Iyohaichish 74 - Ashiri Aeuitaknup Iyohaichish Yona 1897

74. Iyohaichish.

Asap kara Maskir.

¹ AA Kamui, hemanda gusu ramma pakno un emakba ya? Hemanda gusu E koro mimdara un hitsuji chikoikip orun E ki irushka ambe shupuya at ya?

² Fushkotoita E hok uwekari utara, E koro aeikeshkoro kuni ikiri ne gusu an E kikiraye utara eshkarun; Samata, Aokai oshiroma nisa Zion nupuri eshkarun wa en kore.

³ Ramma pakno an akokiru ushi orun E kot chikiri puni wa en kore! Epokba guru anak ne Ashkanne ushiketa wentoi-kantoi kokiru nisa ruwe ne.

⁴ E eramshitnere utara anak ne E koro uwekari ta orokeweuse; Shirosh ne gusu koro inushuyep roshki nisa ruwe ne na.

⁵ Nitai epeka mukarushi punire Nei no okai utara noine an.

⁶ Awa, tane kanatuchi newa mukarushi ani Ukoiram no nei inuye ambe obitta pereke ruwe ne.

⁷ E koro Ashkanne ushike uhuyeka nisa; E kon reihei oshiroma i toi pakno koatcha nisa ruwe ne.

⁸ Koro keutum ta — Earikinne nei okaibe wende anro — sekoro itak: Moshirʼotta okai uwekarapa chisei obitta uhuyeka wa isamka nisa ruwe ne na.

⁹ Chikoro shirosh shomo chi nukara: Tane uweingara guru isam ruwe ne; Shui, hembara pakno ne ya sekoro eraman guru un tumugeta isam ruwe ne.

¹⁰ Aa Kamui, hembara pakno epokba guru esapse ya? Ramma pakno epokba guru anak ne E kon reihei koatcha kusu ne ya?

¹¹ Hemanda gusu E tekehe, E shimon tekehe poka, Aokai yoni ya? E koro upshoro wano nei ambe etaye hine nei utara isamka wa un kore.

¹² Yakka, fushko wano Kamui anak ne ku moshiri Shikkashima guru ne, Moshiri noshiketa kashiobiuki ambe iki ruwe ne.

¹³ Aokai anak ne E koro kiroro ani atui usaraye: Atui un poro chikoikip koro sapaha pereka nisa ruwe ne.

¹⁴ Aokai anak ne Rapiatan koro sapaha humne no pereke. Nup ta oshiroma utara koro aep ne gusu koropare nisa ruwe ne.

¹⁵ Aokai anak ne wakka purupuruge i newa pesambe peruba nisa: Ika pet satka nisa ruwe ne na.

¹⁶ Tokap anak ne E korobe ne, kunne ne yakka E korope ne ruwe ne: Aokai anak ne shiripekere newa chup kan nisa ruwe ne.

¹⁷ Aokai anak ne obitta no okai moshiri epakige ande: Sak newa mata E kan nisa ruwe ne.

¹⁸ Epokba utara anak ne Ehoba esapse, Ramat-sak utara E kon reihei koatcha nisa ruwe ne, sekoro eshkarun yan.

¹⁹ E koro kusuwep kon ramat iteki kim un chikoikip orota koropare yan: Ramma pakno iteki E koro otek sak utara oira wa en kore.

²⁰ E koro uitaknu ambe orun ingara: Moshiri kunne i anak ne niwenbe oshiroma-i ani aeshik ruwe ne gusu ne na.

²¹ Aeramunishte utara iteki ayainikoroshma wa hoshippa kuni ne kara wa en kore, Otek-sak newa irapokkari utara E kon reihei koireika kuni ne kara wa en kore.

²² Aa Kamui, hopuni wa yaikota koro orushpe gusu itak sange wa en kore: To ebitta ramat-sak guru anak ne E esapse sekoro eshkarun yan.

²³ E eramshitnere utara koro hawe iteki oira wa en kore. E epokba gusu hopumba utara ki sakayo ramma hopuni ruwe ne na.