Iyohaichish 85 - Ashiri Aeuitaknup Iyohaichish Yona 1897

85. Iyohaichish.

Shinotcha esapane guru gusu. Kora poho kara iyohaichish.

¹ Ehoba, Aokai anak ne E koro moshiri otta pirika irenga sange nisa: Teke-apashte wa okai Yakob E hoshippare nisa ruwe ne.

² E koro utara koro wen-buri tusare, Obitta no okai koro katpak kamure nisa ruwe ne. [Sera.]

³ E ki irushka ambe isamka, E ki kinrakara niwenbe shishire nisa ruwe ne.

⁴ Aa un kashiobiuki Kamui, un orun hosari hine, Un gusu an kinrakarabe isamka wa un kore.

⁵ Ramma pakno Aokai un koirushka ya? Obitta no okai ainu ikiri pakno irushka ruwe be an?

⁶ E koro utara Aokai enupetne kuni gusu, Kanna-shui un shiknure shomoki ya?

⁷ Aa Ehoba, E koro rampoken sange wa. Un kashiobiuki wa un kore.

⁸ Ehoba ne Kamui hemanda ye kusu ne ya sekoro ku nu kusu ne: Koro ashkanne utara otta, koro utara otta, itomo ye kusu ne gusu ne na: Koroka, iteki raka-sakbe otta ihoshipi yan.

⁹ Son no un Shinuma kashiobiuki-hi anak ne Shinuma ko-ishitoma utara ehange no an na; Chikoro moshiri ta nupeki oshiroma kuni gusu ne na.

¹⁰ Rampoken newa sonep anak ne uwetunangara nisa; Oupeka-hi newa itomo anak ne utashpa chopchopse kan nisa.

¹¹ Sonep anak ne toi wano hetuku; Oupeka-i anak ne kando orowa no herashi ingan nisa.

¹² Ruwe newa, Ehoba anak ne pirika okaibe koropare kusu ne; Chikoro moshiri ibehe sange kusu ne na.

¹³ Oupeka-hi anak ne Shinuma kotchaot paye wa Koro kemaha gusu ruhu kara kusu ne na.