat Aokai etaye nisa ruwe ne.

¹⁴ Aa Kamui, pakesara utara hopumba wa en keshke, Niwen utara koro uwekari anak ne ku kon ramat hunara, Koro shik-samata Kamui atte shomoki nisa ruwe ne.

¹⁵ Koroka Aokai, Aa Utarapa, chishikiraine ani eshik wa irenga sange, Irushka moire wa rampokiwen newa sonep nuye an no kon ruwe ne.

¹⁶ Aa, en orun koingara wa pirika irenga sange wa en kore, E koro uitek guru tumashnure, E koro uitek-mat koro poho kashiobiuki wa en kore.

¹⁷ Pirikap gusu an shirosh en nukare bine, En etunne utara nei ambe nukara wa ayainikorosh-mare, Aa Ehoba, Aokai en kaobiuki wa en omaoma nisa ruwe ne gusu ne na.