Iyohaichish 73 - Ashiri Aeuitaknup Iyohaichish Yona 1897

73. Iyohaichish.

Asap karabe.

¹ SON no newa Kamui anak ne Israeru un utara koipirikare, Sambe turu-sak utara koepirikare ruwe ne na.

² Koroka, kuani gusu anak ne, ku chikiri naanihungo isam a: Naanihungo ku kemaha oshittesu nisa ruwe ne.

³ Wen utara yaiepirikare ambe ku nukara ita, Ramat-sak utara gusu eyaitunnap ku ki nisa ruwe ne gusu ne na.

⁴ Nei utara rai ita anak ne shomo nuwap: Koroka, koro kiroro tumashnu wa an ruwe ne gusu ne na.

⁵ Moshima okai utara korachi oknatara shomoki; Shui, moshima okai utara nei no shomo ramu-sarak ruwe ne.

⁶ Tambe gusu, pakesara ambe anak ne uweorokkani korachi koro rekuchi ta an; Amip ami korachi niwen-buri anak ne nei utara kamure ruwe ne.

⁷ Mimush wa koro shikihi tanashi: Keutum yainu-hi anak ne ika ruwe ne.

⁸ Nei utara esapse ki, orowa, wen itak sange ruwe ne: Ri no ramu-nishte an itak ani ye ruwe ne.

⁹ Koro paroho kando otta aande, Orowa, koro parumbe anak ne moshiri kush wa apkash ruwe ne.

¹⁰ Tambe gusu, shinuma koro utara eteun hoshippa: Orowa, wakka momnatara an ap nei utara orowa no aohetu ruwe ne.

¹¹ Orowa, Hemanda Kamui eraman ya? Iyotta Rikunbe otta oramatu ambe isam ruwe be an? ani itak.

¹² Ingarʼan, tap an utara anak ne wen utara ne; Orowa, ramma maukopirika wa yaioteknure ruwe ne.

¹³ Son no newa, raka isam no ku sambe ku ashkannere hene ki; Turu-sakbe ani ku tekehe ku furaye hene ki nisa nangora;

¹⁴ Inambe gusu ne yakun, ramme-to a en ramu-sarakka an, Kes-kunneiwano a en panakte wa an ruwe ne gusu ne na.

¹⁵ Tap korachi an itak ani en itaktero, sekoro ku itak chiki, Ingarʼan, e koro poho ikiri epeka no kokandama ambe ku ki nangon na.

¹⁶ Tap okaibe ku eraman kuni ne ku ramepakari ita anak ne, Ku shik-samata kokamba ikip ne nisa ruwe ne;

¹⁷ Kamui Ashkanne ushike orun ku ahun wa Nei utara okese ku esanniyo pakno ene ani ne ruwe ne.

¹⁸ Son no newa, Aokai anak ne chiinrarakka ushiketa nei utara roshkire: Aisamka kuni ne Aokai anak ne hachire ruwe ne.

¹⁹ Hemanda nei utara anak ne kuripanpange no awende humi! Ishitoma wa nei utara ara aisamka ruwe ne.

²⁰ Mosh orowa no ainu wendarap nei no, Aa Utarapa, Aokai anak ne yai-hopunire ita nei utara koro nokaha etunne kusu ne na.

²¹ Ku keutum anak ne shiunin, Ku sambe etara nisa ruwe ne gusu ne na:

²² Nei oro pakno ku ehaita wa ramu-sak; E kotchaketa chikoikip korachi ku ne nisa ruwe ne.

²³ Yakka, kuani anak ramma E tura ku an, Aokai anak ne ku shimon tekehe kishima nisa ruwe ne.

²⁴ Aokai anak ne E koro ukoramkoro-hi ani en epakashnu kusu ne, Orowa, okaketa nupeki an ushike orun en ahunge kusu ne na.

²⁵ Aokai moshima Kamui moshiri ta hunna ku koro ya? Orowa, Aokai moshima moshiri kata ku kon rusuibe isam ruwe ne.

²⁶ Ku kam newa ku sambe anak ne nin ruwe ne: Yakka, Kamui anak ne ramma pakno ku korobe ne, ku keutum watara ne ruwe ne.

²⁷ Ingarʼan Aokai orowa no ehangeko no okai utara anak ne isam kusu ne: Aokai ekohopi wa hoiyo ki obitta no okai utara anak ne aisamka nisa ruwe ne.

²⁸ Koroka, Kamui orun karange no ku arapa-hi anak ne en gusu pirikap ne ruwe ne: Utarapa ne Ehoba ani ku numne ushi ku kan nisa, Nei ambe anak ne obitta no okai E ki ikip utara otta nure kusu ne gusu an ambe ne ruwe ne na.