Iyohaichish 78 - Ashiri Aeuitaknup Iyohaichish Yona 1897

78. Iyohaichish.

Asap kara Maskir.

¹ AA ku goro utara, ku epakashnu ambe inu yan: Ku paro orowa no san itak otta kisara atte yan.

² Paro ku maka wa itak-maukushte itak ku sange kusu ne; Fushkotoita kunne okaibe ku itak kusu ne:

³ Nei okaibe chi nu wa chi eraman, Chikoro ekashi utara anak ne nei ambe un nure nisa ruwe ne.

⁴ Koro poho utara otta shomo nei ambe chi nuina, Ek kusu ne ikiri orota Ehoba ramye ambe nure, Shinuma koro kiroro newa iki ikip nure kusu ne na.

⁵ Shinuma anak ne Yakob orota paweteshu ki, Israeru otta tuitak atte, Nei ambe anak ne chikoro ekashi kashpaotte wa, Koro poho utara otta nure kuni gusu an ambe ne.

⁶ Tambe anak ne ek kusu ne ainu ikiri okaketa ashikore poho utara eraman kuni gusu an ambe ne; Nei utara hopuni wa koro poho otta nure kuni gusu ne na:

⁷ Nei utara Kamui echipachipa hine, Kamui iki ikip shomo oira, Koroka, Shinuma koro ikashpaotte shikkashima kuni gusu an ambe ne:

⁸ Orowa, koro ekashi nei no Itakkashi newa okbare utara shomo ne; Keutum etoko-oiki shomoki ikiri, Kon ramat Kamui teksamata utumashire utara shomo ne kuni an ambe ne.

⁹ Epraim koro poho utara anak ne eshipopkep koro wa ku ani wa okai, awa, Tumi an toho ta hoshippa nisa ruwe ne.

¹⁰ Nei utara anak ne Kamui uitaknup shomo shikkashima, Shinuma koro tuitak otta apkash kuni kopan nisa ruwe ne;

¹¹ Shinuma iki ambe oira, Otta anukare Shinuma iyokunnure ikip oira nisa ruwe ne.

¹² Nei utara koro ekashi shik-samata Shinuma anak ne iyokunnure ambe ki, Echipt moshiri newa Zoan nup otta aki nisa ruwe ne.

¹³ Shinuma atui pereba wa nei utara kushte nisa; Epunipushbe nei no wakka ashte nisa.

¹⁴ Shui, tokap-to ta nishkuru ari nei utara ani, Orowa, ramne anchikarata abe nipek ari ani nisa ruwe ne.

¹⁵ Nup otta Shinuma watara pereba, Orowa, ooho-i orowa no korachi nuye an no wakka koropare nisa ruwe ne.

¹⁶ Watara wano nai hetukure, Pet korachi wakka sange nisa ruwe ne.

¹⁷ Yakka, nei utara anak ne Shinuma epeka no chikokatpak an, Nup otta Iyotta Rikunbe epeka no okbare nisa ruwe ne.

¹⁸ Orowa, ibeporore ki hine kam koramkoro gusu, Koro keutum ta Kamui koramnukan nisa ruwe ne.

¹⁹ Ruwe un, nei utara anak ne Kamui ohaigekara; Kamui anak ne nup otta aep etokooiki eashkai ya? ari itak.

²⁰ Ingarʼan, Shinuma watara shirikik,, awa, wakka hetuku nisa, Nai anak ne ika nisa ruwe ne; Shinuma anak ne aep ne yakka koropare eashkai ya? Koro utara gusu kam etoko-oiki kusu ne ya?

²¹ Tambe gusu, Ehoba nu wa irushka: Yakob epeka no abe aare, Israeru epeka no irushka ambe ne yakka hetuku nisa ruwe ne;

²² Nei utara anak ne Kamui eishokoro shomoki, Shinuma koro kashiobiuki-hi shomo eyaikopashte nisa ruwe ne gusu ne na.

²³ Yakka, Shinuma anak ne rikta an nishoro kashpaotte wa, Kando apa maka nisa ruwe ne.

