Iyohaichish 81 - Ashiri Aeuitaknup Iyohaichish Yona 1897

81. Iyohaichish.

Shinotcha esapane guru gusu: Gittit otta; Asap kara iyohaichish.

¹ CHIKORO okirashnu Kamui otta rui no haukore kunitara yan: Yakob koro Kamui otta ehaukashu yan.

² Iyohaichish koro, tsuzumi kikkik, Shisak hawe an koto newa so newa koro wa ek yan.

³ Ashiri chup an ita rappa rekte, Chup poro ita, aeoripak an marapto an ita rekte yan.

⁴ Nei ambe anak ne Israeru un utara gusu tuitak ne, Yakob koro Kamui ekambakbe ne ruwe ne gusu ne na.

⁵ Paweteshu gusu Shinuma anak ne Yosep orota nei ambe sange; Shinuma Echipt moshiri orota arapa wa, Ku erampeutek itak ku nu nisa ruwe ne.

⁶ Shikehe wano shinuma koro tapsutu ku ohaitare: Koro tekehe saranip wano epittekka nisa ruwe ne.

⁷ Yairamhekomo ita anak ne aokai hawe ash nisa, aige, e honnere ku ki; Kamui-hum nuina no an ushiketa ese ku ki nisa; Meriba wakka samaketa e shiruwande ku ki nisa ruwe ne na. [Sera.]

⁸ Aa ku goro utara nu yan, yakun echi orun paweteshu ku ki kusu ne; Aa Israeru un utara en orun echi inu chiki humi!

⁹ Echi utara otta oya Kamui isam kusu ne; Shui, echi utara anak ne oya Kamui shomo ko-ongami kusu ne na.

¹⁰ Echipt moshiri orowa no echi tura, Echi koro Ehoba Kamui Ku ne: Echi koro paroho rui no hasa yan, yakun eshikte ku ki kusu ne na.

¹¹ Koroka, Ku goro utara anak ne ku hawe otta shomo ikokanu; Israeru anak ne En kopan ruwe ne.

¹² Tambe gusu, yaikota koro ukoramkor-i nei no apkash kuni ne, Koro shioyapkire sambe an korachi akire nisa ruwe ne.

¹³ Aa ku goro utara En orun ikokanu humi! Aa Israeru un utara ku ruhu otta apkash humi!

¹⁴ Yakun, tunashino nei epokba utara annokara ku ki wa, Ikeshke utara panakte kusu ne na.

¹⁵ Ehoba etunne utara anak ne Shinuma orun itaknu ki kusu ne: Yakun, otusashuishiri pakno okai kusu ne na.

¹⁶ Orowa, Shinuma anak ne mungi pirikap ani nei utara ibere: Shui, kuani Watara orowa an soyai-ninge ani e eramushinnere ash kusu ne na.