Iyohaichish 65 - Ashiri Aeuitaknup Iyohaichish Yona 1897

65. Iyohaichish.

Shinotcha esapane guru gusu. Iyohaichish. Dabid kara shinotcha.

¹ AA Kamui, Aokai gusu Zion otta ramye-hi an na: Orowa, Aokai gusu auitaknu ambe aki kusu ne na.

² Aa inonno-itak nu Kamui, E orun obitta no okai kam araki kusu ne.

³ Wen-buri anak ne en annokara: Koroka, Aokai anak ne chikoro ohaitarep isamka kusu ne.

⁴ Aokai numge wa E kora kenru ta oshiroma kuni ne ehange no tura guru anak ne anunuke ne! E kot chisei ta okai kashnukarape gusu, E koro ashkanne chisei gusu chi utara aeramushinne kusu ne na.

⁵ Aa un kashiobiuki Kamui Oupeka no Aokai anak ne ashitoma ambe ari un orun ese kusu ne; Moshiripa pakno moshirigesh pakno, shui ehangeko no an atui ne yakka E orun eyaikopashte ruwe ne:

⁶ Okirashnu wa nupuri yupke no ashte; Kiroro ani atumamkoshaye ruwe ne gusu ne na.

⁷ Atui kunrak-kunrak hum, riri turuminse hum, Moshiri uirup sakayo hum more ruwe ne.

⁸ Shui, moshiri iyotta keseta oshiroma utara E ki shiroshi gusu ishitoma kusu ne: Aokai anak ne kunneiwano newa onuman nupetnere wa shinotcha kire ruwe ne.

⁹ Aokai anak ne moshiri ta ek wa teineika Nei ambe pirikare ruwe ne: Kamui pet anak ne wakka ani eshik; Aokai anak ne toitoi etokooiki chiki amam shipiras-pare ruwe ne gusu ne na.

¹⁰ Aokai anak ne nuye an no nei ata ushike kata wakka chari, Nei tane-ru kashike eramamke: Sashne-sashne an apto ani nei ambe hapurure ruwe ne; Aokai nunuke wa nei ambe shiparaspare ruwe ne na.

¹¹ Aokai anak ne kashnukarape ani pa pirikare, E koro apkash-i kiripu rapapse ruwe ne.

¹² Nup ka mun anak ne erai, Orowa, huru anak ne ramuritetke ruwe ne.

¹³ Chikoikip mimdara anak ne topaha ari automchiure; Pinnai anak ne amam ani akamure ruwe ne; Nei ambe anak ne nupetne hau rikunitara, orowa shinotcha ki ruwe ne na.