²⁴ Ibe gusu manna rapte wa, Kando wano amam koropare nisa ruwe ne.

²⁵ Obitta no okai utara anak ne kiroro-unbe koro aep ibe nisa: Akiroro pakno aep koropare nisa ruwe ne.

²⁶ Kando ta ochupka un rera ashte, Orowa, koro kiroro ani pikata rera honoyere nisa ruwe ne.

²⁷ Koponchi nei no nei utara kata kam ashte nisa, Atuisam ota korachi tekkup-ush chikap atte nisa ruwe ne:

²⁸ Aige, nei utara reushi kuni kash an ushiketa, Koro oshiroma ushike okari ashte nisa ruwe ne.

²⁹ Tambe gusu, nei utara ibe wa akironnure; Awa, Shinuma anak nei utara ibeporore wa kon rusui korachi kore nisa ruwe ne.

³⁰ Nei utara koro ibeporore ambe naa isam etokota, Kam anak ne koro paroho otta an rapoketa,

³¹ Nei utara epeka no Kamui irushka wa, Iyotta mimush utara ronnu, Israeru un upen utara ronnu nisa ruwe ne.

³² Yakka nei utara naa katpak ki, Aige, Shinuma iki iyokunnure ambe shomo eishokon nisa ruwe ne.

³³ Tambe gusu, raka isam no Shinuma anak ne nei utara koro toho isamka, Ishitomare wa nei paha isamka nisa ruwe ne.

³⁴ Shinuma anak ne nei utara ronnu ita aepishi, aige: Hoshippawa earikinne Shinuma hunara nisa ruwe ne.

³⁵ Orowa, Kamui anak ne koro Watara ne sekoro nei utara eshikarun, Iyotta Rikun Kamui anak ne nei utara gusu an kikirayep ne sekoro eshikarun nisa ruwe ne.

³⁶ Koroka, paroho ani Shinuma panore, Parumbe ani Shinuma orun shunge ki nisa ruwe ne.

³⁷ Shinuma epeka no koro keutum autumashire, Shinuma koro uitaknup gusu son no ambe ki shomoki nisa ruwe ne.

³⁸ Koroka, Shinuma anak ne rampokiwen ani eshik gusu, koro wen-buri tusare hine shomo ushtekka: Ruwe un, kanna kanna Shinuma anak ne koro kinra-karape shishire wa Koro irushka-hi shomo atte nisa ruwe ne.

³⁹ Aige, nei utara anak ne ouse kam ne sekoro Shinuma eshkarun nisa; Paye wa shomo kanna ek rera korachi ne ruwe ne, sekoro eshkarun nisa ruwe ne.

⁴⁰ Hempak shui nup otta Shinuma eokbare humi! Hempak shui nitai-sak ushiketa Shinuma oknatare humi!

⁴¹ Orowa, nei utara hosari wa Kamui koramnukara, Israeru un utara koro Ashkannep irushkare nisa ruwe ne.

⁴² Nei utara anak ne Shinuma koro teke shomo eshkarun nisa, Orowa, epokbap orowa no kikiraye toho shomo eshkarun nisa ruwe ne.

⁴³ Echipt moshirʼotta Shinuma atte shirosh, Zoan nup otta Shinuma iki iyokunnure ambe shomo eshkarun;

⁴⁴ Shinuma anak ne nei utara koro pet ani kem ne itasare nisa, Nai ne yakka nei no aki gusu iku eaikap nisa ruwe ne.

⁴⁵ Shinuma mosh topaha sange wa nei utara aibe; Otereke-ibe sange wa nei utara isamka nisa ruwe ne.

⁴⁶ Shui, nei utara gusu an toi orumbe ikombap otta koropare, Koro iki ikip patta otta koropare nisa ruwe ne.

⁴⁷ Kaukau ani koro hat pungara shumumgere, Poro kaukau ani sikar chikuni isamka nisa ruwe ne.

⁴⁸ Kaukau otta koro chikoikip koropare nisa, Seisek onishboso otta koro chikoikip topa koropare nisa ruwe ne.

