Iyohaichish 76 - Ashiri Aeuitaknup Iyohaichish Yona 1897

76. Iyohaichish.

Shinotcha esapane guru gusu; ka oma arektep. Asap kara iyohaichish, shinotcha.

¹ YUDA orota Kamui reihei aeamkire na. Israeru orota Shinuma kon reihei pase ruwe ne.

² Shinuma koro kash anak ne Sarem ta an, Shinuma koro oshiroma-i anak Zion ta an ruwe ne.

³ Toada shinuma ku gusu an ai kaye, Tani kik-humbe newa rangetam newa tumi newa kaye nisa ruwe ne. [Sera.]

⁴ Ae kuni chikoikip nupuri wano Aokai anak ne chitomte newa pirika ruwe ne.

⁵ Keutum tumashnu utara anak ne awende hine mokoro wa mokon nisa ruwe ne; Orowa, rametok koro utara anak ne koro tekehe shomo pa ruwe ne.

⁶ Aa Yakob koro Kamui, Aokai kopao gusu, Nishinda newa umma kane amokon-noyere ruwe ne.

⁷ Aokai, Aokai poka, koishitoma kunip ne: Orowa, Aokai irushka chiki E kotchaketa ash eashkai guru inan guru ne ya?

⁸ Kando wano E ki koipishi itak anure nisa; Toitoi ishitoma wa mo no an nisa ruwe ne:

⁹ Kamui anak ne esanniyo ki kuni gusu, Moshiri kata okai ramu-rotcha utara kashiobiuki gusu hopuni ita ene ani ne ruwe ne.

¹⁰ Ainu kinrakarabe anak ne E koiramye kunip ne, Kinrakarabe ikashimap ani Aokai anak ne yaikut kon ruwe ne.

¹¹ Uitaknup ki yan, orowa, Ehoba ne e koro Kamui gusu nei no kara yan: Aeishitoma kunip okari ta obitta no okai utara anak ne Shinuma orota ekoimokokorobe koro wa araki yan.

¹² Shinuma anak ne Esapane utara koro poho kon ramat otuye ruwe ne: Moshiri shikkashima utara orowa no aeishitomap ne ruwe ne.