Iyohaichish 72 - Ashiri Aeuitaknup Iyohaichish Yona 1897

72. Iyohaichish.

Soromon karape.

¹ AA Kamui, E koro aesanniyo ambe moshiri shikka shima guru otta kore, E koro oupekap Moshiri shikkashima guru koro poho otta koropare wa en kore.

² Oupeka no shinuma anak ne E koro utara koipishi kusu ne, Esanniyo wa E koro otek-sak utara gusu ki kusu ne na.

³ Nupuri anak ne utara gusu itomo sange, Huru anak ne oupeka-hi sange kusu ne.

⁴ Shinuma anak ne utara tumugeta okai otek-sak utara koipishi, Irapokkari utara koro poho kashiobas, Orowa, ramunishte kore guru humne no kaye kusu ne na.

⁵ Tokap chup an pakno nei utara E ko-ishitoma, Ramma an ainu ikiri pakno, kunne chup an pakno nei no ki kusu ne.

⁶ Amose-kara mun kata ran apto korachi Shinuma ran; Toitoi teineika apto korachi ran kusu ne.

⁷ Shinuma toho ta oupeka utara shipiraspa; Orowa, kunne chup isam pakno itomo nuye an no an kusu ne na.

⁸ Atui-pa pakno atui-gesh pakno, Nei pet wano moshiri-gesh pakno Shinuma esapane kusu ne.

⁹ Nup otta oshiroma utara anak ne Shinuma kotchaketa hepokiush kusu ne; Shinuma epokba utara toitoi koponchi kemkem kusu ne na.

¹⁰ Tarshish newa rep-un moshiri shikkashima utara anak ne eikrap koro wa araki, Sheba newa Saba shikkashima utara anak ne ekoimokokorobe yange kusu ne na.

¹¹ Ruwe un, obitta no okai moshiri shikkashima utara anak ne Shinuma kotchaketa hepokichiu kusu ne: Obitta no okai moshiri uirup anak ne Shinuma otta yaishieiwangere kusu ne na.

¹² Irapokkari utara hawe ashte chiki Shinuma anak ne kashiobiuki kusu ne; Otek-sak guru newa ikashiu guru isam no an guru kashiobiuki kusu ne na.

¹³ Shinuma anak ne katchabe newa irapokkari utara chishikiraine, Orowa, eishiramne utara kon ramat kashiobiuki kusu ne.

¹⁴ Iteki chiramunishtekore, iteki aeramu-nishte kuni ne nei utara kon ramat kikiraye kusu ne. Orowa, nei utara koro kem anak ne shinuma kotchaketa nupurupe ne kusu ne na.

¹⁵ Orowa, nei utara shiknu wa Sheba kongani akore kusu ne: Ramma shinuma gusu utara inonno-itak ki kusu ne: Orowa, to ebitta shinuma nunuke kusu ne na.

¹⁶ Nupuri kata newa toitoi kata amam anak ne nuye an no an kusu ne; Rebanon korachi nei nikaop shuyeshuye; Orowa, machi otta okai utara anak ne toitoi mun nei no shipiraspa kusu ne na.

¹⁷ Shinuma reihei anak ne otusashuishiri pakno an; Shinuma reihei anak ne tokap chup an pakno an kusu ne: Orowa, utara anak ne Shinuma gusu anunuke an; Obitta no okai moshiri uirup anak ne Shinuma anupetnerep ne sekoro ye kusu ne na.

¹⁸ Ehoba ne Kamui. Israeru koro Kamui anunuke ne, Patek Shinuma iyokunnure ikip ki ruwe ne:

¹⁹ Orowa, otusashuishiri pakno Shinuma koro nupeki an reihei anunuke ne; Shui, moshirʼebitta Shinuma koro nupeki ani aeshik-tere an na. Amen, shui, Amen.

²⁰ Yessai koro poko Dabid ki inonno-itak aokere na.