Iyohaichish 8 - Ashiri Aeuitaknup Iyohaichish Yona 1897

8. Iyohaichish.

Shinotcha rekte esapane guru otta Gittet gusu, Dabid kara Iyohaichish.

¹ AA Ehoba, chikoro Utarapa, Ingi-moshirʼotta E kon reihei anak nep nupurupe ne humi! Koro chitomtep kando shokurukata E ashte nisa ruwe ne na.

² E ramushitnere utara gusu hemhem, Samata, epokba guru newa ikemnu guru hemhem amore kuni gusu, Aokai anak ne aiai newa tonon utara paroho wano kiroro ashte nisa ruwe ne.

³ E koro ashikipet ani akara kando ku nukara, aige, Aokai are kunne-chup hene nochiu hene aesanniyo chiki;

⁴ Aokai orowa no aeshkarun kuni gusu ainu anak nekon a ambe ne ya? Otta Aokai arapa kuni gusu ainu poho nekon a ambe ne ruwe he an?

⁵ Aokai ouse pon no patek Kamui kasu no shinuma pokashnure, Aige, araguru newa nupeki ani sapa unure ruwe ne.

⁶ E teke ani akarape nei guru esapanere, Nep ne yakka shinuma kema pokta E are nisa ruwe ne.

⁷ Obitta no okai hitsuji newa beko, Shui, kim un chikoikip;

⁸ Rik peka oman chikap, atui un chep, Samata, nep ne yakka rep iworʼotta kushbe ne yakka Shinuma koro kema pokta E are nisa ruwe ne na.

⁹ Aa Ehoba, chikoro Utarapa, Ingi-moshirʼotta E kon reihei anak nep nupurupe ne humi!