⁴⁹ Nei utara kashiketa Shinuma anak ne koro irushka niwenbe omare nisa, Irushka ambe hene, kinrakarape hene, yairamhekomo ambe hene, Wen auitekbe kashi-omare nisa ruwe ne.

⁵⁰ Koro irushka-hi gusu Shinuma anak ne ruhu kan nisa; Rai-hi orowa no nei utara kon ramat shomo ohaitare nisa, Koroka, koturuse tashum otta koro inotu koropare nisa ruwe ne;

⁵¹ Orowa, Echipt moshirʼun utara koro kiyanne utara shirikik, Ham koro kash otta okai iyotta kiroroashnup shirikik gusu:

⁵² Koroka, hitsuji chikoikip ani korachi Shinuma anak ne yaikota koro utara ani, Awa, chikoikip topaha nei no nup otta ru epakashnu nisa ruwe ne.

⁵³ Orowa, aerannakbe isam no nei utara tura guru ishitoma shomoki nisa: Koroka, atui anak ne nei epokba utara kamure nisa ruwe ne.

⁵⁴ Aige, Shinuma koro Ashkanne kotan pakno, Koro, shimontek ani ehok tan nupuri pakno tura nisa ruwe ne.

⁵⁵ Orowa, nei utara kotchake wano moshiri uirup okeuba wa, Aeikeshkorobe ne kuni gusu rue korachi koropare, Samata, koro kash otta Israeru un ikiri utara oshio-mare nisa ruwe ne.

⁵⁶ Yakka, Iyotta Rikun Kamui epeka no okbare wa koramnukara ki, Aige, Shinuma koro ekambaktep shomo shikkashima nisa ruwe ne;

⁵⁷ Koroka, hosari wa koro ekashi nei no oheugep ki, Nei utara anak ne wen ku nei no henoye nisa ruwe ne.

⁵⁸ Koro ri ushike ani Shinuma irushkare, Akara potoki ani Shinuma ikoitupare nisa ruwe ne gusu ne na.

⁵⁹ Kamui tap ambe nu chiki irushka, Shi no Israeru un utara etunne nisa ruwe ne:

⁶⁰ Tambe gusu, Shinuma anak ne Shiro un kash emaka, Utara tumugeta aande kash emaka nisa;

⁶¹ Orowa, koro kiroroashnu utara teke apashtere, Koro nupeki epokba utara koro teke otta koropare nisa ruwe ne.

⁶² Samata, emush orota koro utara koropare; Aige, koro eikeshkoro utara koirushka nisa ruwe ne.

⁶³ Ahe anak ne nei utara koro upen utara isamka; Orowa, koro upen matne utara gusu shuke iwai gusu an shinotcha isam ruwe ne.

⁶⁴ Koro Kamui otta yaishieiwangere utara anak ne emush gusu hachiripa; Awa, koro shiyompiyara shiwentep rai-chish ambe shomo ki nisa ruwe ne.

⁶⁵ Nei a orota Utarapa anak ne mokoro orowa no korachi mosh, Tonoto gusu ehaukashu okirashnu guru nei no an nisa ruwe ne.

⁶⁶ Orowa, shinuma hetopo nei epokba utara shirikik, Ramma pakno yainikoroshmare nisa ruwe ne.

⁶⁷ Orowa, Yosep koro kash emaka, Eparim ikiri shomo numge,

⁶⁸ Koroka, Yuda ikiri numge, Shinuma omap Zion nupuri numge nisa ruwe ne.

⁶⁹ Orowa, ri ushike nei koro ashkanne ushike kara, Ramma pakno ashte moshiri korachi ne.

⁷⁰ Shui, koro uitek guru ne Dabid numge wa, Hitsuji chikoikip topaha orowa no shinuma uk nisa:

⁷¹ To-nonde matne hitsuji chikoikip oshi wano tura, Aige, koro utara ne Yakob newa koro eikeshkoro utara ne Israeru utara ibere kuni ne tura nisa ruwe ne.

⁷² Tambe gusu, shinuma anak ne koro keutum oupeka ambe nei no nei utara ibere; Koro teke eashkaibe nei no epakashnu nisa ruwe ne na.