Iyohaichish 71 - Ashiri Aeuitaknup Iyohaichish Yona 1897

71. Iyohaichish.

¹ AA Ehoba, Aokai otta eyaikopashte ku ki na: Ramma pakno iteki a en yainikoroshmare kuni ne kara wa en kore.

² Oupeka Kamui E ne gusu en pita wa en kashiobiuki wa en kore: En otta E koro kisara atte wa en kashiobiuki wa un kore.

³ Otta kuani ramma ku oman kuni en gusu an okirashnu Watara yaikata wa en kore: Aokai anak ne a en kashiobiuki kuni ne ipawetenge sange nisa ruwe ne: Aokai ku goro Watara ne, ku goro chashi E ne ruwe ne gusu ne na

⁴ Aa ku goro Kamui, wen utara koro teke wano en ohaitare wa en kore, Oupeka-sak ramu-nishte guru koro teke wano en pita wa en kore.

⁵ Aa Utarapa ne Ehoba, Aokai gusu ku chipachipa ruwe ne, Ponram orowa no Aokai gusu eyaikopashte ku ki nisa ruwe ne gusu ne na.

⁶ A en shikore wano Aokai anak ne en nitata; Ku goro habo koro honi wano en sangere Kamui E ne ruwe ne: Ramma-kane kuani E ko-iramye ash na.

⁷ Inne utara gusu aeiyokunnurep ku ne; Koroka, Aokai anak ne okirashnu en kikikara ushike E ne ruwe ne.

⁸ Aokai koiramyep ani ku paro shikno an kusu ne ruwe ne, Tokap-to ebitta E ko-oripak ambe ani ku paro shikno an ruwe ne.

⁹ Ku pa poro ita iteki en emaka, Ku tum-sak ita iteki en moshima no ande wa en kore.

¹⁰ Inambe gusu ne yakun, en epokba utara en ohaigekara; Ku ramat gusu numne an utara uwe-ukoramkoro wa

¹¹ Ene itak-hi:— Kamui anak ne shinuma emaka; Shinuma keseamba wa kishma yan; kashiobiuki guru isam ruwe ne gusu ne na.

¹² Aa Kamui, iteki en orowa ukattuima no an: Aa ku goro Kamui, tunashino en kashiobiuki wa en kore.

¹³ Ku kon ramat keshke utara yainikoroshmare wa ushka; En wende gusu hunara utara aesapse ambe newa akoatchap ani kamure wa en kore.

¹⁴ Koroka, kuani anak ne ramma-kane chipachipa ku ki, Naa naa E koiramye ash kusu ne na.

¹⁵ Paro ani tokap to ebitta E koro oupekap newa kashiobiuki ambe Utara otta ku nure kusu ne; Nei pishki ku eraman ruwe ne gusu ne na.

¹⁶ Ehoba Kamui koro iki kirorope ani wa ku ek, E koro oupekap, ouse E koro oupekap patek ku ye kusu ne na.

¹⁷ Aa Kamui, ponram orowa no Aokai En epakashnu nisa; Orowa, tane pakno E ki iyokunnure an ikip assuru ku ashte nisa ruwe ne.

¹⁸ Ruwe newa, ku onne wa sapa retarape-ush chiki, aa Kamui iteki en emaka wa en kore. Okake ek kusu ne ainu ikiri otta E koro kiroro ku nure pakno, Ek kusu ne pishno an utara otta E koro okirashnu ambe ku nure pakno iteki en emaka wa en kore.

¹⁹ Aa Kamui, E koro oupeka ambe ne yakka shi no eri ambe ne; Poro ikip Aokai ki nisa ruwe ne, Aa Kamui, Aokai koheraye guru nen ne ya?

²⁰ Poron no okai yupke yairamhekomo ambe un nukare Aokai anak ne, Shui un shiknure wa, Toitoi ooho-i wano un yange kusu ne na.

²¹ En gusu an pase ambe porore wa en kore, Orowa hoshipi wa en omaoma wa en kore.

²² Orowa, ka oma arektep ani E koiramye ash kusu ne, Aa ku goro Kamui, sonep anak ne E korobe ne ruwe ne: Koto ari E orun ramye shinotcha ku ki, Aokai anak ne Israeru koro Ashkanep E ne ruwe ne.

²³ E orun shinotcha ku ki ita ku papush anak ne poron no nupetne kusu ne, Orowa, E kikiraye ku ramat ne yakka nei no ki kusu ne na.

²⁴ Ku parumbe ne yakka to ebitta E koro oupeka ambe gusu itak kusu ne: Inambe gusu ne yakun, iwende rusui utara anak ne ayainikoroshmare, asambe-kokurusere wa okai ruwe ne gusu ne na.